Azərbaycan Respublikasının hərbi əməliyyatlar nəticəsində işğal olunmuş və bununla əlaqədar zərər çəkmiş ərazilərinin bərpası və yenidən qurulması üzrə Dövlət Komissiyası haqqında [1]

 

AZƏRBAYCAN RESPUBLİKASI PREZİDENTİNİN FƏRMANI

 

Ermənistan silahlı qüvvələri tərəfindən işğal olunmuş ərazilərə külli miqdarda maddi ziyan vurulduğunu, həmin ərazilərdə dinc əhalinin əmlakının talanmasının kütləvi xarakter daşıdığını, ölüm təhlükəsi nəticəsində ata-baba torpaqlarını tərk edən qaçqınlara gələcəkdə öz yerlərinə qayıtmaları üçün normal şərait yaradılması zərurətini nəzərə alaraq qərara alıram:

1. Azərbaycan Respublikasının hərbi əməliyyatlar nəticəsində işğal olunmuş və bununla əlaqədar zərər çəkmiş ərazilərinin bərpası və yenidən qurulması üzrə aşağıdakı tərkibdə Dövlət Komissiyası yaradılsın: [2]

 

Dövlət Komissiyasının sədri [3]

 

Şahin Mustafayev − Azərbaycan Respublikası Baş Nazirinin müavini

 

Dövlət Komissiyasının üzvləri

 

Naxçıvan Muxtar Respublikasının Baş Naziri

Azərbaycan Respublikası Müdafiə nazirinin müavini

Azərbaycan Respublikası Daxili İşlər nazirinin müavini

Azərbaycan Respublikası Fövqəladə Hallar nazirinin müavini

Azərbaycan Respublikası Ədliyyə nazirinin müavini

Azərbaycan Respublikası İqtisadiyyat nazirinin müavini

Azərbaycan Respublikası Maliyyə nazirinin müavini

Azərbaycan Respublikası Nəqliyyat, Rabitə və Yüksək Texnologiyalar nazirinin müavini

Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin sədri

Azərbaycan Respublikası Dövlət Şəhərsalma və Arxitektura Komitəsinin sədri

Azərbaycan Respublikası Ailə, Qadın və Uşaq Problemləri üzrə Dövlət Komitəsinin sədri

Azərbaycan Respublikası Dövlət Təhlükəsizliyi Xidmətinin rəisi

Azərbaycan Respublikası Dövlət Sərhəd Xidmətinin rəisi

Azərbaycan Respublikası Mərkəzi Bankının sədri

Azərbaycan Respublikası Ərazilərinin Bərpası və Yenidən Qurulması üzrə Agentliyin direktoru.

 

2. Dövlət Komissiyası respublika büdcəsi və beynəlxalq təşkilatlar tərəfindən ayrılan vəsait hesabına maliyyələşdirilən hüquqi şəxs statusuna malik daimi işçi orqan yaratsın.

3. Dövlət Komissiyası öz əsasnaməsinin layihəsini iki həftə ərzində hazırlasın və təsdiq olunmaq üçün Azərbaycan Respublikasının Prezidentinə təqdim etsin.

4. Proqramın həyata keçirilməsi üzrə görüləcək işlərin əlaqələndirilməsi üçün Dünya Bankı və BMT İnkişaf Proqramının nümayəndələrinin həmsədrliyi ilə, xarici dövlət və qeyri-dövlət təşkilatlarının iştirakı ilə Məsləhətçi Şuranın yaradılması məqsədəuyğun hesab edilsin.

 

Heydər ƏLİYEV,

Azərbaycan Respublikasının Prezidenti

 

Bakı şəhəri, 12 iyul 1996-cı il

    № 471

 

 

 

İSTİFADƏ OLUNMUŞ MƏNBƏ SƏNƏDLƏRİNİN SİYAHISI

 

1.       14 may 1999-cu il tarixli 137 nömrəli Azərbaycan Respublikası Prezidentinin Fərmanı

2.       28 iyul 2004-cü il tarixli 96 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2004-cü il, № 07, maddə 535)

3.       3 iyul 2006-cı il tarixli 424 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2006-cı il, № 07, maddə 588)

4.       10 fevral 2010-cu il tarixli 216 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2010-cu il, № 02, maddə 80)

5.       1 noyabr 2015-ci il tarixli 671 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2015-ci il, № 11, maddə 1301)

6.       21 yanvar 2017-ci il tarixli 1204 nömrəli Azərbaycan Respublikası Prezidentinin Fərmanı (“Azərbaycan” qəzeti, 22 yanvar 2017-ci il, № 14; “Xalq” qəzeti, 28 yanvar 2017-ci il, № 19, Azərbaycan Respublikasının Qanunvericilik Toplusu, 2017-ci il, №1 , maddə 51)

7.       11 mart 2020-ci il tarixli 954 nömrəli Azərbaycan Respublikası Prezidentinin Fərmanı (“Xalq” qəzeti, 12 mart 2020-ci il, № 55, Azərbaycan Respublikasının Qanunvericilik Toplusu, 2020-ci il, №3 , maddə 230)

8. 15 yanvar 2021-ci il tarixli 1250 nömrəli Azərbaycan Respublikası Prezidentinin Fərmanı (“Xalq” qəzeti, 16 yanvar 2021-ci il, № 10, Azərbaycan Respublikasının Qanunvericilik Toplusu, 2021-ci il, №1, maddə 20)

 

FƏRMANA EDİLMİŞ DƏYİŞİKLİK VƏ ƏLAVƏLƏRİN SİYAHISI