AKTIN NÖVÜ
AZƏRBAYCAN RESPUBLİKASI PREZİDENTİNİN FƏRMANLARI
QƏBUL EDİLDİYİ TARİX
23.12.2019
QEYDİYYAT NÖMRƏSİ
889
ADI
Azərbaycan Respublikası Prezidentinin “Azərbaycan Respublikası Fövqəladə Hallar Nazirliyinin emblemi və bayrağı, Nazirliyin tabeliyində olan Mülki Müdafiə qoşunlarının, Aviasiya dəstəsinin və gəmilərin bayraqları haqqında əsasnamələrin, habelə onların təsvirinin təsdiq edilməsi barədə” 2007-ci il 21 iyun tarixli 591 nömrəli, “Azərbaycan Respublikası Prezidentinin ştandartı (bayrağı) haqqında” 2008-ci il 15 sentyabr tarixli 828 nömrəli və “Azərbaycan Respublikası Silahlı Qüvvələri Ali Baş Komandanının bayrağı haqqında Əsasnamə”nin və “Azərbaycan Respublikası Silahlı Qüvvələri Ali Baş Komandanının bayrağının təsviri”nin təsdiq edilməsi barədə” 2019-cu il 11 aprel tarixli 623 nömrəli fərmanlarında dəyişiklik edilməsi haqqında
RƏSMİ DƏRC EDİLDİYİ MƏNBƏ
Xalq Qəzeti (Dərc olunma tarixi: 25-12-2019, Nəşr Nömrəsi: 287), Azərbaycan Respublikasının Qanunvericilik Toplusu (Dərc olunma tarixi: 31-12-2019, Nəşr nömrəsi: 12, Maddə nömrəsi: 1932)
QÜVVƏYƏ MİNMƏ TARİXİ
25.12.2019
AZƏRBAYCAN RESPUBLİKASI VAHİD HÜQUQi TƏSNİFATI ÜZRƏ İNDEKS KODU
010.030.000
HÜQUQİ AKTLARIN DÖVLƏT REYESTRİNİN QEYDİYYAT NÖMRƏSİ
13201912230886
HÜQUQİ AKTIN HÜQUQİ AKTLARIN DÖVLƏT REYESTRİNƏ DAXİL EDİLDİYİ TARİX
25.12.2019
Azərbaycan Respublikası Prezidentinin 1999-cu il 14 may tarixli 130 nömrəli Fərmanı ilə təsdiq edilmiş «Azərbaycan Respublikasının fəxri adları haqqında Əsasnamə»də dəyişikliklər edilməsi barədə

Azərbaycan Respublikası Prezidentinin “Azərbaycan Respublikası Fövqəladə Hallar Nazirliyinin emblemi və bayrağı, Nazirliyin tabeliyində olan Mülki Müdafiə qoşunlarının, Aviasiya dəstəsinin və gəmilərin bayraqları haqqında əsasnamələrin, habelə onların təsvirinin təsdiq edilməsi barədə” 2007-ci il 21 iyun tarixli 591 nömrəli, “Azərbaycan Respublikası Prezidentinin ştandartı (bayrağı) haqqında” 2008-ci il 15 sentyabr tarixli 828 nömrəli və “Azərbaycan Respublikası Silahlı Qüvvələri Ali Baş Komandanının bayrağı haqqında Əsasnamə”nin və “Azərbaycan Respublikası Silahlı Qüvvələri Ali Baş Komandanının bayrağının təsviri”nin təsdiq edilməsi barədə” 2019-cu il 11 aprel tarixli 623 nömrəli fərmanlarında dəyişiklik edilməsi haqqında

 

AZƏRBAYCAN RESPUBLİKASI PREZİDENTİNİN FƏRMANI

 

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. “Azərbaycan Respublikası Fövqəladə Hallar Nazirliyinin emblemi və bayrağı, Nazirliyin tabeliyində olan Mülki Müdafiə qoşunlarının, Aviasiya dəstəsinin və gəmilərin bayraqları haqqında əsasnamələrin, habelə onların təsvirinin təsdiq edilməsi barədə” Azərbaycan Respublikası Prezidentinin 2007-ci il 21 iyun tarixli 591 nömrəli Fərmanında (Azərbaycan Respublikasının Qanunvericilik Toplusu, 2007, № 6, maddə 604) aşağıdakı dəyişikliklər edilsin:

1.1. həmin Fərmanla təsdiq edilmiş “Azərbaycan Respublikası Fövqəladə Hallar Nazirliyinin gəmilərinin bayraqları haqqında Əsasnamə”nin 4-cü hissəsi aşağıdakı redaksiyada verilsin:

“4. Azərbaycan Respublikasının fövqəladə hallar nazirinin bayrağı onun olduğu gəmidə qaldırılır və endirilir.”;

1.2. həmin Fərmanla təsdiq edilmiş “Azərbaycan Respublikası Fövqəladə Hallar Nazirliyinin gəmilərinin bayraqlarının Təsviri”nin “Azərbaycan Respublikası Fövqəladə Hallar Nazirliyinin gəmilərində vəzifəli şəxslərin bayraqları” hissəsi üzrə:

1.2.1. adında “vəzifəli şəxslərin bayraqları” sözləri “fövqəladə hallar nazirinin bayrağı” sözləri ilə əvəz edilsin;

1.2.2. birinci və ikinci abzaslar ləğv edilsin;

1.3. həmin Fərmanla təsdiq edilmiş “Azərbaycan Respublikası Prezidentinin Azərbaycan Respublikasının Fövqəladə Hallar Nazirliyinin gəmilərində bayrağı” hissəsi ləğv edilsin.

2. “Azərbaycan Respublikası Prezidentinin ştandartı (bayrağı) haqqında” Azərbaycan Respublikası Prezidentinin 2008-ci il 15 sentyabr tarixli 828 nömrəli Fərmanının (Azərbaycan Respublikasının Qanunvericilik Toplusu, 2008, № 9, maddə 800) 2.3-cü bəndinə “dublikatı” sözündən sonra “(surəti)” sözü əlavə edilsin.

3. Azərbaycan Respublikası Prezidentinin 2019-cu il 11 aprel tarixli 623 nömrəli Fərmanı (Azərbaycan Respublikasının Qanunvericilik Toplusu, 2019, № 4, maddə 623) ilə təsdiq edilmiş “Azərbaycan Respublikası Silahlı Qüvvələri Ali Baş Komandanının bayrağının Təsviri”nin 1-ci hissəsində “Azərbaycan Respublikasının Dövlət bayrağı haqqında” Azərbaycan Respublikası Qanununun” sözləri “Azərbaycan Respublikası Dövlət Bayrağının təsvirinin təsdiq edilməsi haqqında” Azərbaycan Respublikası Konstitusiya Qanununun” sözləri ilə əvəz edilsin.

 

İlham ƏLİYEV,

Azərbaycan Respublikasının Prezidenti

 

Bakı şəhəri, 23 dekabr 2019-cu il

                        № 889

Müqayisə beta versiyadadır. Üzərində işlənilir.

Tarix
Versiyalar
Müqayisə
Növü
Sənədin adı
Nömrəsi
Əlaqə
Reyestr nömrəsi
Qəbul
edilmə tarixi
Status