AKTIN NÖVÜ
AZƏRBAYCAN RESPUBLİKASI MƏRKƏZİ SEÇKİ KOMİSSİYASININ QƏRARLARI, TƏLİMATLARI VƏ İZAHLARI
QƏBUL EDİLDİYİ TARİX
08.11.2010
QEYDİYYAT NÖMRƏSİ
58/546
ADI
2010-cu il noyabrın 7-də keçirilmiş Azərbaycan Respublikasının Milli Məclisinə seçkilərdə Mərkəzi Seçki Komissiyasına daxil olmuş 8 noyabr 2010-cu il tarixli 416 saylı müraciətə baxılması barədə
RƏSMİ DƏRC EDİLDİYİ MƏNBƏ
Azərbaycan Qəzeti (Dərc olunma tarixi: 09-11-2010, Nəşr nömrəsi: 248)
QÜVVƏYƏ MİNMƏ TARİXİ
09.11.2010
AZƏRBAYCAN RESPUBLİKASI VAHİD HÜQUQi TƏSNİFATI ÜZRƏ İNDEKS KODU
010.000.000
HÜQUQİ AKTLARIN DÖVLƏT REYESTRİNİN QEYDİYYAT NÖMRƏSİ
HÜQUQİ AKTIN HÜQUQİ AKTLARIN DÖVLƏT REYESTRİNƏ DAXİL EDİLDİYİ TARİX
Fərdi Məlumatların İnformasiya Sistemlərinin Dövlət Reyestrinin Aparılması Qaydalarının Təsdiq Edilməsi Haqqında

2010-cu il noyabrın 7-də keçirilmiş Azərbaycan Respublikasının Milli Məclisinə seçkilərdə Mərkəzi Seçki Komissiyasına daxil olmuş 8 noyabr 2010-cu il tarixli 416 saylı müraciətə baxılması barədə

 

AZƏRBAYCAN RESPUBLİKASININ MƏRKƏZİ SEÇKİ KOMİSSİYASININ QƏRARI

 

2010-cu il noyabrın 7-də keçirilmiş Azərbaycan Respublikasının Milli Məclisinə seçkilərdə 18 saylı Nərimanov-Nizami seçki dairəsi üzrə qeydə alınmış namizəd Həsənli Cəmil Poladxan oğlu və digərləri 2010-cu il noyabrın 8-də Mərkəzi Seçki Komissiyasına yazılı müraciət edərək, səsvermə günü adı çəkilən seçki dairəsinin bəzi seçki məntəqələrində qanun pozuntularının baş verdiyini, habelə müvafiq dairə seçki komissiyasının sədri tərəfindən həmin dairənin hüdudlarında yerləşən qapalı müəssisələrdə onların seçicilərlə görüşünün keçirilməsini təşkil etməməklə qanunsuz hərəkətsizlik etdiyini bildirib, bununla bağlı müvafiq tədbirlərin görülməsini xahiş etmişlər.

Müraciət Azərbaycan Respublikası Seçki Məcəlləsinin 112 və 112-1-ci maddələrinə və “Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydalara haqqında Təlimat”ın tələblərinə uyğun tərtib edildiyindən Azərbaycan Respublikasının Mərkəzi Seçki Komissiyası nəzdində yaradılmış ekspert qrupunun üzvü tərəfindən nəzərdən keçirilmiş, bu barədə müvafiq rəy verilmiş və Mərkəzi Seçki Komissiyasının iclasında baxılmışdır.

Tam, hərtərəfli, obyektiv və qərəzsiz araşdırma nəticəsində müraciətin seçki məntəqələrində baş vermiş qanun pozuntularına münasibətdə Seçki Məcəlləsinin və müvafiq təlimatın aidiyyata dair tələblərinin pozulması ilə daxil olması müəyyən edildiyindən o, araşdırılması üçün aidiyyatı üzrə səlahiyyətli dairə seçki komissiyasına göndərilməlidir.

Azərbaycan Respublikası Seçki Məcəlləsinin 31.1.1-ci maddəsinə əsasən seçki dairəsinin ərazisində Azərbaycan Respublikası vətəndaşlarının seçki hüquqlarına riayət olunmasına nəzarəti müvafiq dairə seçki komissiyası həyata keçirir. Eyni zamanda Seçki Məcəlləsinin 31.1.2-ci maddəsinə uyğun olaraq dairə seçki komissiyaları bu Məcəllənin qaydalarının pozulması ilə əlaqədar daxil olmuş şikayətlərə öz səlahiyyətləri daxilində baxıb əsaslandırılmış qərar qəbul edir.

Azərbaycan Respublikasının Seçki Məcəlləsinin 112-1.12-ci maddəsinə və yuxarıda göstərilən Təlimatın 8.6-cı bəndinə uyğun olaraq şikayət və ya müraciət ona baxan ekspert qrupunun səlahiyyətlərinə aid deyilsə və aidiyyat qaydalarının pozulması ilə daxil olmuşdursa, onda həmin müraciətin aiddiyyəti üzrə göndərilməsinə dair qərar qəbul edilməlidir. Buna görə də qeydə alınmış namizəd Həsənli Cəmil Poladxan oğlu və digərlərinin müraciəti adı çəkilən seçki dairəsinin bəzi seçki məntəqələrində qanun pozuntularının baş verməsi ehtimalı ilə bağlı hissədə aidiyyatı üzrə baxılması üçün müvafiq dairə seçki komissiyasına göndərilməli, müraciətə əlavə olunmuş aktlar isə kserosurət olduğundan hüquqi əhəmiyyət daşımadığı üçün müvafiq dairə seçki komissiyası tərəfindən işə alınmalıdır.

Bundan başqa, müraciət müvafiq seçki dairəsinin hüdudlarında yerləşən qapalı müəssisələrdə namizədlərin seçicilərlə görüşünün keçirilməsini təşkil etməməklə dairə seçki komissiyasi sədrinin qanunsuz hərəkətsizlik etməsi hissədə şikayətçilərə geri qaytarılmalıdır. Ona görə ki, göstərilən məsələ ilə bağlı 2010-cu il noyabrın 3-də ərizəçilərdən biri olan qeydə alınmış namizəd Əhməd Orucovun Mərkəzi Seçki Komissiyasına daxil olmuş 343 saylı eyni məzmunlu müraciət müvafiq seçki komissiyasının 53/481 saylı Qərarı ilə əsassız olduğundan təmin edilməmişdir.

Yuxarıda göstərilənləri əsas götürərək, Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 19.4-cü, 28.2-ci, 112-ci, 112-1-ci maddələrinə və “Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında” Təlimatın 1, 2, 4, 6, 7 və 8-ci bəndlərinə əsasən qərara alır:

1. 2010-cu il noyabrın 7-də keçirilmiş Azərbaycan Respublikasının Milli Məclisinə seçkilərdə 18 saylı Nərimanov-Nizami seçki dairəsi üzrə qeydə alınmış namizəd Həsənli Cəmil Poladxan oğlu və digərlərinin Mərkəzi Seçki Komissiyasına daxil olmuş 8 noyabr 2010-cu il tarixli 416 saylı müraciət adı çəkilən seçki dairəsinin bəzi seçki məntəqələrində qanun pozuntularının baş verməsi ehtimalı ilə bağlı hissədə aidiyyatı üzrə baxılması üçün 18 saylı Nərimanov-Nizami seçki dairəsinin dairə seçki komissiyasına göndərilsin.

2. Müvafiq seçki dairəsinin hüdudlarında yerləşən qapalı müəssisələrdə namizədlərin seçicilərlə görüşünün keçirilməsini təşkil etməməklə dairə seçki komissiyası sədrinin qanunsuz hərəkətsizlik etməsi hissəsində müraciət ərizəçilərə geri qaytarılsın.

3. Qərar dərc edildiyi gündən qüvvəyə minir.

 

 

Sədr

Məzahir Pənahov

Müavin

Şaitdin Əliyev

Katib

Natiq Məmmədov

Üzvlər:

Fuad Cavadov

Nizami Nadirov

Ramiz İbrahimov

Tamam Cəfərova

Validə Kazımova

Almas Qəhramanlı

Qabil Orucov

Mikayıl Rəhimov

Tofiq Həsənov

Gülağa Aslanlı

İlham Məmmədov

Arifə Muxtarova

 

 

 

 

 

 

 

 

 

 

 

Bakı şəhəri 08 noyabr 2010-cu il

№ 58/546

 

Müqayisə beta versiyadadır. Üzərində işlənilir.

Tarix
Versiyalar
Müqayisə
Növü
Sənədin adı
Nömrəsi
Əlaqə
Reyestr nömrəsi
Qəbul
edilmə tarixi
Status