Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi qrupunun ştat sayı və aylıq vəzifə maaşlarının təsdiq edilməsi haqqında

Azərbaycan RESPUBLİKASININ NAZİRLƏR Kabİnetİn Qərarı

«Əsir və itkin düşmüş, girov götürülmüş vətəndaşlarla əlaqədar Dövlət Komissiyası haqqında Əsasnamənin təsdiq edilməsi barədə» Azərbaycan Respublikası Prezidentinin 2001-ci il 18 iyul tarixli 536 nömrəli Fərmanının 2-ci bəndinin icrasını təmin etmək məqsədi ilə  Azərbaycan Respublikasının Nazirlər Kabineti qərara alır:

1. «Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi qrupunun ştat sayı və aylıq vəzifə maaşları» təsdiq edilsin (əlavə olunur).

2. Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi qrupunun Azərbaycan Respublikası Dövlət Təhlükəsizliyi Xidmətinin inzibati ərazisində yerləşdirilməsi, maliyyə və təsərrüfat əməliyyatlarının, kadrların qeydiyyatı kadrların qeydiyyatı işinin həmin xidmət tərəfindən aparılması barədə Dövlət Təhlükəsizliyi Xidmətinin Maliyyə Nazirliyi ilə razılaşdırılmış təklifi qəbul edilsin. [1]

 3. Azərbaycan Respublikasının Maliyyə Nazirliyinə tapşırılsın ki, Əsir və itkin düşmüş, girov götürülmüş vətəndaşlarla əlaqədar Dövlət  Komissiyası İşçi qrupunun 2001-ci ildə saxlanılması üçün 105.281.000 (yüz beş milyon iki yüz səksən bir min) manat məbləğində vəsaitin  Ehtiyat Fondundan ayrılmasını təmin etsin və 2002-ci ildən başlayaraq həmin qrupun saxlanılması xərclərini dövlət büdcəsində nəzərdə  tutsun.

 4. «Əsir və itkin düşmüş, girov götürülmüş vətəndaşlarla əlaqədar Dövlət Komissiyasının İşçi qrupu haqqında» Azərbaycan Respublikası  Nazirlər Kabinetinin 1993-cü il 8 aprel tarixli 178 nömrəli qərarı qüvvədən düşmüş hesab edilsin.

 5. Bu qərar imzalandığı gündən qüvvəyə minir.

 Azərbaycan Respublikasının Baş naziri A. RASİZADƏ

Bakı şəhəri, 25 sentyabr 2001-ci il

         № 156

Azərbaycan Respublikası Nazirlər Kabinetinin

2001-ci il 25 sentyabr tarixli 156 nömrəli qərarı ilə

TƏSDİQ EDİLMİŞDİR

Əsir və itkin düşmüş, girov götürülmüş vətəndaşlarla

əlaqədar Dövlət Komissiyası İşçi qrupunun

ştat sayı və aylıq VӘZİFӘ maaşları [2]

 Qeyd.

 1. İşçi qrupun ştatında 1 (bir) ədəd minik avtomobili nəzərdə tutulur.

 2. İşçi qrupun heyətinə iş stajına, xüsusi lazımi işlərin yerinə yetirilməsinə görə əlavələr, maddi yardım və mükafatlar Azərbaycan Respublikası Dövlət Təhlükəsizliyi Xidmətinin işçilərinə müəyyən edilmiş qaydada ödənilir. [4]

İSTİFADƏ OLUNMUŞ MƏNBƏ SƏNƏDLƏRİNİN SİYAHISI

1. 27 yanvar 2005-ci il tarixli 8 nömrəli Azərbaycan Respublikası Nazirlər Kabinetinin Qərarı (Azərbaycan Respublikasının Qanunvericilik Toplusu, 2005-ci il, № 1, maddə 52)

2.        24 iyul 2007-ci il tarixli 115 nömrəli Azərbaycan Respublikası Nazirlər Kabinetinin Qərarı (Azərbaycan Respublikasının Qanunvericilik Toplusu, 2007-ci il, №7, maddə 739)

3.        22 sentyabr 2016-cı il tarixli 360 nömrəli Azərbaycan Respublikası Nazirlər Kabinetinin Qərarı (“Azərbaycan” qəzeti 30 sentyabr 2016-cı il, № 214, Azərbaycan Respublikasının Qanunvericilik Toplusu, 2016-cı il, № 9, maddə 1585)

4.        14 aprel 2022-ci il tarixli 153 nömrəli Azərbaycan Respublikası Nazirlər Kabinetinin Qərarı (“Xalq” qəzeti 16 aprel 2022-ci il, № 78, Azərbaycan Respublikasının Qanunvericilik Toplusu, 2022-ci il, № 4, maddə 400)

QƏRARA  EDİLMİŞ DƏYİŞİKLİK VƏ ƏLAVƏLƏRİN SİYAHISI