AKTIN NÖVÜ
AZƏRBAYCAN RESPUBLİKASI NAZİRLƏR KABİNETİNİN QƏRARLARI
QƏBUL EDİLDİYİ TARİX
30.06.2020
QEYDİYYAT NÖMRƏSİ
231
ADI
Yeni növ koronavirus (COVID-19) infeksiyası ilə mübarizə sahəsində əlavə tədbirlər haqqında
RƏSMİ DƏRC EDİLDİYİ MƏNBƏ
Azərbaycan Respublikasının Qanunvericilik Toplusu (Dərc olunma tarixi: 30-06-2020, Nəşr nömrəsi: 06, Maddə nömrəsi: 821)
QÜVVƏYƏ MİNMƏ TARİXİ
AZƏRBAYCAN RESPUBLİKASI VAHİD HÜQUQi TƏSNİFATI ÜZRƏ İNDEKS KODU
220.000.000
HÜQUQİ AKTLARIN DÖVLƏT REYESTRİNİN QEYDİYYAT NÖMRƏSİ
HÜQUQİ AKTIN HÜQUQİ AKTLARIN DÖVLƏT REYESTRİNƏ DAXİL EDİLDİYİ TARİX
30.06.2020
Yeni növ koronavirus (COVID-19) infeksiyası ilə mübarizə sahəsində əlavə tədbirlər haqqında

Yeni növ koronavirus (COVID-19) infeksiyası ilə mübarizə sahəsində əlavə tədbirlər haqqında

 

AZƏRBAYCAN RESPUBLİKASI NAZİRLƏR KABİNETİNİN QƏRARI

 

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, yeni növ koronavirus (COVID-19) infeksiyası ilə mübarizə sahəsində tətbiq edilən xüsusi karantin rejimi müddətində əhaliyə göstərilən ambulator-poliklinik, təcili və təxirəsalınmaz tibbi yardımın təşkilində əlavə resursların səfərbər edilməsi məqsədilə Azərbaycan Respublikasının Nazirlər Kabineti qərara alır:

1. Yeni növ koronavirus (COVID-19) infeksiyasına yoluxmuş şəxslərə ambulator-poliklinik, təcili və təxirəsalınmaz tibbi yardımın göstərilməsinin optimallaşdırılması məqsədilə xüsusi karantin rejimi müddətində Bakı şəhəri üzrə ambulator-poliklinik, təcili və təxirəsalınmaz tibbi yardımın təşkilinin idarə edilməsi Azərbaycan Respublikasının Səhiyyə Nazirliyi tərəfindən həyata keçirilsin.

2. Bu Qərarın 1-ci hissəsində nəzərdə tutulmuş tibbi yardımın maliyyələşdirilməsi və təchizatı İcbari Tibbi Sığorta üzrə Dövlət Agentliyi tərəfindən təmin edilsin.

3. Azərbaycan Respublikasının Səhiyyə Nazirliyi və İcbari Tibbi Sığorta üzrə Dövlət Agentliyi bu Qərardan irəli gələn digər məsələlərin həllini təmin etsinlər.

 

Əli ƏSƏDOV

Azərbaycan Respublikasının Baş Naziri

 

Bakı şəhəri, 30 iyun 2020-ci il

№ 231

Müqayisə beta versiyadadır. Üzərində işlənilir.

Tarix
Versiyalar
Müqayisə
Növü
Sənədin adı
Nömrəsi
Əlaqə
Reyestr nömrəsi
Qəbul
edilmə tarixi
Status