“Azərbaycan Respublikası Prezidentinin 2011-ci il 27 iyul tarixli 1654 nömrəli Sərəncamı ilə təsdiq edilmiş “Azərbaycan Respublikası Vergilər Nazirliyinin Strukturu”nda dəyişiklik edilməsi haqqında” Azərbaycan Respublikası Prezidentinin  2015-ci il  2 fevral tarixli 1012 nömrəli Sərəncamının 2.3-cü bəndini və 2009-cu il 5 mart tarixli 70 nömrəli Fərmanı ilə təsdiq edilmiş “Azərbaycan Respublikasının Qiymətli Kağızlar üzrə Dövlət Komitəsi haqqında” Əsasnaməni rəhbər tutaraq Azərbaycan Respublikasının Qiymətli Kağızlar üzrə Dövlət Komitəsi

Q Ə R A R A  A L I R:

1. Azərbaycan Respublikasının Qiymətli  Kağızlar üzrə Dövlət Komitəsinin   (QKDK) 2012-ci  il 25 iyun   tarixli  08 nömrəli qərarı ilə təsdiq olunmuş “Azərbaycan Respublikasının Qiymətli  Kağızlar üzrə Dövlət Komitəsi tərəfindən xüsusi razılığın (lisenziyanın) verilməsi üçün müraciətin və sənədlərin qəbulu üzrə İnzibati Reqlament” (aktivlərin idarə edilməsi və səhmdar investisiya  fondunun fəaliyyətini həyata keçirmək üçün hüquqi şəxslərə xüsusi razılığın (lisenziyanın) verilməsi), “Azərbaycan Respublikasının Qiymətli  Kağızlar üzrə Dövlət Komitəsi tərəfindən xüsusi razılığın (lisenziyanın) verilməsi üçün müraciətin və sənədlərin qəbulu üzrə İnzibati Reqlament” (bütün növ qiymətli kağız blanklarının hazırlanması və satışı fəaliyyətini həyata keçirmək üçün xüsusi razılığın (lisenziyanın) verilməsi) və “Azərbaycan Respublikasının Qiymətli  Kağızlar üzrə Dövlət Komitəsi tərəfindən xüsusi razılığın (lisenziyanın) verilməsi üçün müraciətin və sənədlərin qəbulu üzrə İnzibati Reqlament”in (qiymətli kağızlar bazarında peşəkar fəaliyyəti (broker, diler, qarşılıqlı öhdəliklərin müəyyən edilməsi (klirinq), depozitar, qiymətli kağız sahiblərinin reyestrinin aparılması, fond birjası və qiymətli kağızlar bazarında ticarətin təşkili) həyata keçirmək üçün hüquqi şəxslərə xüsusi razılığın (lisenziyanın) verilməsi) 2.2.1-ci yarımbəndlərində  “Bakı Şəhəri Vergilər Departamenti” sözləri “Vergilər Nazirliyi yanında Bakı Vergilər Departamenti” sözləri ilə, “2117131” rəqəmləri  “AZ17CTRE00000000000002117131” sözləri ilə, “1400305751” rəqəmləri isə “1403006271” rəqəmləri ilə əvəz edilsin.

2. Hüquq şöbəsinə (Y.Məmmədov) tapşırılsın ki, bu Qərarın 3 gün müddətində Azərbaycan Respublikasının Hüquqi Aktların Dövlət Reyestrinə daxil edilməsi üçün Ədliyyə Nazirliyinə təqdim edilməsini təmin etsin.

3. Lisenziyalaşdırma və nəzarət şöbəsinə (C.Nəzərov) və İnformasiya texnologiyaları və təminat şöbəsinə (E.Behbudov) tapşırılsın ki, bu Qərardan irəli gələn məsələləri həll etsin.

4. Ümumi şöbəyə (E.İsayev) tapşırılsın ki, QKDK-nın aparatının və QKDK-nın Naxçıvan Muxtar Respublikası üzrə İdarəsinin bu Qərarla tanış olmalarını təmin etsin.

5. Bu Qərarın icrasına nəzarət sədr müavini İ.Muradova  və aparatın rəhbəri  B.Əzizova həvalə edilsin.

QƏRARA EDİLMİŞ DƏYİŞİKLİK VƏ ƏLAVƏLƏRİN SİYAHISI

1.       7 iyul 2017-ci il tarixli 277 nömrəli Azərbaycan Respublikası Nazirlər Kabinetinin Qərarı (Hüquqi Aktların Dövlət Reyestrinin qeydiyyat nömrəsi 14201707070277, Hüquqi Aktların Dövlət Reyestrinə daxil edildiyi tarix 11 iyul 2017-ci il)

QƏRARA EDİLMİŞ DƏYİŞİKLİK VƏ ƏLAVƏLƏRİN SİYAHISI