"Məhkəmə-Hüquq Şurası haqqında" Azərbaycan  Respublikası Qanununun tətbiqi ilə əlaqədar Azərbaycan Respublikasının bəzi qanunvericilik aktlarına əlavələr və dəyişikliklər edilməsi barədə

AZƏRBAYCAN RESPUBLİKASININ QANUNU

Azərbaycan Respublikasının Milli Məclisi qərara alır:

I. "Ölkədən getmək, ölkəyə gəlmək və pasportlar haqqında" Azərbaycan Respublikası Qanununun (Azərbaycan Respublikası Ali Sovetinin Məlumatı, 1994-cü il, № 18, maddə 243; 1995-ci il, № 14, maddə 237; Azərbaycan Respublikasının Qanunvericilik Toplusu, 1997-ci il, № 5, maddə 385, № 6, maddə 493; 1998-ci il, № 2, maddə 70; 2000-ci il, № 12, maddə 835; 2001-ci il, № 3, maddə 143, № 6, maddə 738, № 11, maddə 674; 2002-ci il, № 1, maddə 4, № 8, maddə 463; 2004-cü il, № 7, maddə 505, Azərbaycan Respublikasının 2005-ci il 4 mart tarixli 850-IIQD nömrəli Qanunu) 6-cı maddəsinin birinci hissəsinin 1-ci bəndində "müvəkkilinə (ombudsmana)," sözlərindən sonra "Məhkəmə-Hüquq Şurasının üzvlərinə," sözləri əlavə edilsin.

II.  "Yol hərəkəti haqqında" Azərbaycan Respublikası Qanununun (Azərbaycan Respublikasının Qanunvericilik Toplusu, 1998-ci il, № 9, maddə 564; 2001-ci il, № 5, maddə 298, № 11, maddələr 676, 698; 2002-ci il, № 1, maddə 9, № 8, maddə 463; 2003-cü il, № 8, maddə 424; 2004-cü il, № 2, maddə 57, № 11, maddə 901, Azərbaycan Respublikasının 2005-ci il 4 mart tarixli 855-IIQD nömrəli Qanunu) 85-ci maddəsinin üçüncü bəndinin "Qeyd" hissəsində "müvəkkilin (ombudsmanın)" sözlərindən sonra ", Məhkəmə-Hüquq Şurasının üzvlərinin" sözləri əlavə edilsin.

III.    Azərbaycan Respublikasının Əmək Məcəlləsinin (Azərbaycan Respublikasının Qanunvericilik Toplusu, 1999-cu il, № 4, maddə 213; 2001-ci il, № 3, maddə 143, № 6, maddə 362, № 11, maddələr 672, 679, № 12, maddə 731; 2002-ci il, № 1, maddə 2, № 5, maddə 241, № 6, maddə 328; 2003-cü il, № 1, maddələr 9, 23; 2004-cü il, № 1, maddə 10, № 2, maddə 57, № 3,
maddə 133, № 6, maddə 413, № 7, maddə 505, № 9, maddə 672, № 12, maddə 981; 2005-ci il, № 3, maddə 151, № 4, maddə 278, Azərbaycan Respublikasının 2005-ci il 15 aprel tarixli 888-IIQD nömrəli Qanunu) 179-cu maddəsinin 2-ci hissəsinə aşağıdakı məzmunda "n", "o" və "ö" bəndləri əlavə edilsin:

"n) Məhkəmə-Hüquq Şurasına və ya Hakimlərin Seçki Komitəsinə üzv təyin edildikdə;

o) dövlət orqanlarının, elmi müəssisələrin, idarə və təşkilatların əməkdaşları, mütəxəssisləri və ekspertləri Məhkəmə-Hüquq Şurasının fəaliyyətinə cəlb edildikdə;

ö) hakim vəzifəsinə namizədlər üçün ilkin uzunmüddətli tədris kurslarına göndərildikdə.".

IV.  "Prokurorluq haqqında" Azərbaycan Respublikası Qanununun (Azərbaycan Respublikasının Qanunvericilik Toplusu,  1999-cu il, № 12, maddə 688; 2000-ci il, № 7, maddə 494; 2002-ci il, № 8, maddə 464; 2004-cü il, № 1, maddə 10, № 2, maddə 57, № 3, maddə 133, № 4, maddə 202) 10-cu maddəsinin üçüncü hissəsinə aşağıdakı məzmunda on yeddinci abzas əlavə edilsin, on yeddinci-iyirmi üçüncü abzaslar müvafiq olaraq on səkkizinci-iyirmi dördüncü abzaslar hesab olunsun:

"Məhkəmə-Hüquq Şurasının üzvləri barəsində cinayət təqibinin həyata keçirilməsinə razılıq verilməsi üçün Məhkəmə-Hüquq Şurasına təqdimat verir;".

V.  “Normativ hüquqi aktlar haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2000-ci il, № 1, maddə 9; Azərbaycan Respublikasının 2005-ci il 22 aprel tarixli 898-IIQD nömrəli Qanunu) aşağıdakı əlavələr edilsin:

1.   Qanuna aşağıdakı məzmunda 3.6-cı maddə əlavə edilsin:

"3.6. Məhkəmə-Hüquq Şurasının qərarları.".

2.  Qanuna aşağıdakı məzmunda 40-1-ci maddə əlavə edilsin:

"Maddə   40-1.  Məhkəmə-Hüquq Şurasının qərarlarının dərci

Məhkəmə-Hüquq Şurasının dərc olunmalı qərarları rəsmi nəşr sayılan müvafiq icra hakimiyyəti orqanının mətbu nəşrində dərc olunur.". [1]

VI.       Azərbaycan Respublikasının Cinayət-Prosessual Məcəlləsinə (Azərbaycan Respublikasının Qanunvericilik Toplusu, 2000-ci il, № 8, II kitab, maddə 585; 2001-ci il, № 7, maddə 455; 2002-ci il, № 1, maddə 9, № 5, maddə 233, № 8, maddə 463; 2003-cü il, № 6, maddə 276; 2004-cü il, № 5, maddə 321, № 7, maddə 505, № 8, maddə 598, № 10, maddə 761, № 11, maddə 890; 2005-ci il, № 1, maddə 4, № 4, maddə 278, Azərbaycan Respublikasının 2005-ci il 14 iyun tarixli 939-IIQD nömrəli Qanunu) aşağıdakı əlavələr edilsin:

1.         11.3-cü maddədə "müvəkkili (ombudsman)" sözlərindən sonra ", Məhkəmə-Hüquq Şurasının üzvləri" sözləri əlavə edilsin.

2.       215.3.2-ci maddədə "müvəkkilin (ombudsmanın)," sözlərindən sonra "Məhkəmə-Hüquq Şurasının üzvlərinin," sözləri əlavə edilsin.

VII.       "Dövlət qulluğu haqqında" Azərbaycan Respublikası Qanununun (Azərbaycan Respublikasının Qanunvericilik Toplusu, 2001-ci il, № 1, maddə 1, № 3, maddə 131; 2002-ci il, № 12, maddə 693; 2003-cü il, № 1, maddə 16; 2004-cü il, № 1, maddə 10, № 4, maddə 199, № 5, maddə 321, № 8, maddə 597, № 11, maddə 884; Azərbaycan Respublikasının 2005-ci il 15 aprel tarixli 886-IIQD nömrəli və 10 may tarixli 914-IIQD nömrəli qanunları) 8.1.1-ci maddəsində "və" bağlayıcısı vergül işarəsi ilə əvəz edilsin və "Ali Məhkəməsinin Aparatı" sözlərindən sonra ", habelə  Məhkəmə-Hüquq Şurasının Aparatı" sözləri əlavə edilsin.

VIII.    "Azərbaycan Respublikası Dövlət bayrağının istifadəsi qaydaları haqqında" Azərbaycan Respublikasının Qanununa (Azərbaycan Respublikasının Qanunvericilik Toplusu, 2004-cü il, № 7, maddə 515) aşağıdakı əlavələr edilsin:

1.         2.1-ci maddədə "Azərbaycan Respublikası Ali Məhkəməsinin," sözlərindən sonra "Məhkəmə-Hüquq Şurasının," sözləri əlavə edilsin.

2.        3.1-ci maddədə "Azərbaycan Respublikası Ali Məhkəməsi sədrinin," sözlərindən sonra "Məhkəmə-Hüquq Şurası sədrinin," sözləri əlavə edilsin.

IX.        Bu Qanun dərc edildiyi gündən qüvvəyə minir.

İlham ƏLİYEV,

Azərbaycan Respublikasının Prezidenti

Bakı şəhəri, 1 sentyabr 2005-ci il

                        № 980-IIQD

İSTİFADƏ OLUNMUŞ MƏNBƏ SƏNƏDLƏRİNİN SİYAHISI

1.       21 dekabr 2010-cu il tarixli 21-IVKQ nömrəli Azərbaycan Respublikasının Konstitusiya Qanunu (“Azərbaycan” qəzeti, 17 fevral 2011-ci il, № 37, Azərbaycan Respublikasının Qanunvericilik Toplusu, 2011-ci il, № 02, maddə 69)

QANUNA EDİLMİŞ DƏYİŞİKLİK VƏ ƏLAVƏLƏRİN SİYAHISI