«Şəhid adının əbədiləşdirilməsi və şəhid ailələrinə edilən güzəştlər haqqında» Azərbaycan Respublikası Qanununda dəyişikliklər edilməsi barədə

 Azərbaycan Respublİkasının Qanunu

 Azərbaycan Respublikasının Milli Məclisi qərara alır:

 “Şəhid adının əbədiləşdirilməsi və şəhid ailələrinə edilən güzəştlər haqqında”  Azərbaycan Respublikası Qanununun (Azərbaycan  Respublikası Ali Sovetinin Məlumatı, 1993-cü il, № 21, maddə 590) 3-cü maddəsinin ikinci hissəsində beşinci, altıncı və yeddinci abzaslar  aşağıdakı redaksiyada verilsin:

 «mənzil haqqının və kommunal xidmətlərin (istehsal-təsərrüfat fəaliyyəti ilə əlaqədar istifadə xərcləri istisna olmaqla) ödənilməsindən azad  edilir;

  birinci növbədə pulsuz telefon çəkilir və telefon haqqının ödənilməsindən azad edilir;

  dövlət ali və orta peşə-ixtisas təhsili müəssisələrində təhsil haqqını ödəməkdən azad edilir, uşaqlar məktəbəqədər müəssisələrə birinci növbədə  qəbul olunur və pulsuz saxlanılır;».

 Azərbaycan Respublikasının Prezidenti Heydər ƏLİYEV

 Bakı şəhəri, 12 mart 1999-cu il

№ 627-IQD