“İnzibati icraat haqqında” Azərbaycan Respublikasının Qanununda dəyişikliklər edilməsi barədə

 

AZƏRBAYCAN RESPUBLİKASININ QANUNU

 

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 1-ci bəndini rəhbər tutaraq qərara alır:

“İnzibati icraat haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 2005, ¹ 12, maddə 1084; 2006, ¹ 12, maddə 1031; 2008, ¹ 6, maddə 462; 2011, ¹ 7, maddə 592) aşağıdakı dəyişikliklər edilsin:

1. Aşağıdakı məzmunda 5.1-1-ci maddə əlavə edilsin:

“5.1-1. İnzibati orqan, bu Qanunun 7.1-ci və 7.2-ci maddələrində nəzərdə tutulmuş hallar istisna olmaqla, müraciət daxil olduğu gündən 15 gün müddətində hüquqi yardım göstərilməsini təmin etməlidir. Hüquqi yardım göstərilməsi üçün daha artıq müddət tələb olunduğu hallarda, inzibati orqan tərəfindən hüquqi yardımın göstərilməsi müddəti, ona bu məqsədlə müraciət etmiş digər inzibati orqana əsaslandırılmış yazılı məlumat verilməklə, 15 günədək uzadıla bilər.”.

2. 7.4-cü maddənin ikinci cümləsində “qısa müddət ərzində” sözləri “5 gün müddətində” sözləri ilə əvəz edilsin.

3. 23.1-ci maddədə “ərizə və ya vəsatətlərin” sözləri “ərizə, şikayət və ya vəsatətlərin” sözləri ilə, “ərizə və ya vəsatətdə” sözləri “ərizə, şikayət və ya vəsatətlərdə” sözləri ilə əvəz edilsin.

4. 24.5-ci maddədə “ərizə və ya vəsatətləri” sözləri “ərizə, şikayət və ya vəsatətləri” sözləri ilə əvəz edilsin.

5. 34-cü maddə üzrə:

5.1. 34.1.3-cü maddədə “maddəsində” sözü “və 35.5-ci maddələrində” sözləri ilə əvəz edilsin;

5.2. aşağıdakı məzmunda 34.3-cü maddə əlavə edilsin:

“34.3. Bu Qanunun 34.1.3-cü maddəsində nəzərdə tutulmuş nöqsanlar aradan qaldırıldıqdan sonra inzibati orqana yenidən ərizə ilə müraciət edilə bilər.”.

6. 41-ci maddə üzrə:

6.1. adında “təyin” sözü “cəlb” sözü ilə əvəz edilsin;

6.2. 41.1-ci maddədə “ekspertiza təyin” sözləri “ekspert və ya mütəxəssis cəlb” sözləri ilə əvəz edilsin;

6.3. 41.4-cü maddədən “və ya mütəxəssisləri” sözləri, 41.6-cı maddədən isə “və ya mütəxəssis” sözləri çıxarılsın;

6.4. aşağıdakı məzmunda 41.6-1-ci maddə əlavə edilsin:

“41.6-1. Mütəxəssis inzibati orqana zəruri kömək göstərilməsi üçün elm, texnika, incəsənət və digər peşə sahəsində xüsusi bilik və bacarığa malik olmalıdır. Lakin mütəxəssisin ifadə etdiyi fikir ekspert rəyini əvəz etmir.”.

7. 72-ci maddənin adında “şikayətin verilməsi” sözlərindən sonra “və geri götürülməsi” sözləri əlavə edilsin və aşağıdakı məzmunda 72.6-cı maddə əlavə edilsin:

“72.6. İnzibati qaydada verilmiş şikayət üzrə bu Qanunun 80-ci maddəsində nəzərdə tutulmuş qərar qəbul edilənədək, həmin şikayət maraqlı şəxsin və ya onun nümayəndəsinin ərizəsinə əsasən geri götürülə bilər.”.

8. 75-ci maddə üzrə:

8.1. 75.1.2-ci maddədə “məhkəmənin” sözündən sonra “qanuni qüvvəyə minmiş” sözləri əlavə edilsin;

8.2. 75.1.3-cü maddənin sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda 75.1.4-cü maddə əlavə edilsin:

“75.1.4. şikayət maraqlı şəxsin və ya onun nümayəndəsinin ərizəsinə əsasən geri götürüldükdə.”.

9. 76.1-ci maddədə “İnzibati” sözü “Bu Qanunun 76.2-ci maddəsinə əsasən inzibati aktın icrasının dayandırılması barədə qərar qəbul edildiyi hallar istisna olmaqla, inzibati” sözləri ilə əvəz edilsin.

10. 80-ci maddə üzrə:

10.1. 80.1.1-ci maddədə “saxlaya bilər” sözləri “saxlayır və ya” sözləri ilə əvəz edilsin;

10.2. 80.1.2-ci maddədə “ləğv edə bilər” sözləri “ləğv edir” sözləri ilə, “qəbul edə bilər” sözləri isə “qəbul edir və ya” sözləri ilə əvəz edilsin;

10.3. 80.1.3-cü maddədə “dəyişdirə bilər” sözləri “dəyişdirir” sözü ilə əvəz edilsin;

10.4. 80.1.3-cü maddənin sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda 80.1.4-cü maddə əlavə edilsin:

“80.1.4. inzibati şikayət bu Qanunun 71.2-ci maddəsinə uyğun olaraq inzibati orqanın hərəkət və ya hərəkətsizliyindən verilibsə, həmin şikayət üzrə aparılmış araşdırmanın nəticəsinə dair qərar qəbul edir.”.

 

İlham ƏLİYEV,

Azərbaycan Respublikasının Prezidenti

 

Bakı şəhəri, 28 oktyabr 2014-cü il

¹ 1085-IVQD