Azərbaycan Respublikasının Biləsuvar, Qax, Qəbələ, Yardımlı, Goranboy, Salyan, Samux, Tovuz və Şəmkir rayonlarının inzibati ərazi bölgüsündə qismən dəyişikliklər edilməsi haqqında

 Azərbaycan Respublikasının Qanunu

 

 Azərbaycan Respublikasının Milli Məclisi qərara alır:

 Azərbaycan Respublikasının Biləsuvar, Qax, Qəbələ, Yardımlı, Goranboy, Salyan, Samux, Tovuz və Şəmkir rayonlarının rayonlarının  inzibati ərazi bölgüsündə aşağıdakı dəyişikliklər edilsin:

Biləsuvar rayonu üzrə:

 Ağalıkənd kənd inzibati ərazi vahidi tərkibindəki Kulibinka kəndi Ovçubərə kəndi adlandırılsın;

Qax rayonu üzrə:

 Sarıbaş kənd inzibati ərazi vahidi tərkibindəki Qarabulaq kəndi rayonun yaşayış məntəqələri uçot məlumatından çıxarılsın;

Qəbələ rayonu üzrə:

 Yenikənd kəndi Zalam kənd inzibati ərazi vahidi tərkibindən ayrılaraq, həmin kənd mərkəz olmaqla Yenikənd kənd inzibati ərazi vahidi  yaradılsın;

 Zalam kənd inzibati ərazi vahidinin Topbağ kəndi Yenikənd kənd inzibati ərazi vahidinin tərkibinə verilsin;

Yardımlı rayonu üzrə:

 Avaş kənd inzibati ərazi vahidi tərkibindəki yaşayış məntəqəsi Qaravuldaş kəndi adlandırılsın və rayonun yaşayış məntəqələri uçot  məlumatına daxil edilsin;

Goranboy rayonu üzrə:

 Aşağı Ağcakənd qəsəbə inzibati ərazi vahidi tərkibindəki Xarxaput kəndi Meşəli kəndi adlandırılsın;

 Çalaberti kəndi — Veyisli kəndi, Çalaberti kənd inzibati ərazi vahidi Veyisli kənd inzibati ərazi vahidi adlandırılsın;

 Mixaylovka kəndi — Dəyirmanlar kəndi, Mixaylovka kənd inzibati ərazi vahidi Dəyirmanlar kənd inzibati ərazi vahidi adlandırılsın;

 Faktiki mövcud olan Tatarlı kəndi dəqiqləşdirmə qaydasında Səfikürd kənd inzibati ərazi vahidi tərkibində rayonun yaşayış məntəqələri  uçot məlumatına daxil edilsin;

Salyan rayonu üzrə:

 Faktiki mövcud olan Qırx Çıraq qəsəbəsi dəqiqləşdirmə qaydasında Çuxanlı kənd inzibati ərazi vahidi tərkibində rayonun yaşayış  məntəqələri uçot məlumatına daxil edilsin;

Samux rayonu üzrə:

 Kolayır kənd inzibati ərazi vahidi tərkibindəki Alıncalı kəndi rayonun yaşayış məntəqələri uçot məlumatından çıxarılsın;

 Zazalı kənd inzibati ərazi vahidi tərkibindəki Zazalı qəsəbəsi rayonun yaşayış məntəqələri uçot məlumatından çıxarılsın;

Tovuz rayonu üzrə:

 Qəribli kənd inzibati ərazi vahidi tərkibindəki Yanıqpəyə kəndi rayonun yaşayış məntəqələri uçot məlumatından çıxarılsın;

Şəmkir rayonu üzrə:

 Qasım İsmayılov kənd inzibati ərazi vahidi tərkibindəki Pravda kəndi Qılıncbəyli kəndi adlandırılsın.

 

Azərbaycan Respublikasının Prezidenti Heydər ƏLİYEV

 Bakı şəhəri, 3 iyul 1998-ci il

№ 518-IQ