AKTIN NÖVÜ
AZƏRBAYCAN RESPUBLİKASI PREZİDENTİNİN FƏRMANLARI
QƏBUL EDİLDİYİ TARİX
01.12.1998
QEYDİYYAT NÖMRƏSİ
30
ADI
“Məhkəmələr və hakimlər haqqında” Azərbaycan Respublikası Qanununun tətbiq edilməsi və Məhkəmə islahatlarının həyata keçirilməsinə dair tədbirlər barədə
RƏSMİ DƏRC EDİLDİYİ MƏNBƏ
Azərbaycan Respublikasının Qanunvericilik Toplusu (Dərc olunma tarixi: 31-12-1998, Nəşr nömrəsi: 12, Maddə nömrəsi: 744)
QÜVVƏYƏ MİNMƏ TARİXİ
AZƏRBAYCAN RESPUBLİKASI VAHİD HÜQUQi TƏSNİFATI ÜZRƏ İNDEKS KODU
380.000.000
HÜQUQİ AKTLARIN DÖVLƏT REYESTRİNİN QEYDİYYAT NÖMRƏSİ
HÜQUQİ AKTIN HÜQUQİ AKTLARIN DÖVLƏT REYESTRİNƏ DAXİL EDİLDİYİ TARİX
01.07.2011
“Məhkəmələr və hakimlər haqqında” Azərbaycan Respublikası Qanununun tətbiq edilməsi və Məhkəmə islahatlarının həyata keçirilməsinə dair tədbirlər barədə

“Məhkəmələr və hakimlər haqqında” Azərbaycan Respublikası Qanununun tətbiq edilməsi və Məhkəmə islahatlarının həyata keçirilməsinə dair tədbirlər barədə

 

Azərbaycan RESPUBLİKASI PREZİDENTİNİN Fərmanı

 

“Məhkəmələr və hakimlər haqqında” Azərbaycan Respublikası Qanununun qüvvəyə minməsi ilə əlaqədar həmin Qanunun tətbiq edilməsini və ədalət mühakiməsini həyata keçirən müstəqil məhkəmə sisteminin yaradılmasını təmin etmək məqsədi ilə qərara alıram:

1. Azərbaycan Respublikası Prezidentinin yanında Məhkəmə-Hüquq Şurası yaradılsın və onun əsasnaməsi təsdiq edilsin. [1]

2. Azərbaycan Respublikasının ədliyyə nazirinə tapşırılsın ki, on gün müddətində Məhkəmə-Hüquq Şurasının tərkibinə dair təkliflərini Azərbaycan Respublikasının Prezidentinə təqdim etsin.

3. Məhkəmə-Hüquq Şurasına tapşırılsın ki:

Məhkəmələrin təşkilinə və namizədlərin hakim vəzifələrinə təyin edilməsinə dair təkliflərini Azərbaycan Respublikasının Prezidentinə təqdim etsin;

peşə hazırlığı məsələləri ilə bağlı hüquq tədris mərkəzinin yaradılması və fəaliyyətinə dair təkliflərini Azərbaycan Respublikasının Prezidentinə təqdim etsin.

4. Azərbaycan Respublikasının Ali Məhkəməsinə təklif edilsin ki, intizam kollegiyası haqqında əsasnaməni təsdiq etsin.

5. Azərbaycan Respublikasının Ali Məhkəməsinə tövsiyə edilsin və Azərbaycan Respublikasının Ədliyyə Nazirliyinə tapşırılsın ki, ədalət mühakiməsinin rəsmi emblemi, hakimlərin xüsusi geyim formasının və xidməti vəsiqəsinin təsvirinə dair qanun layihələrini hazırlayıb Azərbaycan Respublikasının Prezidentinə təqdim etsin.

6. Azərbaycan Respublikasının Nazirlər Kabinetinə tapşırılsın ki:

Qüvvədə olan müvafiq qanunvericilik aktlarının “Məhkəmələr və hakimlər haqqında” Azərbaycan Respublikası Qanununa uyğunlaşdırılması, maddi və prosessual qanunlara əlavələr və dəyişikliklər edilməsi barədə təkliflərini üç ay müddətində Azərbaycan Respublikasının Prezidentinə təqdim etsin;

Azərbaycan Respublikasının Əmlak Məsələləri Dövlət Komitəsi ilə birlikdə, ədalət mühakiməsini həyata keçirən Azərbaycan Respublikası məhkəmələrini, məhkəmə hakimiyyətinin yüksək statusuna və qanunvericiliyin tələblərinə cavab verən binalarla təmin etsin; [2]

məhkəmələrin fəaliyyətinə zəruri şəraitin yaradılması üçün onları xüsusi avadanlıq, nəqliyyat vasitələri və digər ləvazimatlarla təmin etsin;

məhkəmələri ştat cədvəli, xərc smetası, hakimlərin əmək haqqı və digər məsələlərin həyata keçirilməsi üçün tədbirlər görsün və öz səlahiyyətləri daxilində həmin Qanundan irəli gələn məsələləri həll etsin;

hər ilin dövlət büdcəsi layihəsində məhkəmələrin maddi-texniki təminatı üçün müvafiq maliyyə vəsaitinin ayrılmasını nəzərdə tutsun.

[3] 7. Müəyyən edilsin ki: [4]

7.1. “Məhkəmələr və hakimlər haqqında” Azərbaycan Respublikası Qanununun 93-3-cü maddəsinin altıncı hissəsinin ikinci cümləsində, 107-ci maddəsinin birinci hissəsinin üçüncü cümləsində, 110-cu maddəsinin birinci hissəsinin beşinci abzasında, 112-ci maddəsinin doqquzuncu hissəsinin dördüncü – altıncı abzaslarında, onuncu hissəsinin ikinci – dördüncü, altıncı və yeddinci abzaslarında, 114-cü maddəsinin ikinci hissəsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Prezidenti həyata keçirir;

7.2. həmin Qanunun 107-ci maddəsinin birinci hissəsinin üçüncü cümləsində “orqan (qurum)” dedikdə Azərbaycan Respublikasının Nazirlər Kabineti nəzərdə tutulur;

7.3. həmin Qanunun 109-cu maddəsinin dördüncü hissəsinin ikinci cümləsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Nazirlər Kabineti həyata keçirir;

7.4. həmin Qanunun 90-cı maddəsinin beşinci hissəsində nəzərdə tutulmuş müvafiq icra hakimiyyəti orqanlarının səlahiyyətlərini maliyyə məsələləri üzrə Azərbaycan Respublikasının Nazirlər Kabineti, maddi-texniki təminat məsələləri üzrə Azərbaycan Respublikasının Ədliyyə Nazirliyi, Naxçıvan Muxtar Respublikasının ərazisində Naxçıvan Muxtar Respublikasının Ədliyyə Nazirliyi, altıncı hissəsində nəzərdə tutulmuş müvafiq icra hakimiyyəti orqanının səlahiyyətlərini isə Azərbaycan Respublikasının Maliyyə Nazirliyi həyata keçirir;

7.5. həmin Qanunun 55-ci maddəsinin ikinci hissəsinin birinci cümləsində, 86-cı maddəsinin birinci hissəsində (məhkəmələrin maliyyə və digər maddi-texniki təminatı üzrə) və ikinci hissəsinin ikinci cümləsində (yalnız birinci instansiya məhkəmələrində həmin maddədə qeyd edilən sahələr üzrə işin təşkili vəziyyətinin yoxlanılması üzrə), 88-ci maddəsinin dördüncü hissəsində, 97-1-ci maddəsinin birinci hissəsinin birinci cümləsində (yalnız birinci instansiya məhkəmələrinə münasibətdə) və ikinci hissəsində, 107-ci maddəsinin ikinci hissəsində nəzərdə tutulmuş müvafiq icra hakimiyyəti orqanının səlahiyyətlərini Naxçıvan Muxtar Respublikasının ərazisində Naxçıvan Muxtar Respublikasının Ədliyyə Nazirliyi həyata keçirir;

7.6. həmin Qanunun 64-cü maddəsinin ikinci hissəsində, 80-ci maddəsinin ikinci hissəsinin birinci cümləsində, 86-cı maddəsinin adında, birinci hissəsində, ikinci hissəsinin birinci və ikinci cümlələrində, üçüncü və dördüncü hissələrində, 87-ci maddəsinin ikinci və üçüncü hissələrində, 88-ci maddəsinin dördüncü hissəsində, 91-ci maddəsində, 97-1-ci maddəsinin birinci hissəsinin birinci cümləsində və ikinci hissəsində, 107-ci maddəsinin ikinci hissəsində, 112-ci maddəsinin birinci hissəsinin ikinci cümləsində və altıncı hissəsində, 114-cü maddəsinin birinci hissəsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Ədliyyə Nazirliyi həyata keçirir;

7.7. həmin Qanunun 108-ci maddəsində nəzərdə tutulmuş müvafiq icra hakimiyyəti orqanının səlahiyyətlərini rayon (şəhər) icra hakimiyyəti orqanları həyata keçirirlər;

7.8. həmin Qanunun 113-cü maddəsinin üçüncü hissəsinin birinci və ikinci cümlələrində nəzərdə tutulmuş müvafiq icra hakimiyyəti orqanının səlahiyyətlərini Dövlət Tibbi-Sosial Ekspertiza və Reabilitasiya Agentliyi qismində Azərbaycan Respublikasının Əmək və Əhalinin Sosial Müdafiəsi Nazirliyi həyata keçirir;

7.9. həmin Qanunun 88-ci maddəsinin beşinci hissəsində müvafiq icra hakimiyyəti orqanının tədris-elm müəssisəsi dedikdə Azərbaycan Respublikası Ədliyyə Nazirliyinin Ədliyyə Akademiyası nəzərdə tutulur.

8. Bu Fərman dərc olunduğu gündən qüvvəyə minir.

 

Azərbaycan Respublikasının Prezidenti  Heydər ƏLİYEV

 

 

Bakı şəhəri, 1 dekabr 1998-ci il

№ 30

 


 

Azərbaycan Respublikası Prezidentinin

1998-ci il 1 dekabr tarixli 30 saylı Fərmanı ilə

TƏSDİQ EDİLMİŞDİR

 

Azərbaycan Respublikasının Prezidenti yanında Məhkəmə-Hüquq Şurası haqqında

 

Əsasnamə

 

1. Ümumİ müddəalar

 

1.1.            Azərbaycan Respublikasının Prezidenti yanında Məhkəmə-hüquq Şurası (bundan sonra — Məhkəmə-hüquq Şurası) “Məhkəmələr və hakimlər haqqında” Azərbaycan Respublikası Qanununun tətbiqi ilə əlaqədar Azərbaycan Respublikasının Prezidenti tərəfindən yaradılır.

1.2.            Məhkəmə-hüquq Şurası məhkəmələrin təşkil edilməsi, hakim vəzifələrinə namizədlərin seçilməsi, habelə məhkəmələr və hakimlərlə bağlı digər məsələləri səlahiyyətləri dairəsində həyata keçirən məşvərətçi orqan olmaqla yalnız Azərbaycan Respublikasının Prezidenti qarşısında məsuldur.

1.3.            Məhkəmə-hüquq Şurası öz fəaliyyətində Azərbaycan Respublikasının Konstitusiyasını, “Məhkəmələr və hakimlər haqqında” Qanunu, Azərbaycan Respublikasının digər qanunlarını, Azərbaycan Respublikası Prezidentinin fərman və sərəncamlarını, Azərbaycan Respublikasının tərəfdar çıxdığı beynəlxalq müqavilələri və bu Əsasnaməni rəhbər tutur.

1.4.            Məhkəmə-hüquq Şurası qanunvericilik, icra və məhkəmə hakimiyyəti orqanları ilə qarşılıqlı fəaliyyət göstərir.

 

2. Məhkəmə-hüquq Şurasının tərkİbİ

 

Məhkəmə-hüquq Şurasının tərkibi Azərbaycan Respublikasının Prezidenti tərəfindən təyin edilən 7 üzvdən ibarətdir.

Məhkəmə-hüquq Şurasının tərkibinə ikili vətəndaşlığı, başqa dövlətlər qarşısında öhdəliyi olan, dövlət orqanlarında seçkili vəzifə tutan, elmi, pedaqoji v yaradıcılıq fəaliyyəti istisna olmaqla, sahibkarlıq, kommersiya və digər ödənişli fəaliyyətlə məşğul olan şəxslər, din xadimləri daxil edilə bilməzlər.

 

3. Məhkəmə-hüquq Şurasının səlahİyyətlərİ

 

Məhkəmə-hüquq Şurası aşağıdakı məsələlərə baxır və Azərbaycan Respublikasının Prezidentinə təkliflər verir:

məhkəmələrin təşkil olunması (olduğu yer, ərazi üzrə fəaliyyət dairəsi və hakimlərinin sayı);

hakim vəzifəsinə namizədlərin sənədlərinin toplanması, onların peşə yararlılığının, hakim vəzifəsinə layiqli olmasının müəyyən edilməsi məqsədi ilə test üsulu ilə imtahan və müsahibə aparılması; [5]

hakimlərin təltif olunması;

məhkəmə fəaliyyətinin hüquqi və informasiya təminatı, məhkəmələrin maddi-texniki təchizatı və maliyyələşdirilməsi;

“Məhkəmələr və hakimlər haqqında” Azərbaycan Respublikası Qanununun 113-cü maddəsinin 1—5-ci bəndlərində nəzərdə tutulan əsaslar olduqda hakimlərin səlahiyyətlərinə vaxtından əvvəl xitam verilməsi.

Məhkəmə-hüquq Şurası Azərbaycan Respublikası Prezidentinin tapşırığına əsasən digər məsələlərə də baxır.

Məhkəmə-hüquq Şurası baxılan məsələlər üzrə dövlət orqanlarından, hüquqi və fiziki şəxslərdən sənəd və məlumatlar alır, dövlət orqanlarının, elmi müəssisələrin, idarə və təşkilatların əməkdaşlarını, mütəxəssisləri və ekspertləri cəlb edir.

 

4. Məhkəmə-hüquq Şurasının İşİnİn təşkİlİ

 

Məhkəmə-hüquq Şurasının səlahiyyətlərinə aid edilmiş məsələlərə Şuranın iclaslarında baxılır. Həmin iclaslar ayda bir dəfədən az olmayaraq keçirilir.

Məhkəmə-hüquq Şurasının iclasının vaxtı, yeri və müzakirəyə çıxarılan məsələlər barədə Şuranın üzvlərinə iclasa ən geci üç gün qalmış məlumat verilir.

Məhkəmə-hüquq Şurasının iclasına Şuranın üzvlərindən başqa digər şəxslər də dəvət oluna bilərlər.

Məhkəmə-hüquq Şurasının iclası Şuranın üzvlərinin üçdən iki hissəsi iştirak etdikdə səlahiyyətli sayılır.

Məhkəmə-hüquq Şurasının iclasına Azərbaycan Respublikası Prezidentinin sərəncamı ilə Şuranın üzvlərindən biri sədrlik edir.

Məhkəmə-hüquq Şurasının qərarları açıq səsvermə yolu ilə, səsvermədə iştirak edən Şura üzvlərinin əsas çoxluğu  ilə qəbul olunur. Məhkəmə-hüquq Şurasının iclasına sədrlik edən səsvermədə iştirak edir və axırıncı səs verir.

Məhkəmə-hüquq Şurası baxılan məsələlər üzrə qərarlar qəbul edir. Qəbul olunmuş qərarlar Şuranın iclasında iştirak etmiş bütün üzvlər tərəfindən imzalanır.

Məhkəmə-hüquq Şurası üzvünün xüsusi rəyi olduqda həmin rəy qərara əlavə edilir.

Məhkəmə-hüquq Şurasının iclaslarının hazırlanmasına dair təşkilati işlərin həyata keçirilməsi, Şuranın iclas protokolunun aparılması, Şuranın qəbul etdiyi qərarların icrası, habelə hakim vəzifəsinə namizədlərin sənədlərinin toplanması ilə bağlı digər məsələlərin həll edilməsi üçün Məhkəmə-hüquq Şurasının Katibliyi yaradılır.

Məhkəmə-hüquq Şurası Katibliyinin təşkilati təminatını Azərbaycan Respublikası Ədliyyə Nazirliyi həyata keçirir.

 

5. Hakİm vəzİfəsİnə namİzədlərİn seçİlmə qaydası

 

Hakim vəzifəsini tutmaq arzusunda olan hər bir Azərbaycan Respublikası vətəndaşı bu barədə ərizə ilə Məhkəmə-hüquq Şurasına müraciət edə bilər.

Həmin şəxs Məhkəmə-hüquq Şurası tərəfindən müəyyən olunmuş sənədləri təqdim etməlidir.

Bu şəxsin sənədləri “Məhkəmələr və hakimlər haqqında” Azərbaycan Respublikası Qanununun 93-cü maddəsinin tələblərinə cavab verirsə, Məhkəmə-hüquq Şurası hakim vəzifəsinə namizədin peşə hazırlığını, bilik səviyyəsini, hakim vəzifəsinə layiq olduğunu müəyyən etmək məqsədi ilə test üsulu ilə imtahan və  müsahibə aparır. [6]

İmtahan və müsahibədən müvəffəqiyyətlə keçmiş şəxsin hakim vəzifəsinə təyin olunması barədə Məhkəmə-hüquq Şurası Azərbaycan Respublikasının Prezidentinə təkliflər verir. Azərbaycan Respublikasının Prezidenti namizədlər sırasından Azərbaycan Respublikasının Ali Məhkəməsinə və Azərbaycan Respublikasının İqtisad Məhkəməsinə hakim vəzifəsinə təyin edilməli şəxslər barədə Azərbaycan Respublikasının Milli Məclisinə təqdimat verir, digər məhkəmələrin hakimlərini isə təyin edir. [7]

 


İSTİFADƏ OLUNMUŞ MƏNBƏ SƏNƏDLƏRİNİN SİYAHISI

 

1.       17 yanvar 2000-ci il tarixli 255 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2000-ci il, № 1, maddə 34)

2.       11 oktyabr 2001-ci il tarixli 587 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2001-ci il, № 10, maddə 640)

3.       24 avqust 2002-ci il tarixli 758 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2002-ci il, № 8, maddə 478)

4.       25 iyul 2006-cı il tarixli 429 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2006-cı il, № 7, maddə 593)

5.       6 iyul 2006-cı il tarixli 426 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2006-cı il, № 7, maddə 590)

6.       23 noyabr 2009-cu il tarixli 185 nömrəli Azərbaycan Respublikası Prezidentinin Fərmanı (“Azərbaycan” qəzeti 25 noyabr 2009-cu il, № 264, Azərbaycan Respublikasının Qanunvericilik Toplusu, 2009-cu il, № 11, maddə 888)

7.       2 iyul 2010-cu il tarixli 291 nömrəli Azərbaycan Respublikası Prezidentinin Fərmanı (“Azərbaycan” qəzeti 4 iyul 2010-cu il, № 141, Azərbaycan Respublikasının Qanunvericilik Toplusu, 2010-cu il, №7, maddə 610)

8.       13 yanvar 2015-ci il tarixli 440 nömrəli Azərbaycan Respublikası Prezidentinin Fərmanı (“Azərbaycan” qəzeti, 14 yanvar 2015-ci il, № 9, Azərbaycan Respublikasının Qanunvericilik Toplusu, 2015-ci il, №1, maddə 16)

9.       31 avqust 2015-ci il tarixli 586 nömrəli Azərbaycan Respublikası Prezidentinin Fərmanı (“Respublika” qəzeti, 1 sentyabr 2015-ci il, № 189, Azərbaycan Respublikasının Qanunvericilik Toplusu, 2015-ci il, №8, maddə 915)

10.    10 iyul 2020-ci il tarixli 1106 nömrəli Azərbaycan Respublikası Prezidentinin Fərmanı (“Xalq” qəzeti, 12 iyul 2020-ci il, № 134, Azərbaycan Respublikasının Qanunvericilik Toplusu, 2020-ci il, № 7, maddə 886)

 

FƏRMANA EDİLMİŞ DƏYİŞİKLİK VƏ ƏLAVƏLƏRİN SİYAHISI

 



[1] 25 iyul 2006-cı il tarixli 429 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2006-cı il, № 7, maddə 593) ilə 1-ci, 3-cü və 4-cü bəndlər çıxarılmışdır.

 

[2] 11 oktyabr 2001-ci il tarixli 587 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2001-ci il, № 10, maddə 640) ilə 6-cı bəndin üçüncü abzasında "Dövlət Əmlak Komitəsi" sözləri "İqtisadi İnkişaf Nazirliyi" sözləri ilə əvəz edilmişdir.

6 iyul 2006-cı il tarixli 426 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2006-cı il, № 7, maddə 590) ilə 6-cı bəndinin üçüncü abzasında “İqtisadi İnkişaf Nazirliyi” sözləri “Dövlət Əmlakının İdarə Edilməsi üzrə Dövlət Komitəsi” sözləri ilə əvəz edilmişdir.

2 iyul 2010-cu il tarixli 291 nömrəli Azərbaycan Respublikası Prezidentinin Fərmanı (“Azərbaycan” qəzeti 4 iyul 2010-cu il, № 141, Azərbaycan Respublikasının Qanunvericilik Toplusu, 2010-cu il, №7, maddə 610) ilə 6-cı bəndinin üçüncü abzasında "Dövlət Əmlakının İdarə Edilməsi üzrə Dövlət Komitəsi" sözləri "Əmlak Məsələləri Dövlət Komitəsi" sözləri ilə əvəz edilmişdir.

 

[3] 23 noyabr 2009-cu il tarixli 185 nömrəli Azərbaycan Respublikası Prezidentinin Fərmanı (“Azərbaycan” qəzeti 25 noyabr 2009-cu il, № 264, Azərbaycan Respublikasının Qanunvericilik Toplusu, 2009-cu il, № 11, maddə 888) ilə 7-ci bəndin birinci abzasda “87, 88, 91-ci maddələrində” sözləri “87-ci maddələrində, 88-ci maddəsinin dördüncü hissəsində, 91-ci maddəsində” sözləri ilə, ikinci abzasda “88-ci maddəsində” sözləri “88-ci maddəsinin dördüncü hissəsində” sözləri ilə əvəz edilmişdir.

13 yanvar 2015-ci il tarixli 440 nömrəli Azərbaycan Respublikası Prezidentinin Fərmanı (“Azərbaycan” qəzeti, 14 yanvar 2015-ci il, № 9, Azərbaycan Respublikasının Qanunvericilik Toplusu, 2015-ci il, №1, maddə 16) ilə 7-ci hissənin birinci abzasında “90-cı maddəsində” sözləri “90-cı maddəsinin beşinci hissəsində” sözləri ilə, “108, 117, 118, 119 və 120-ci maddələrində nəzərdə tutulmuş müvafiq icra hakimiyyəti orqanlarının” sözləri “108-ci maddəsində nəzərdə tutulmuş müvafiq icra hakimiyyəti orqanının” sözləri ilə əvəz edilmişdir.

 

31 avqust 2015-ci il tarixli 586 nömrəli Azərbaycan Respublikası Prezidentinin Fərmanı (“Respublika” qəzeti, 1 sentyabr 2015-ci il, № 189, Azərbaycan Respublikasının Qanunvericilik Toplusu, 2015-ci il, №8, maddə 915) ilə 7-ci hissəsinin birinci abzasında “Qanununun” sözündən sonra “110-cu maddəsinin beşinci abzasında nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Prezidenti,” sözləri əlavə edilmişdir.

24 avqust 2002-ci il tarixli 758 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2002-ci il, № 8, maddə 478) ilə 7-ci bəndə ikinci abzas əlavə edilmişdir.

25 iyul 2006-cı il tarixli 429 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2006-cı il, № 7, maddə 593) ilə 7-ci bəndin birinci abzasından “24, 30, 35, 41, 46, 51, 57” “66, 73, 74” rəqəmləri çıxarılmışdır, həmin abzasda “91, 112 və 114-cü maddələrində” sözləri “91-ci maddələrində, 112-ci maddənin birinci və altıncı hissələrində, 114-cü maddənin birinci hissəsində” sözləri ilə əvəz edilmişdir.

7-ci bəndin ikinci abzasında “və ikinci hissəsində” sözlərindən sonra “(hissənin ikinci cümləsində - yalnız birinci instansiya məhkəmələrində maddədə qeyd edilən sahələr üzrə işin təşkili vəziyyətinin yoxlanılması üzrə)” sözləri əlavə edilmişdir.

13 yanvar 2015-ci il tarixli 440 nömrəli Azərbaycan Respublikası Prezidentinin Fərmanı (“Azərbaycan” qəzeti, 14 yanvar 2015-ci il, № 9, Azərbaycan Respublikasının Qanunvericilik Toplusu, 2015-ci il, №1, maddə 16) ilə 7-ci hissənin ikinci abzasında “90-cı maddəsində” sözləri “90-cı maddəsinin beşinci hissəsində” sözləri ilə əvəz edilmişdir.

13 yanvar 2015-ci il tarixli 440 nömrəli Azərbaycan Respublikası Prezidentinin Fərmanı (“Azərbaycan” qəzeti, 14 yanvar 2015-ci il, № 9, Azərbaycan Respublikasının Qanunvericilik Toplusu, 2015-ci il, №1, maddə 16) ilə 7-ci hissənin ikinci abzasının sonunda nöqtə işarəsi nöqtəli vergül işarəsi ilə əvəz edilmişdir və yeni məzmunda üçüncü və dördüncü abzaslar əlavə edilmişdir.

 

[4] 10 iyul 2020-ci il tarixli 1106 nömrəli Azərbaycan Respublikası Prezidentinin Fərmanı (“Xalq” qəzeti, 12 iyul 2020-ci il, № 134, Azərbaycan Respublikasının Qanunvericilik Toplusu, 2020-ci il, № 7, maddə 886) ilə 7-ci hissə yeni redaksiyada verilmişdir.

 

əvvəlki redaksiyada deyilirdi:

7. Müəyyən edilsin ki, “Məhkəmələr və hakimlər haqqında” Azərbaycan Respublikası Qanununun 110-cu maddəsinin beşinci abzasında nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Prezidenti, 24, 30, 35, 41, 46, 51, 57, 64, 66, 73, 74, 80, 86, 87-ci maddələrində, 88-ci maddəsinin dördüncü hissəsində, 91-ci maddəsində, 112-ci maddənin birinci və altıncı hissələrində, 114-cü maddənin birinci hissəsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Ədliyyə Nazirliyi, 90-cı maddəsinin beşinci hissəsində nəzərdə tutulmuş müvafiq icra hakimiyyəti orqanlarının səlahiyyətlərini — maliyyə məsələləri üzrə Azərbaycan Respublikasının Nazirlər Kabineti, maddi-texniki təminat məsələləri üzrə Azərbaycan Respublikasının Ədliyyə Nazirliyi, 108-ci maddəsində nəzərdə tutulmuş müvafiq icra hakimiyyəti orqanının səlahiyyətlərini rayon (şəhər) icra hakimiyyəti orqanları həyata keçirirlər.

“Məhkəmələr və hakimlər haqqında” Azərbaycan Respublikası Qanununun 86-cı maddəsinin birinci hissəsində (məhkəmələrin maliyyə və digər maddi-texniki təminatı üzrə) və ikinci hissəsində(hissənin ikinci cümləsində - yalnız birinci instansiya məhkəmələrində maddədə qeyd edilən sahələr üzrə işin təşkili vəziyyətinin yoxlanılması üzrə), 88-ci maddəsinin dördüncü hissəsində nəzərdə tutulmuş “müvafiq icra hakimiyyəti orqanı”nın səlahiyyətlərini, 90-cı maddəsinin beşinci hissəsində (məhkəmələrin maddi-texniki təminat məsələləri üzrə) nəzərdə tutulmuş “müvafiq icra hakimiyyəti orqanları”nın səlahiyyətlərini Naxçıvan Muxtar Respublikasının ərazisində Naxçıvan Muxtar Respublikasının Ədliyyə Nazirliyi həyata keçirir;

həmin Qanunun 90-cı maddəsinin altıncı hissəsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Maliyyə Nazirliyi həyata keçirir;

həmin Qanunun 113-cü maddəsinin üçüncü hissəsinin birinci və ikinci cümlələrində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikası Əmək və Əhalinin Sosial Müdafiəsi Nazirliyinin Tibbi-Sosial Ekspert Komissiyası həyata keçirir.

 

[5] 17 yanvar 2000-ci il tarixli 255 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2000-ci il, № 1, maddə 34) ilə Azərbaycan Respublikasının Prezidenti yanında Məhkəmə-Hüquq Şurası haqqında Əsasnamənin 3-cü bəndinin birinci hissəsinin üçüncü abzasında "müsahibə" sözü "test üsulu ilə imtahan və müsahibə" sözləri ilə əvəz edilmişdir.

 

[6] 17 yanvar 2000-ci il tarixli 255 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2000-ci il, № 1, maddə 34) ilə Azərbaycan Respublikasının Prezidenti yanında Məhkəmə-Hüquq Şurası haqqında Əsasnamənin 5-ci bəndinin üçüncü hissəsində "onunla" sözü "test üsulu ilə imtahan və" sözləri ilə əvəz edilmişdir.

 

[7] 17 yanvar 2000-ci il tarixli 255 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2000-ci il, № 1, maddə 34) ilə Azərbaycan Respublikasının Prezidenti yanında Məhkəmə-Hüquq Şurası haqqında Əsasnamənin 5-ci bəndinin dördüncü hissəsində isə "Müsahibədən" sözü "İmtahan və müsahibədən"  əvəz edilmişdir.

Müqayisə beta versiyadadır. Üzərində işlənilir.

Tarix
Versiyalar
Müqayisə
Növü
Sənədin adı
Nömrəsi
Əlaqə
Reyestr nömrəsi
Qəbul
edilmə tarixi
Status