Aktın növü	AZƏRBAYCAN RESPUBLİKASI ƏMƏK VƏ ƏHALİNİN SOSİAL MÜDAFİƏSİ NAZİRLİYİ KOLLEGİYASININ QƏRARI
Qəbul edildiyi tarix	11.12.2015
Qeydiyyat nömrəsi	8
Adı	Azərbaycan Respublikasının Əmək və Əhalinin Sosial Müdafiəsi Nazirliyi tərəfindən göstərilən elektron xidmətlər üzrə inzibati reqlamentlərin təsdiq edilməsi haqqında
Rəsmi dərc edildiyi mənbə
Qüvvəyə minmə tarixi	19.12.2015
Azərbaycan Respublikasının Vahid hüquqi təsnifatı üzrə indeks kodu	070.010.000
Hüquqi Aktların Dövlət Reyestrinin qeydiyyat nömrəsi	15201512110008
Hüquqi aktın Hüquqi Aktların Dövlət Reyestrinə daxil edildiyi tarix	18.12.2015

 

“Dövlət orqanlarının və Azərbaycan Respublikasının Prezidenti tərəfindən yaradılan publik hüquqi şəxslərin elektron xidmətlər göstərməsinin təşkili sahəsində bəzi tədbirlər haqqında” Azərbaycan Respublikası Prezidentinin 2011-ci il 23 may tarixli 429 nömrəli Fərmanının 2-1-ci hissəsini rəhbər tutaraq Azərbaycan Respublikasının Əmək və Əhalinin Sosial Müdafiəsi Nazirliyi qərara alır:[1]

1. Azərbaycan Respublikasının Əmək və Əhalinin Sosial Müdafiəsi Nazirliyi tərəfindən göstərilən aşağıdakı elektron xidmətlər üzrə inzibati reqlamentlər təsdiq edilsin (əlavə olunur):

1.1. “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi elektron xidməti üzrə inzibati reqlament”;

1.2. “Əmək müqaviləsi bildirişləri barədə məlumatların işçilərə verilməsi elektron xidməti üzrə inzibati reqlament”.

2. Əmək və Əhalinin Sosial Müdafiəsi Nazirliyinin Aparatının Hüquq şöbəsinə (G.İsgəndərova) tapşırılsın ki, bu Qərarın qəbul edildiyi gündən 3 gün müddətində Azərbaycan Respublikasının Hüquqi Aktların Dövlət Reyestrinə daxil edilməsi üçün Ədliyyə Nazirliyinə təqdim olunmasını təmin etsin.

3. Əmək və Əhalinin Sosial Müdafiəsi Nazirliyinin Aparatının İnformasiya texnologiyaları şöbəsinə (E.Məcidov) və Nazirlik yanında Dövlət Əmək Müfəttişliyi Xidmətinə (F.Əlizadə) tapşırılsın ki, bu Qərardan irəli gələn məsələlərin həll olunmasını təmin etsinlər.

4. Əmək və Əhalinin Sosial Müdafiəsi Nazirliyinin Aparatının Ümumi şöbəsinə (L.Abdullayeva) tapşırılsın ki, bu Qərarın surətinin çoxaldılaraq Nazirliyin aidiyyəti struktur bölmələrinə çatdırılmasını təmin etsin.

5. Qərarın icrasına nəzarət nazir müavini İ.İsayevə həvalə edilsin.

 

Nazir                                                                                          Səlim Müslümov

 

 

 

Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi elektron xidməti üzrə inzibati reqlament

 

1. Ümumi müddəalar

1.1. Elektron xidmətin adı: Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi.

1.2. Elektron xidmətin məzmunu:

 Bu elektron xidmət işəgötürənin əmək müqaviləsi bildirişlərinin elektron informasiya sistemində qeydiyyata alınmasını, əmək müqaviləsi bildirişlərinin və bu bildirişlərlə bağlı göndərilən məlumatların reyestrinə baxmaq və onları çap etmək imkanının yaradılmasını nəzərdə tutur.

1.3. Elektron xidmətin göstərilməsinin hüquqi əsası:

1.3.1. Azərbaycan Respublikası Əmək Məcəlləsinin 7-ci maddəsinin 2-ci və 2-1-ci hissələri, 12-ci maddəsinin 1-ci hissəsinin “h” yarımbəndi və 49-cu maddəsi;

1.3.2. “Azərbaycan Respublikasının Əmək Məcəlləsində dəyişikliklər edilməsi haqqında” Azərbaycan Respublikasının 2013-cü il 27 dekabr tarixli 875-IVQD nömrəli Qanununun tətbiqi barədə” Azərbaycan Respublikası Prezidentinin 2014-cü il 3 fevral tarixli 100 nömrəli Fərmanının 4-cü hissəsi;

1.3.3. “Dövlət orqanlarının və Azərbaycan Respublikasının Prezidenti tərəfindən yaradılan publik hüquqi şəxslərin elektron xidmətlər göstərməsinin təşkili sahəsində bəzi tədbirlər haqqında” Azərbaycan Respublikası Prezidentinin 2011-ci il 23 may tarixli 429 nömrəli Fərmanının 2-1-ci hissəsi;[2]

1.3.4. Azərbaycan Respublikası Nazirlər Kabinetinin 2011-ci il 24 noyabr tarixli 191 nömrəli qərarı ilə təsdiq edilmiş "Mərkəzi icra hakimiyyəti orqanları tərəfindən konkret sahələr üzrə elektron xidmətlər göstərilməsi Qaydaları"və “Elektron xidmət növlərinin Siyahısı”nın 9.13-cü bəndi;

1.3.5. Azərbaycan Respublikası Nazirlər Kabinetinin 2014-cü il 6 iyun tarixli 183 nömrəli qərarı ilə təsdiq edilmiş “Əmək müqaviləsi bildirişinin forması və onun elektron informasiya sisteminə gücləndirilmiş elektron imza vasitəsilə daxil edilməsi qaydaları, əmək müqaviləsi bildirişinin qeydiyyata alınması ilə bağlı işəgötürənə göndərilən məlumat forması, habelə qeydiyyata alınmış əmək müqaviləsi bildirişinin məlumatlarını real vaxt rejimində əldə etməklə bağlı Qaydalar”nın 3-cü, 4-cü, 5-ci, 6-cı və 7-ci hissələri.

 

1.4. Elektron xidməti göstərən dövlət qurumunun adı: Azərbaycan Respublikasının Əmək və Əhalinin Sosial Müdafiəsi Nazirliyi

1.5. Elektron xidmətin digər icraçıları: Yoxdur

1.6. Elektron xidmətin avtomatlaşdırılma səviyyəsi: Elektron xidmət tam avtomatlaşdırılmışdır.

1.7. Elektron xidmətin icra müddəti: Elektron xidmətin icra müddəti tələb olunan məlumatların elektron informasiya sistemi tərəfindən emalı müddətinə bərabərdir.

1.8. Elektron xidmətin göstərilməsinin nəticəsi: Bu elektron xidmət vasitəsi ilə işəgötürənlər tərəfindən işçilərlə əmək müqaviləsi bağlandıqda, ona dəyişikliklik edildikdə və ya xitam verildikdə bununla bağlı elektron informasiya sisteminə daxil edilən əmək müqaviləsi bildirişləri qeydiyyata alınır və bu barədə işəgötürənə məlumat göndərilir.

 

2. Elektron xidmətin göstərilməsinin həyata keçirilməsi

2.1. Elektron xidmətin növü: interaktiv

2.2. Elektron xidmət üzrə ödəniş: ödənişsiz

2.3. Elektron xidmətin istifadəçiləri: İşəgötürənlər.

 

2.4. Elektron xidmətin təqdim olunma yeri: https://www.e-mlspp.gov.az; https://www.e-eesmn.gov.az; https://www.e-gov.az;

2.5. Elektron xidmət barədə məlumatlandırma:

İnternet ünvanı: https://www.e-mlspp.gov.az; https://www.e-eesmn.gov.az; https://www.e-gov.az ; http://www.mlspp.gov.az; ; http://www.eesmn.gov.az.

Elektron poçt: info@mlspp.gov.az ;

Telefon: 142

 

2.6. Elektron xidmətin göstərilməsi üçün tələb olunan sənədlər və onların təqdim olunma forması: Elektron xidmətin göstərilməsi üçün heç bir sənəd tələb olunmur.

 

3.      Elektron xidmətin göstərilməsi üçün inzibati prosedurlar

 

3.2 İnteraktiv elektron xidmətlər üçün sorğu:

3.2.1. Sorğunun formalaşdırılması: Elektron xidmətdən istifadə üçün istifadəçi https://www.e-mlspp.gov.az; https://www.e-eesmn.gov.az; https://www.e-gov.az internet ünvanına daxil olur, gücləndirilmiş elektron imza ilə autentifikasiyadan keçir, “Əmək müqaviləsi bildirişlərinin qeydiyyata alınması və bu barədə işəgötürənə məlumat verilməsi” elektron xidmətini seçir və müvafiq menyulardan istifadə etməklə əmək müqaviləsinin bağlanması, ona dəyişiklik edilməsi və xitam verilməsi ilə bağlı bildirişləri elektron informasiya sisteminə daxil edir.

3.2.2. Sorğunun qəbulu: Əmək müqaviləsi bildirişləri elektron informasiya sisteminə daxil edilərək istifadəçi tərəfindən gücləndirilmiş elektron imza ilə təsdiq olunduğu anda elektron informasiya sistemində qeydiyyata alınır və ona bildirişin qeydiyyata alınması barədə məlumat göndərilir.

3.3. Elektron xidmətin göstərilməsi və ya imtina edilməsi:

3.3.1. Sorğunun yerinə yetirilməsindən imtina halları: İstifadəçi bu Reqlamentin 3.2.1-ci yarımbəndində nəzərdə tutulan prosedurları keçmədikdə və ya səhv keçdikdə, həmçinin məlumatları tam daxil etmədikdə sorğu qəbul olunmur.

3.3.2. Sorğunun qəbulu: İstifadəçi bu Reqlamentin 3.2.1-ci yarımbəndində nəzərdə tutulan prosedurları düzgün keçdikdə və məlumatları dolduraraq təsdiq etdikdə sorğu qəbul olunur.

3.4. Sorğunun icrası:

3.4.1. Ardıcıl hər bir inzibati əməliyyat, o cümlədən məsul şəxs haqqında məlumat:

Elektron xidmət tam avtomatlaşdırıldığından hər hansı inzibati əməliyyat mövcud deyil.

Elektron xidmətin göstərilməsinə Azərbaycan Respublikasının Əmək və Əhalinin Sosial Müdafiəsi Nazirliyi məsuliyyət daşıyır.

3.4.2. Hər bir inzibati əməliyyatın məzmunu, yerinə yetirilmə müddəti və ya maksimal yerinə yetirilmə müddəti:

Proses istifadəçinin tələb olunan məlumatları daxil etməsindən və bunun elektron informasiya sistemində emalı müddətindən asılıdır.

3.4.3. İnzibati əməliyyatda iştirak edən digər dövlət orqanı haqqında məlumat: Yoxdur.

3.4.4. Hər bir inzibati prosedurun nəticəsi:

Bu elektron xidmət əmək müqavilələrinin hüquqi qüvvəyə minməsi üçün işəgötürənlər tərəfindən işçilərlə əmək müqaviləsi bağlandıqda, ona dəyişikliklik edildikdə və ya xitam verildikdə bununla bağlı elektron informasiya sisteminə daxil edilən əmək müqaviləsi bildirişlərinin (Əlavə 1-5) qeydiyyata alınmasını, bu barədə istifadəçiyə məlumatın (Əlavə 6-8) göndərilməsini və istifadəçiyə göndərilən məlumatların reyestrinə baxmaq və onları çap etmək imkanının yaradılmasını nəzərdə tutur.

3.5. Elektron xidmətin yerinə yetirilməsinə nəzarət:

3.5.1. Nəzarətin forması: Elektron xidmətin işlək vəziyyətdə olması Azərbaycan Respublikasının Əmək və Əhalinin Sosial Müdafiəsi Nazirliyi tərəfindən gündəlik nəzarətdə saxlanılır.

3.5.2. Nəzarətin qaydası: Monitorinq nəticəsində müraciətlər barədə toplanılan məlumatlar xüsusi proqram təminatı vasitəsilə yoxlanılır, daxil olan müraciətlərin təhlili nəticəsində müraciətlərin qəbulu, cavablandırılmasının müddəti və prosesin tamlığı izlənilir, müraciətlərin tamlığı və cavabların verilmə sürətinə dair, eləcə də icra zamanı baş verən nöqsanlar barədə hesabatlar tərtib olunur. Həmin hesabatlar elektron informasiya sisteminin fəaliyyətinə məsul olan şəxslər tərəfindən daim izlənilir.

Bu elektron xidmətin yerinə yetirilməsinə nəzarət Azərbaycan Respublikasının Əmək və Əhalinin Sosial Müdafiəsi Nazirliyi tərəfindən həyata keçirilir. Bu prosesdə yaranan texniki anlaşılmazlıqların aradan qaldırılması Azərbaycan Respublikasının Əmək və Əhalinin Sosial Müdafiəsi Nazirliyi Aparatının İnformasiya texnologiyaları şöbəsi tərəfindən təmin edilir.

 

3.6. Elektron xidmətin göstərilməsi üzrə mübahisələr:

3.6.1. İstifadəçinin şikayət etmək hüququ haqqında məlumat: İstifadəçi elektron xidmətlə bağlı onu razı salmayan istənilən məsələ barədə yuxarı səlahiyyətli orqana (vəzifəli şəxsə) inzibati qaydada və ya məhkəməyə şikayət edə bilər.

3.6.2. Şikayətin əsaslandırılması və baxılması üçün lazım olan informasiya: Şikayət ərizəsi “İnzibati icraat haqqında” Azərbaycan Respublikası Qanununun 74-cü maddəsinə uyğun olmalıdır.

3.6.3. Şikayətin baxılma müddəti: Şikayətə “İnzibati icraat haqqında” Azərbaycan Respublikası Qanununun 78.1-ci maddəsinə əsasən 1 ay müddətində baxılır.

Məhkəməyə edilmiş şikayətlərə Azərbaycan Respublikasının İnzibati Prosessual Məcəlləsi ilə müəyyən edilmiş qaydada baxılır.

 

 

 

 

 

 

 

 

 

 

 

 

 

 

 

 

 

 

 

Əmək müqaviləsi bildirişləri barədə məlumatların işçilərə verilməsi elektron xidməti üzrə inzibati reqlament

 

1. Ümumi müddəalar

1.1. Elektron xidmətin adı: Əmək müqaviləsi bildirişləri barədə məlumatların işçilərə verilməsi.

1.2. Elektron xidmətin məzmunu:

 Bu elektron xidmət işçinin özü ilə bağlı elektron informasiya sisteminə daxil edilmiş müvafiq əmək müqaviləsi bildirişi (bildirişləri) barədə məlumatların bu sistemdən real vaxt rejimində əldə edilməsini nəzərdə tutur.

1.3. Elektron xidmətin göstərilməsinin hüquqi əsası: 

1.3.1. Azərbaycan Respublikası Əmək Məcəlləsinin 9-cu maddəsinin “o” yarımbəndi və 49-cu maddəsi;

1.3.2. “Azərbaycan Respublikasının Əmək Məcəlləsində dəyişikliklər edilməsi haqqında” Azərbaycan Respublikasının 2013-cü il 27 dekabr tarixli 875-IVQD nömrəli Qanununun tətbiqi barədə” Azərbaycan Respublikası Prezidentinin 2014-cü il 3 fevral tarixli 100 nömrəli Fərmanının 4-cü hissəsi;

1.3.3. “Dövlət orqanlarının və Azərbaycan Respublikasının Prezidenti tərəfindən yaradılan publik hüquqi şəxslərin elektron xidmətlər göstərməsinin təşkili sahəsində bəzi tədbirlər haqqında” Azərbaycan Respublikası Prezidentinin 2011-ci il 23 may tarixli 429 nömrəli Fərmanının 2-1-ci hissəsi;[3]

1.3.4. Azərbaycan Respublikası Nazirlər Kabinetinin 2011-ci il 24 noyabr tarixli 191 nömrəli qərarı ilə təsdiq edilmiş "Mərkəzi icra hakimiyyəti orqanları tərəfindən konkret sahələr üzrə elektron xidmətlər göstərilməsi Qaydaları" və “Elektron xidmət növlərinin Siyahısı”nın 9.14-cü bəndi;

1.3.5. Azərbaycan Respublikası Nazirlər Kabinetinin 2014-cü il 6 iyun tarixli 183 nömrəli qərarı ilə təsdiq edilmiş “Əmək müqaviləsi bildirişinin forması və onun elektron informasiya sisteminə gücləndirilmiş elektron imza vasitəsilə daxil edilməsi qaydaları, əmək müqaviləsi bildirişinin qeydiyyata alınması ilə bağlı işəgötürənə göndərilən məlumat forması, habelə qeydiyyata alınmış əmək müqaviləsi bildirişinin məlumatlarını real vaxt rejimində əldə etməklə bağlı Qaydalar”nın 7-ci hissəsi.

 1.4. Elektron xidməti göstərən dövlət qurumunun adı: Azərbaycan Respublikasının Əmək və Əhalinin Sosial Müdafiəsi Nazirliyi.

1.5. Elektron xidmətin digər icraçıları: Yoxdur

1.6. Elektron xidmətin avtomatlaşdırılma səviyyəsi: Elektron xidmət tam avtomatlaşdırılmışdır.

1.7. Elektron xidmətin icra müddəti: Elektron xidmətin icra müddəti tələb olunan məlumatların elektron informasiya sistemi tərəfindən emalı müddətinə bərabərdir.

1.8. Elektron xidmətin göstərilməsinin nəticəsi: Bu elektron xidmət vasitəsi ilə işçi özü ilə bağlı elektron informasiya sisteminə daxil edilmiş əmək müqaviləsi bildirişi (bildirişləri) barədə məlumatları bu sistemdən real vaxt rejimində əldə edir.

 

2. Elektron xidmətin göstərilməsinin həyata keçirilməsi

 

2.1. Elektron xidmətin növü: interaktiv

2.2. Elektron xidmət üzrə ödəniş: ödənişsiz

2.3. Elektron xidmətin istifadəçiləri: fiziki şəxslər.

 

2.4. Elektron xidmətin təqdim olunma yeri: https://www.e-mlspp.gov.az; https://www.e-eesmn.gov.az; https://www.e-gov.az;

2.5. Elektron xidmət barədə məlumatlandırma:

İnternet ünvanı: https://www.e-mlspp.gov.az; https://www.e-eesmn.gov.az; https://www.e-gov.az ; http://www.mlspp.gov.az; http://www.eesmn.gov.az.

Elektron poçt: info@mlspp.gov.az ;

Telefon: 142

 

2.6. Elektron xidmətin göstərilməsi üçün tələb olunan sənədlər və onların təqdim olunma forması: Elektron xidmətin göstərilməsi üçün heç bir sənəd tələb olunmur.

 

4.      Elektron xidmətin göstərilməsi üçün inzibati prosedurlar

 

3.2 İnteraktiv elektron xidmətlər üçün sorğu:.

3.2.1. Sorğunun formalaşdırılması: Elektron xidmətdən istifadə üçün istifadəçi https://www.e-mlspp.gov.az; https://www.e-eesmn.gov.az; https://www.e-gov.az internet ünvanına daxil olur, portalın mövcud autentifikasiya vasitələrindən istifadə etməklə “Əmək müqaviləsi bildirişləri barədə məlumatların işçilərə verilməsi” elektron xidmətini seçir və özü barədə əmək müqaviləsi bildirişi (bildirişləri) barədə məlumatları bu sistemdən real vaxt rejimində əldə edir.

3.2.2. Sorğunun qəbulu: İstifadəçi bu Reqlamentin 3.2.1-ci yarımbəndində nəzərdə tutulan prosedurlara uyğun xidmətə keçdikdə elektron informasiya sistem tərəfindən sorğu qəbul olunur və işçi özü ilə bağlı elektron informasiya sisteminə daxil edilmiş əmək müqaviləsi bildirişi (bildirişləri) barədə məlumatları bu sistemdən real vaxt rejimində əldə edir.

 

3.3. Elektron xidmətin göstərilməsi və ya imtina edilməsi:

3.3.1. Sorğunun yerinə yetirilməsindən imtina halları: İstifadəçi bu Reqlamentin 3.2.1-ci yarımbəndində nəzərdə tutulan prosedurları keçmədikdə və ya səhv keçdikdə sorğu qəbul olunmur.

3.3.2. Sorğunun qəbulu: İstifadəçi bu Reqlamentin 3.2.1-ci yarımbəndində nəzərdə tutulan prosedurları düzgün keçdikdə sorğu qəbul olunur.

3.4. Sorğunun icrası:

3.4.1. Ardıcıl hər bir inzibati əməliyyat, o cümlədən məsul şəxs haqqında məlumat:

Elektron xidmət tam avtomatlaşdırıldığından hər hansı inzibati əməliyyat mövcud deyil.

Elektron xidmətin göstərilməsinə Azərbaycan Respublikasının Əmək və Əhalinin Sosial Müdafiəsi Nazirliyi məsuliyyət daşıyır.

3.4.2. Hər bir inzibati əməliyyatın məzmunu, yerinə yetirilmə müddəti və ya maksimal yerinə yetirilmə müddəti:

Sorğunun elektron informasiya sistemində emalı müddətindən asılıdır.

3.4.3. İnzibati əməliyyatda iştirak edən digər dövlət orqanı haqqında məlumat: Yoxdur.

3.4.4. Hər bir inzibati prosedurun nəticəsi:

Bu elektron xidmət işçinin onunla bağlı elektron informasiya sisteminə daxil edilmiş əmək müqaviləsi bildirişi (bildirişləri) barədə məlumatların bu sistemdən real vaxt rejimində əldə edilməsini nəzərdə tutur.

 

3.5. Elektron xidmətin yerinə yetirilməsinə nəzarət:

3.5.1. Nəzarətin forması: Elektron xidmətin işlək vəziyyətdə olması Azərbaycan Respublikasının Əmək və Əhalinin Sosial Müdafiəsi Nazirliyi tərəfindən gündəlik nəzarətdə saxlanılır.

3.5.2. Nəzarətin qaydası:

Monitorinq nəticəsində müraciətlər barədə toplanılan məlumatlar xüsusi proqram təminatı vasitəsilə yoxlanılır, daxil olan müraciətlərin təhlili nəticəsində müraciətlərin qəbulu, cavablandırılmasının müddəti və prosesin tamlığı izlənilir, müraciətlərin tamlığı və cavabların verilmə sürətinə dair, eləcə də icra zamanı baş verən nöqsanlar barədə hesabatlar tərtib olunur. Həmin hesabatlar elektron informasiya sisteminin fəaliyyətinə məsul olan şəxslər tərəfindən daim izlənilir.

Bu elektron xidmətin yerinə yetirilməsinə nəzarət Azərbaycan Respublikasının Əmək və Əhalinin Sosial Müdafiəsi Nazirliyi tərəfindən həyata keçirilir. Bu prosesdə yaranan texniki anlaşılmazlıqların aradan qaldırılması Azərbaycan Respublikasının Əmək və Əhalinin Sosial Müdafiəsi Nazirliyi Aparatının İnformasiya texnologiyaları şöbəsi tərəfindən təmin edilir.

 

3.6. Elektron xidmətin göstərilməsi üzrə mübahisələr:

3.6.1. İstifadəçinin şikayət etmək hüququ haqqında məlumat: İstifadəçi elektron xidmətlə bağlı onu razı salmayan istənilən məsələ barədə yuxarı səlahiyyətli orqana (vəzifəli şəxsə) inzibati qaydada və ya məhkəməyə şikayət edə bilər.

3.6.2. Şikayətin əsaslandırılması və baxılması üçün lazım olan informasiya: Şikayət şəxsən və ya nümayəndə vasitəsilə təqdim edilə və ya poçt, telefaks, yaxud elektron müraciət qaydasında göndərə bilər. Şikayətdə fiziki şəxsin adı, atasının adı, soyadı və ünvanı (yaxud işlədiyi yer) göstərilməlidir.

3.6.3. Şikayətin baxılma müddəti: Şikayətə 15 (on beş) iş günü ərzində baxılır. Əlavə öyrənilməsi və yoxlanılması tələb edilən şikayətə 30 (otuz) iş günü müddətində baxılır.

 

 

 

İSTİFADƏ OLUNMUŞ MƏNBƏ SƏNƏDLƏRİNİN SİYAHISI

 

1.       26 sentyabr 2017-ci il tarixli 13 nömrəli Azərbaycan Respublikası Əmək və Əhalinin Sosial Müdafiəsi Nazirliyi Kollegiyasının Qərarı (Hüquqi Aktların Dövlət Reyestrinin qeydiyyat nömrəsi 15201709260013, Hüquqi Aktların Dövlət Reyestrinə daxil edildiyi tarix 5 oktyabr 2017-ci il)

 

QƏRARA EDİLMİŞ DƏYİŞİKLİK VƏ ƏLAVƏLƏRİN SİYAHISI