“İnvestisiya qiymətli kağızlarının dövriyyədən çıxarılması və ləğv edilməsi Qaydaları”na əlavə və dəyişikliklər

1. Qaydaların 2.3.3-cü bəndi aşağıdakı redaksiyada verilsin:

“2.3.3 QKDK tərəfindən qiymətli kağızların dövlət reyestrində müvafiq qeydlərin (həmin qeydlər bu Qaydaların 2.3.2.-ci yarımbəndində göstərilən müraciətin QKDK-ya daxil olduğu tarixdən etibarən 10 (on) iş günü ərzində aparılmalıdır) edildiyi gündən etibarən 7 (yeddi) iş günü müddətində qiymətli kağızların dövriyyədən çıxarılması və ləğv edilməsi haqqında məlumatın kütləvi informasiya vasitələrində dərc edilməsi.”

2. Qaydaların 3.4-cü bəndinin 4-cü cümləsi aşağıdakı redaksiyada verilsin:

"Akt depozitarın və emitentin vəzifəli şəxsləri tərəfindən imzalanmalıdır və depozitarın möhürü ilə təsdiq olunmalıdır."

3. Qaydaların 3.6-cı bəndinin 4-cü cümləsi aşağıdakı redaksiyada verilsin:

“Akt reyestrsaxlayıcının və emitentin vəzifəli şəxsləri tərəfindən imzalanmalı və reyestrsaxlayıcının möhürü ilə təsdiqlənməlidir.”

4. Bu əlavə və dəyişikliklər təsdiq edildiyi tarixdən qüvvəyə minir.