AKTIN NÖVÜ
AZƏRBAYCAN RESPUBLİKASI PREZİDENTİNİN SƏRƏNCAMLARI
QƏBUL EDİLDİYİ TARİX
22.07.2009
QEYDİYYAT NÖMRƏSİ
404
ADI
Azərbaycan Respublikası Prezidentinin İşlər İdarəsinin strukturunun təkmilləşdirilməsi ilə bağlı bəzi məsələlər haqqında
RƏSMİ DƏRC EDİLDİYİ MƏNBƏ
Azərbaycan Respublikasının Qanunvericilik Toplusu (Dərc olunma tarixi: 31-07-2009, Nəşr nömrəsi: 07, Maddə nömrəsi: 581)
QÜVVƏYƏ MİNMƏ TARİXİ
AZƏRBAYCAN RESPUBLİKASI VAHİD HÜQUQi TƏSNİFATI ÜZRƏ İNDEKS KODU
010.000.000
HÜQUQİ AKTLARIN DÖVLƏT REYESTRİNİN QEYDİYYAT NÖMRƏSİ
HÜQUQİ AKTIN HÜQUQİ AKTLARIN DÖVLƏT REYESTRİNƏ DAXİL EDİLDİYİ TARİX
01.07.2011
Azərbaycan Respublikası Prezidentinin İşlər İdarəsinin strukturunun təkmilləşdirilməsi ilə bağlı bəzi məsələlər haqqında

Azərbaycan Respublikası Prezidentinin İşlər İdarəsinin strukturunun təkmilləşdirilməsi ilə bağlı bəzi məsələlər haqqında

 

AZƏRBAYCAN RESPUBLİKASI PREZİDENTİNİN SƏRƏNCAMI

 

1. Azərbaycan Respublikası Prezidentinin İşlər İdarəsinin tabeliyində «Gənclik iqamətgahı» yaradılsın.

2. Azərbaycan Respublikası Prezidentinin İşlər İdarəsinin tabeliyində olan 1 nömrəli Pansionat, «Şəfəq» Sarayı daxil olmaqla, «Zuğulba» İqamətgahı adlandırılsın.

3. Azərbaycan Respublikası Prezidentinin İşlər İdarəsinin tabeliyində olan «Prezident İqamətgahı», «Ulduz» Sarayı daxil olmaqla», «Ulduz» Qonaq Evi adlandırılsın.

4. Azərbaycan Respublikası Prezidentinin İşlər İdarəsinin tabeliyində olan 2 nömrəli Pansionat İşlər İdarəsinin Pansionatı adlandırılsın.

5. Azərbaycan Respublikası Prezidentinin İşlər İdarəsinin tabeliyində olan Siyasi Partiyalar və İctimai Hərəkatlar Dövlət Arxivi Siyasi sənədlər Arxivi adlandırılsın.

6. Müəyyən edilsin ki, Azərbaycan Respublikası Prezidentinin İşlər İdarəsinin tabeliyində olan dövlət büdcəsindən maliyyələşdirilən və Azərbaycan Respublikası Prezidentinin İşlər İdarəsinin sektoru statusu malik olan təşkilatlara Azərbaycan Respublikası Prezidentinin İşlər İdarəsinin şöbəsi statusu verilsin.

7. Azərbaycan Respublikası Prezidentinin 2005-ci il 9 dekabr tarixli, 1139 nömrəli Sərəncamı ilə «Azərbaycan Respublikası Prezidentinin İşlər İdarəsinin strukturunun təkmilləşdirilməsi haqqında» Azərbaycan Respublikası Prezidentinin 2005-ci il 11 iyul tarixli, 886 nömrəli Sərəncamına əlavə edilmiş «Azərbaycan Respublikası Prezidentinin İşlər idarəsinin tabeliyində olan dövlət büdcəsindən maliyyələşdirilən və Azərbaycan Respublikası Prezidentinin İşlər İdarəsinin sektoru statusuna malik olan təşkilatların siyahısı» aşağıdakı yeni redaksiyada verilsin:

 

«Azərbaycan Respublikası Prezidentinin İşlər İdarəsinin tabeliyində olan dövlət büdcəsindən maliyyələşdirilən və Azərbaycan Respublikası Prezidentinin İşlər İdarəsinin şöbəsi statusuna malik olan təşkilatların

 

SİYAHISI

1. «Zuğulba» İqamətgahı

2. «Gənclik» İqamətgahı

3. «Ulduz» Qonaq Evi

4. «Gənclik» Qonaq Evi

5. «Azadlıq» Qonaq Evi

6. «Gülüstan» Sarayı

7. Prezident Kitabxanası

8. Siyasi sənədlər Arxivi

9. Pansionat

10. Avtopark.».

8. Azərbaycan Respublikasının Nazirlər Kabinetinə tapşırılsın ki:

8.1. 2010-cu il və növbəti illər üçün dövlət büdcəsinin layihəsində bu Sərəncamın 1-ci bəndi ilə Azərbaycan Respublikası Prezidentinin İşlər İdarəsinin tabeliyində yaradılan «Gənclik İqamətgahı»nın fəaliyyətinin maliyyələşdirilməsi məqsədi ilə Azərbaycan Respublikası Prezidentinin Administrasiyasının (İşlər İdarəsinin tabeliyində olan təşkilatlar daxil olmaqla) saxlanılması xərclərində müvafiq vəsaitin nəzərdə tutulmasını təmin etsin;

8.2. qüvvədə olan normativ hüquqi aktların bu Sərəncama uyğunlaşdırılması barədə təkliflərini hazırlayıb iki ay müddətində Azərbaycan Respublikasının Prezidentinə təqdim etsin;

8.3. öz səlahiyyətləri daxilində bu Sərəncamdan irəli gələn məsələləri həll etsin. [1]

 

 

Azərbaycan Respublikasının Prezidenti

İlham ƏLİYEV

 

Bakı şəhəri, 22 iyul 2009-cu il

№ 404


İSTİFADƏ OLUNMUŞ MƏNBƏ SƏNƏDLƏRİNİN SİYAHISI

 

  1. 13 oktyabr 2021-ci il tarixli 2955 nömrəli Azərbaycan Respublikası Prezidentinin Sərəncamı (Azərbaycan Respublikasının Qanunvericilik Toplusu, 2021-ci il, № 10, maddə 1137)

 

SƏRƏNCAMA  EDİLMİŞ DƏYİŞİKLİK VƏ ƏLAVƏLƏRİN SİYAHISI

 



[1] 13 oktyabr 2021-ci il tarixli 2955 nömrəli Azərbaycan Respublikası Prezidentinin Sərəncamı (Azərbaycan Respublikasının Qanunvericilik Toplusu, 2021-ci il, № 10, maddə 1137) ilə 7—8-ci hissələri ləğv edilmişdir.

Müqayisə beta versiyadadır. Üzərində işlənilir.

Tarix
Versiyalar
Müqayisə
Növü
Sənədin adı
Nömrəsi
Əlaqə
Reyestr nömrəsi
Qəbul
edilmə tarixi
Status