Azərbaycan Respublikası Nazirlər Kabinetinin 2010-cu il 14 dekabr tarixli 235 nömrəli qərarı ilə təsdiq edilmiş “Doktoranturalar yaradılan Azərbaycan Respublikasının ali təhsil müəssisələrinin və elmi təşkilatların Siyahısı”nda dəyişikliklər edilməsi haqqında

AZƏRBAYCAN RESPUBLİKASI NAZİRLƏR KABİNETİNİN QƏRARI

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikası Təhsil Nazirliyinin təklifini nəzərə alaraq Azərbaycan Respublikasının Nazirlər Kabineti qərara alır:

1. Azərbaycan Respublikası Nazirlər Kabinetinin 2010-cu il 14 dekabr tarixli 235 nömrəli qərarı (Azərbaycan Respublikasının Qanunvericilik Toplusu, 2010, №12, maddə 1117; 2011, №9, maddə 853; 2013, №7, maddə 883, №10, maddə 1232; 2014, №1, maddə 57, №6, maddələr 736, 752; 2015, №4, maddə 455, № 8, maddə 967; Azərbaycan Respublikası Nazirlər Kabinetinin 2016-cı il 13 may tarixli 195 nömrəli qərarı) ilə təsdiq edilmiş “Doktoranturalar yaradılan Azərbaycan Respublikasının ali təhsil müəssisələrinin və elmi təşkilatların Siyahısı”nda aşağıdakı dəyişikliklər edilsin:

1.1. “Azərbaycan Respublikasının Təhsil Nazirliyi üzrə” bölmənin:

1.1.1. 2-ci və 27-ci hissələrində ismin müvafiq hallarında olan “Azərbaycan Dövlət Neft Akademiyası” sözləri ismin müvafiq hallarında “Azərbaycan Dövlət Neft və Sənaye Universiteti” sözləri ilə əvəz edilsin;

1.1.2. 9-cu hissə ləğv edilsin;

1.1.3. 15-ci hissənin 4-cü sütununa “elmlər doktoru üzrə” sözləri əlavə edilsin;

1.1.4. aşağıdakı məzmunda 29-cu hissə əlavə edilsin:

2. Bu qərar imzalandığı gündən qüvvəyə minir.