AKTIN NÖVÜ
AZƏRBAYCAN RESPUBLİKASI PREZİDENTİNİN SƏRƏNCAMLARI
QƏBUL EDİLDİYİ TARİX
18.11.2016
QEYDİYYAT NÖMRƏSİ
2451
ADI
“Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizəyə dair 2017–2019-cu illər üçün Milli Fəaliyyət Planı”nın təsdiq edilməsi haqqında
RƏSMİ DƏRC EDİLDİYİ MƏNBƏ
Xalq Qəzeti (Dərc olunma tarixi: 19-11-2016, Nəşr Nömrəsi: 256), Azərbaycan Respublikasının Qanunvericilik Toplusu (Dərc olunma tarixi: 30-11-2016, Nəşr nömrəsi: 11, Maddə nömrəsi: 1890)
QÜVVƏYƏ MİNMƏ TARİXİ
19.11.2016
AZƏRBAYCAN RESPUBLİKASI VAHİD HÜQUQi TƏSNİFATI ÜZRƏ İNDEKS KODU
390.010.000
HÜQUQİ AKTLARIN DÖVLƏT REYESTRİNİN QEYDİYYAT NÖMRƏSİ
32201611182451
HÜQUQİ AKTIN HÜQUQİ AKTLARIN DÖVLƏT REYESTRİNƏ DAXİL EDİLDİYİ TARİX
22.11.2016
“Məntəqə seçki komissiyasının formalaşdırılması qaydaları haqqında Təlimat”ın təsdiq edilməsinə dair

“Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizəyə dair 2017–2019-cu illər üçün Milli Fəaliyyət Planı”nın təsdiq edilməsi haqqında

 

AZƏRBAYCAN RESPUBLİKASI PREZİDENTİNİN SƏRƏNCAMI

 

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizənin gücləndirilməsi üçün bu sahədə həyata keçirilən sistemli və kompleks tədbirlərin davamlılığını təmin etmək məqsədi ilə qərara alıram:

1. “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizəyə dair 2017–2019-cu illər üçün Milli Fəaliyyət Planı” (bundan sonra – Milli Fəaliyyət Planı) təsdiq edilsin.

2. Azərbaycan Respublikasının Ədliyyə, Maliyyə, Vergilər, Daxili İşlər, Əmək və Əhalinin Sosial Müdafiəsi nazirliklərinə, Dövlət Təhlükəsizliyi Xidmətinə, Dövlət Sərhəd Xidmətinə, Dövlət Gömrük Komitəsinə və Maliyyə Monitorinqi Xidmətinə tapşırılsın ki, Milli Fəaliyyət Planında nəzərdə tutulan tədbirlərin icrası barədə illik hesabatlarını hər il dekabrın 15-dək Azərbaycan Respublikasının Nazirlər Kabinetinə və Azərbaycan Respublikasının Korrupsiyaya qarşı mübarizə üzrə Komissiyasına elektron qaydada təqdim etsinlər. [1]

3. Azərbaycan Respublikasının Nazirlər Kabinetinə tapşırılsın və Azərbaycan Respublikasının Korrupsiyaya qarşı mübarizə üzrə Komissiyasına tövsiyə edilsin ki, Milli Fəaliyyət Planının yerinə yetirilməsi ilə əlaqədar görülən işlərin vəziyyətini mütəmadi təhlil etsinlər və bu barədə Azərbaycan Respublikasının Prezidentinə məlumat versinlər.

4. Azərbaycan Respublikasının Mərkəzi Bankına, Auditorlar Palatasına, Məhkəmə-Hüquq Şurasına, Ali Məhkəməsinə, Baş Prokurorluğuna və Vəkillər Kollegiyasına tövsiyə edilsin ki, Milli Fəaliyyət Planında nəzərdə tutulan tədbirlərin icrasını təmin etsinlər.

5. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

 

İlham ƏLİYEV,

Azərbaycan Respublikasının Prezidenti

 

Bakı şəhəri, 18 noyabr 2016-cı il

                 № 2451

 

 


Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizəyə dair 2017 - 2019-cu illər üçün Milli Fəaliyyət Planı

 

Ölkəmiz cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə (bundan sonra - PL/TM) qarşı mübarizə sahəsində mühüm nəticələrə nail olmuşdur. Beynəlxalq tələblərə uyğun təkmil qanunvericilik, ixtisaslaşmış institusional qurumlar, beynəlxalq təşəbbüslərə və əməkdaşlığa verdiyimiz töhfə bu sahədə dövlət siyasətimizin əsas uğurlarındandır.

2009-cu ildə “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikası Qanununun qəbul edilməsi ilə ölkəmizdə PL/TM-ə qarşı mübarizənin yeni mərhələsi başlanmışdır.

Avropa Şurasının Pulların Yuyulmasına və Terrorçuluğun Maliyyələşdirilməsinə Qarşı Tədbirlərin Qiymətləndirilməsi üzrə Ekspertlər Komitəsi ölkəmizdə PL/TM-ə qarşı mübarizə sahəsində həyata keçirilən islahatları, o cümlədən qanunvericiliyin təkmilləşdirilməsi, institusional potensialın gücləndirilməsi, hesabatlılıq sisteminin yaradılması, qabaqcıl texnologiyanın tətbiqi sahəsində əldə edilmiş nailiyyətləri yüksək qiymətləndirir.

Azərbaycan Respublikası yeni beynəlxalq çağırışları nəzərə alaraq, ölkədə PL/TM-ə qarşı mübarizə sahəsində risk əsaslı mübarizə sisteminin çərçivəsini müəyyənləşdirmək üçün risklərin qiymətləndirilməsi layihəsini həyata keçirmişdir.

Qiymətləndirmə nəticəsində müəyyən edilmiş risklərin aradan qaldırmaq məqsədilə “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizəyə dair 2017-2019-cu illər üçün Milli Fəaliyyət Planı” (bundan sonra - Milli Fəaliyyət Planı) qəbul edilir.

Milli Fəaliyyət Planının əsas məqsədi ölkəmizdə PL/TM-ə qarşı mübarizə sahəsində həyata keçirilən kompleks və sistemli tədbirlərin davam etdirilməsidir. Milli Fəaliyyət Planı dövlət orqanlarının bu sahədə fəaliyyətlərinin effektiv əlaqələndirilməsini təmin edən koordinasiya mexanizminin yaradılması, onlar arasında əməkdaşlığın və məlumat mübadiləsi sisteminin səmərəliliyinin artırılması, qanunvericiliyin beynəlxalq standartlara tam uyğunlaşdırılması, beynəlxalq əməkdaşlığın gücləndirilməsi, PL/TM-ə qarşı mübarizə aparan dövlət orqanlarının potensialının gücləndirilməsi və digər məsələləri əhatə edir.

 

 


Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizəyə dair 2017 - 2019-cu illər üçün Milli Fəaliyyət Planı

 

Tədbirin sırası və adı

Qiymətləndirmə indikatorları

İcra / Tövsiyə

İcra müddəti (illər üzrə)

1. Dövlət siyasətinin formalaşdırılması və həyata keçirilməsi

1.1. PL/TM-ə qarşı mübarizə ilə bağlı dövlət siyasətinin formalaşdırılması və həyata keçirilməsi məqsədilə koordinasiya mexanizminin yaradılması

PL/TM-ə qarşı mübarizə ilə bağlı dövlət siyasətinin həyata keçirilməsi üzrə əlaqələndirmənin və bu sahədə dövlət proqramlarının icrasına nəzarətin təmin edilməsi məqsədilə təkliflərin hazırlanması

İcraçı: Maliyyə Bazarlarına Nəzarət Palatası

Tövsiyə edilir: Korrupsiyaya qarşı mübarizə üzrə Komissiya

2017-2018

“Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikasının Qanununda nəzərdə tutulmuş nəzarət orqanlarının (bundan sonra - nəzarət orqanları) və hüquq mühafizə orqanlarının nümayəndələrindən ibarət işçi qrupun və əməkdaşlıq şəbəkəsinin yaradılması

İcraçılar: Nazirlər Kabineti, Maliyyə Bazarlarına Nəzarət Palatası

Tövsiyə edilir: Korrupsiyaya qarşı mübarizə üzrə Komissiya

2017

Milli Fəaliyyət Planının icrasının monitorinqi prosesində informasiya texnologiyalarının tətbiqi ilə bağlı tədbirlər görülməsi, Milli Fəaliyyət Planında nəzərdə tutulan tədbirlərin icrasının qiymətləndirilməsi və nəticəsi ilə bağlı məlumatın ictimaiyyətə çatdırılması

İcraçılar: Maliyyə Monitorinqi Xidməti

Tövsiyə edilir: Korrupsiyaya qarşı mübarizə üzrə Komissiya [2]

2017-2019

2. Qanunvericiliyin təkmilləşdirilməsi

2.1. Pul vəsaitlərinin elektron köçürülməsi ilə bağlı qanunvericiliyin təkmilləşdirilməsi

Pul vəsaitlərinin elektron köçürülməsi ilə bağlı qanunvericiliyin tələblərinin İqtisadi Əməkdaşlıq və İnkişaf Təşkilatının Maliyyə Tədbirləri üzrə İşçi Qrupunun (bundan sonra - FATF) 16-cı tövsiyəsinə uyğunlaşdırılması məqsədilə təkliflərin hazırlanması

İcraçı: Maliyyə Bazarlarına Nəzarət Palatası

2017-2018

2.2. Banklar arasında məlumat mübadiləsi sisteminin təkmilləşdirilməsi

Müxbir hesablar vasitəsilə əməliyyatlar aparılan zaman bankın öz müştərisi barədə məlumatları digər banka təqdim etməsinə dair qanunvericiliyin təkmilləşdirilməsi barədə təkliflərin hazırlanması

İcraçı: Maliyyə Bazarlarına Nəzarət Palatası

2017-2018

2.3. Valyuta sərvətlərinin transsərhəd daşınması və sərhəddən keçirilməsi zamanı şübhə yaradan PL/TM halları barədə məlumatın maliyyə monitorinqi orqanına verilməsi ilə əlaqədar qanunvericiliyin təkmilləşdirilməsi

Valyuta sərvətlərinin transsərhəd daşınması əməliyyatlarının monitorinq rejiminə cəlb edilməsi ilə bağlı qanunvericiliyin təkmilləşdirilməsi barədə təkliflərin hazırlanması

İcraçılar: Dövlət Gömrük Komitəsi, Maliyyə Bazarlarına Nəzarət Palatası

2017-2018

Valyuta sərvətlərinin transsərhəd daşınması zamanı gömrük orqanları tərəfindən tətbiq ediləcək PL/TM indikatorlarının müəyyən edilməsi

İcraçılar: Dövlət Gömrük Komitəsi, Maliyyə Bazarlarına Nəzarət Palatası

2017-2018

Valyuta sərvətlərinin sərhəddən keçirilməsi zamanı PL/TM şübhəsi yaradan hallar barədə gömrük orqanı tərəfindən maliyyə monitorinqi orqanına məlumat göndərilməsi məqsədilə müvafiq təkliflərin hazırlanması

İcraçılar: Dövlət Gömrük Komitəsi, Maliyyə Bazarlarına Nəzarət Palatası

2017-2018

2.4. PL/TM riski yaradan sektorların monitorinq rejiminə cəlb edilməsi ilə bağlı tədbirlər görülməsi

Mühasibatlıq və vergi məsləhətləri xidməti göstərən şəxslərin, avtomobil dilerlərinin, o cümlədən idman mərc oyunları təşkilatçılarının PL/TM-ə qarşı mübarizə üzrə monitorinq rejiminə cəlb edilməsi məsələsinin araşdırılması və müvafiq təkliflərin hazırlanması

İcraçılar: Maliyyə Bazarlarına Nəzarət Palatası, Vergilər Nazirliyi

2017

2.5. Terror fəaliyyəti və kütləvi qırğın silahlarının yayılması ilə bağlı BMT Təhlükəsizlik Şurasının müvafiq qətnamələri ilə müəyyən edilmiş mexanizmlərin icrası üzrə tədbirlərin görülməsi

Terror fəaliyyəti və ya kütləvi qırğın silahlarının yayılması ilə əlaqəsinə görə barələrində sanksiyalar tətbiq olunmalı olan şəxslərin aktivlərinin dondurulmasına dair qanunvericiliyin təkmilləşdirilməsi ilə əlaqədar təkliflərin hazırlanması

İcraçılar: Nazirlər Kabineti, Maliyyə Bazarlarına Nəzarət Palatası

2017

2.6. Cinayət yolu ilə əldə edilmiş pul vəsaitlərinin və ya digər əmlakın müsadirəsinə və bərpasına dair qanunvericiliyin təkmilləşdirilməsi üçün tədbirlər görülməsi

Cinayət yolu ilə əldə edilmiş pul vəsaitlərinin və ya digər əmlakın müsadirəsi və bərpası üzrə ölkədaxili mexanizmin beynəlxalq standartlara uyğun olaraq formalaşdırılması və cinayət işlərinə dair xarici məhkəmələrin qərarlarının tanınması üzrə qanunvericiliyin təkmilləşdirilməsi

Tövsiyə edilir: Baş Prokurorluq

İcraçılar: Nazirlər Kabineti, Ədliyyə Nazirliyi

2018-2019

2.7. Maliyyə Bazarlarına Nəzarət Palatasının məlumat bazasından hüquq mühafizə orqanlarının istifadə imkanlarının genişləndirilməsi

Maliyyə Bazarlarına Nəzarət Palatasının məlumat bazasından hüquq mühafizə orqanlarının istifadə qaydalarının müəyyən edilməsi üzrə təkliflərin hazırlanması

İcraçılar: Nazirlər Kabineti, Maliyyə Bazarlarına Nəzarət Palatası

2017

2.8. Azərbaycan Respublikası qanunvericiliyinin FATF Tövsiyələrinin müəyyən etdiyi tələblərə uyğunlaşdırılması məqsədilə təkliflərin hazırlanması

FATF Tövsiyələrinin müəyyən etdiyi yeni tələblərə uyğun qanunvericilik təkliflərinin hazırlanması

İcraçılar: Maliyyə Monitorinqi Xidməti, Nazirlər Kabineti

2017-2019

2.9. PL/TM-ə qarşı mübarizə sahəsində qanunvericiliyin tələblərinin pozulmasına görə inzibati məsuliyyət tədbirlərin təkmilləşdirilməsi

PL/TM-ə qarşı mübarizə üzrə qanunvericiliyin tələblərinin pozulmasına görə effektiv, çəkindirici və proporsional inzibati məsuliyyət tədbirlərinin müəyyən edilməsi üçün müvafiq təkliflərin hazırlanması

İcraçılar: Ədliyyə Nazirliyi, Maliyyə Bazarlarına Nəzarət Palatası

2017

3. Beynəlxalq və ikitərəfli əməkdaşlığın gücləndirilməsi

3.1. PL/TM-ə qarşı mübarizəni həyata keçirən hüquq mühafizə orqanları ilə xarici dövlətlərin analoji qurumları arasında əməkdaşlığın genişləndirilməsi

Hüquq mühafizə orqanları ilə xarici dövlətlərin analoji qurumları arasında PL/TM-ə qarşı mübarizəyə dair qarşılıqlı əməkdaşlıq münasibətlərinin inkişaf etdirilməsi üçün tədbirlər görülməsi

Tövsiyə edilir: Baş Prokurorluq

İcraçılar: Dövlət Təhlükəsizliyi Xidməti, Daxili İşlər Nazirliyi, Dövlət Gömrük Komitəsi

2017-2019

3.2. Cinayət yolu ilə əldə edilmiş pul vəsaitlərinin və ya digər əmlakın müsadirəsi və bərpası üzrə beynəlxalq əməkdaşlığın təmin edilməsi

Cinayət yolu ilə əldə edilmiş pul vəsaitlərinin və ya digər əmlakın müsadirəsi və bərpası üzrə beynəlxalq institutlar və təşkilatlarla qarşılıqlı əməkdaşlıq münasibətlərinin inkişaf etdirilməsi üçün tədbirlər görülməsi

Tövsiyə edilir: Baş Prokurorluq

İcraçılar: Ədliyyə Nazirliyi, Maliyyə Monitorinqi Xidməti

2017-2019

 

Cinayət yolu ilə əldə edilmiş pul vəsaitlərinin və ya digər əmlakın müsadirəsi və bərpası ilə bağlı müstəntiqlərin, prokurorların və hakimlərin beynəlxalq təcrübə mübadiləsində iştirakının təmin edilməsi

Tövsiyə edilir: Baş Prokurorluq, Məhkəmə-Hüquq Şurası

İcraçılar: Dövlət Təhlükəsizliyi Xidməti, Daxili İşlər Nazirliyi, Vergilər Nazirliyi, Dövlət Gömrük Komitəsi

2017-2019

3.3. Gömrük rəsmiləşdirilməsi prosesində PL/TM hallarının aşkar olunması üzrə xarici ölkələrlə əməkdaşlığın gücləndirilməsi

Nağd pulların və qiymətli kağızların transsərhəd daşınmasına nəzarətin təkmilləşdirilməsi üçün xarici dövlətlərlə qarşılıqlı əməkdaşlığın gücləndirilməsi məqsədilə tədbirlər görülməsi

İcraçı: Dövlət Gömrük Komitəsi

2017-2019

3.4. Maliyyə Monitorinqi Xidməti ilə xarici dövlətlərin analoji qurumları arasında qarşılıqlı məlumat mübadiləsi üzrə beynəlxalq əməkdaşlığın genişləndirilməsi

Maliyyə Monitorinqi Xidməti ilə xarici dövlətlərin maliyyə monitorinqi orqanları arasında qarşılıqlı əməkdaşlıq münasibətlərinin inkişaf etdirilməsi məqsədilə tədbirlər görülməsi

İcraçı: Maliyyə Monitorinqi Xidməti

2017-2019

4. Hüquq mühafizə orqanlarının potensialının gücləndirilməsi

4.1. Hüquq mühafizə orqanların əməkdaşlarının potensialının gücləndirilməsi üzrə tədbirlər görülməsi

Hüquq mühafizə orqanlarının əməkdaşları üçün PL/TM-ə qarşı mübarizəyə dair təlim proqramlarının hazırlanması, onların beynəlxalq və ölkədaxili təlimlərdə davamlı iştirakının təmin edilməsi

Tövsiyə edilir: Baş Prokurorluq

İcraçılar: Dövlət Təhlükəsizliyi Xidməti, Daxili işlər Nazirliyi, Dövlət Gömrük Komitəsi, Ədliyyə Nazirliyi

2017-2019

 

Hüquq mühafizə orqanlarının tədris müəssisələrində PL/TM-ə qarşı mübarizəyə dair mövzuların tədrisinin təşkil edilməsi

Tövsiyə edilir: Baş Prokurorluq

İcraçılar: Dövlət Təhlükəsizliyi Xidməti, Daxili işlər Nazirliyi, Dövlət Gömrük Komitəsi, Ədliyyə Nazirliyi

2017-2019

4.2. PL/TM cinayətlərinin aşkar edilməsi məqsədilə əməliyyat-axtarış tədbirlərinin gücləndirilməsi

PL/TM cinayətlərinin aşkar edilməsində əməliyyat-axtarış tədbirlərinin daha geniş tətbiq edilməsi məqsədilə təkliflərin hazırlanması

Tövsiyə edilir: Baş Prokurorluq

2017-2018

4.3. Cinayət yolu ilə əldə edilmiş pul vəsaitlərinin və ya digər əmlakın leqallaşdırılması və terrorçuluğun maliyyələşdirilməsi əməlləri üzrə cinayət təqibi sahəsində hakimlərin bilik və təcrübələrinin artırılması

Hakimlər üçün cinayət yolu ilə əldə edilmiş pul vəsaitlərinin və ya digər əmlakın leqallaşdırılması və terrorçuluğun maliyyələşdirilməsi əməllərinin hüquqi tövsifi, sübuta yetirilməsi və məhkəmə baxışının xüsusiyyətləri ilə bağlı təlimlərin keçirilməsi

Tövsiyə edilir: Məhkəmə-Hüquq Şurası

2017-2019

5. Monitorinq iştirakçılarının və monitorinqdə iştirak edən digər şəxslərin potensialının gücləndirilməsi

5.1. “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikasının Qanununda nəzərdə tutulmuş monitorinq iştirakçıları və monitorinqdə iştirak edən digər şəxslər (bundan sonra - monitorinq subyektləri) üçün metodoloji dəstək sisteminin qurulması [3]

Monitorinq subyektləri üçün təlim strategiyasının və ona uyğun təlim proqramlarının hazırlanması və icrası məqsədilə tədbirlər görülməsi

İcraçılar: Maliyyə Monitorinqi Xidməti Maliyyə Bazarlarına Nəzarət Palatası, Maliyyə Nazirliyi, Ədliyyə Nazirliyi, Vergilər Nazirliyi

Tövsiyə edilir: Auditorlar Palatası, Vəkillər Kollegiyası

2017-2019

5.2. Monitorinq subyektlərinin daxili nəzarət sisteminin gücləndirilməsi üzrə tədbirlərin görülməsi

Monitorinq subyektlərinə qanunvericiliyin tələblərinə uyğun olaraq PL/TM-ə qarşı mübarizə üzrə daxili nəzarət sisteminin qurulmasına və effektiv tətbiqinə metodiki dəstəyin təmin edilməsi [4]

İcraçılar: Maliyyə Monitorinqi Xidməti Maliyyə Bazarlarına Nəzarət Palatası, Maliyyə Nazirliyi, Ədliyyə Nazirliyi, Vergilər Nazirliyi

Tövsiyə edilir: Auditorlar Palatası, Vəkillər Kollegiyası

2017-2019

5.3. “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikasının Qanununda nəzərdə tutulmuş şübhəli və yüksək riskli əməliyyatların müəyyən edilməsi üçün monitorinq iştirakçılarının informasiya texnologiyaları sistemlərinin təkmilləşdirilməsi

Monitorinq subyektlərinə müştəri və benefisiar mülkiyyətçilərin eyniləşdirilməsi, verifikasiyasına dair məlumat bazasının yaradılması və PL/TM risklərinin müəyyən edilməsi, əməliyyatların və riskli müştərilərin monitorinqinə imkan verən informasiya sisteminin tətbiqi üzrə metodiki dəstəyin təmin edilməsi

İcraçılar: Maliyyə Monitorinqi Xidməti Maliyyə Bazarlarına Nəzarət Palatası, Maliyyə Nazirliyi, Ədliyyə Nazirliyi, Vergilər Nazirliyi

Tövsiyə edilir: Auditorlar Palatası, Vəkillər Kollegiyası

2017-2019

5.4. PL/TM-ə qarşı mübarizə sahəsində qanunvericiliyin monitorinq subyektləri tərəfindən effektiv tətbiqinə nail olunması

Monitorinq subyektlərinə şübhəli əməliyyatların aşkarlanması indikatorlarının və PL/TM tipologiyalarının müəyyən edilməsi və müntəzəm olaraq yenilənməsi məqsədilə metodiki dəstəyin təmin edilməsi

İcraçılar: Maliyyə Monitorinqi Xidməti Maliyyə Bazarlarına Nəzarət Palatası, Maliyyə Nazirliyi, Ədliyyə Nazirliyi, Vergilər Nazirliyi

Tövsiyə edilir: Auditorlar Palatası, Vəkillər Kollegiyası

2017-2019

Monitorinq subyektlərinə “öz müştərini tanı”, o cümlədən müştəri qəbulu siyasətinin formalaşdırılması üzrə metodiki dəstəyin təmin edilməsi

İcraçılar: Maliyyə Monitorinqi Xidməti Maliyyə Bazarlarına Nəzarət Palatası, Maliyyə Nazirliyi, Ədliyyə Nazirliyi, Vergilər Nazirliyi

Tövsiyə edilir: Auditorlar Palatası, Vəkillər Kollegiyası

2017-2019

5.5. PL/TM-ə qarşı mübarizə üzrə tələblərə riayət olunması mexanizminin təkmilləşdirilməsi

Monitorinq subyektlərinə PL/TM-ə qarşı mübarizə üzrə qanunvericiliyin icrasına məsul şəxslərin təyin edilməsi üzrə metodiki dəstəyin təmin edilməsi

İcraçılar: Maliyyə Monitorinqi Xidməti Maliyyə Bazarlarına Nəzarət Palatası, Maliyyə Nazirliyi, Ədliyyə Nazirliyi, Vergilər Nazirliyi

Tövsiyə edilir: Auditorlar Palatası, Vəkillər Kollegiyası

2017-2019

Monitorinq subyektlərinin PL/TM-ə qarşı mübarizə üzrə məsul şəxsinin eyniləşdirilmə, hesab və əməliyyatlar üzrə məlumatlara çıxışının təmin edilməsinə metodiki dəstəyin təmin edilməsi

İcraçılar: Maliyyə Monitorinqi Xidməti Maliyyə Bazarlarına Nəzarət Palatası, Maliyyə Nazirliyi, Ədliyyə Nazirliyi, Vergilər Nazirliyi

Tövsiyə edilir: Auditorlar Palatası, Vəkillər Kollegiyası

2017-2019

PL/TM-ə qarşı mübarizə sahəsində daxili nəzarət sisteminin effektivliyinin müəyyən edilməsi üçün daxili audit yoxlamalarının nəticələrinin qiymətləndirilməsi

İcraçılar: Maliyyə Monitorinqi Xidməti Maliyyə Bazarlarına Nəzarət Palatası, Maliyyə Nazirliyi, Ədliyyə Nazirliyi,

Vergilər Nazirliyi

Tövsiyə edilir: Auditorlar Palatası, Vəkillər Kollegiyası

2017-2019

6. Nəzarət orqanlarının potensialının gücəndirilməsi

6.1. Nəzarət orqanlarının PL/TM-ə qarşı mübarizə sahəsində yoxlamalara cəlb edilən işçi heyəti üçün təlimlərin keçirilməsi

Nəzarət orqanlarının yoxlamalara məsul olan əməkdaşları üçün yoxlamaların keçirilməsi ilə bağlı təlim proqramının hazırlanması və icrası üzrə tədbirlər görülməsi

İcraçılar: Maliyyə Monitorinqi Xidməti Maliyyə Bazarlarına Nəzarət Palatası, Maliyyə Nazirliyi, Ədliyyə Nazirliyi, Vergilər Nazirliyi

Tövsiyə edilir: Auditorlar Palatası, Vəkillər Kollegiyası

2017-2019

6.2. Nəzarət orqanlarının PL/TM-ə qarşı mübarizə sahəsində potensialının təkmilləşdirilməsi

Nəzarət orqanlarının tərkibində PL/TM-ə qarşı mübarizə sahəsində nəzarəti həyata keçirəcək struktur bölmələrin müəyyən edilməsi

İcraçılar: Maliyyə Monitorinqi Xidməti Maliyyə Bazarlarına Nəzarət Palatası, Maliyyə Nazirliyi, Ədliyyə Nazirliyi, Vergilər Nazirliyi

Tövsiyə edilir: Auditorlar Palatası, Vəkillər Kollegiyası

2017-2019

6.3. Monitorinq subyektlərində risk əsaslı nəzarət sisteminin formalaşdırılması

Nəzarət orqanları tərəfindən risk əsaslı nəzarət proqramının hazırlanması və tətbiqi üzrə tədbirlər görülməsi

İcraçılar: Maliyyə Monitorinqi Xidməti Maliyyə Bazarlarına Nəzarət Palatası, Maliyyə Nazirliyi, Ədliyyə Nazirliyi, Vergilər Nazirliyi

Tövsiyə edilir: Auditorlar Palatası, Vəkillər Kollegiyası

2017-2019

7. Korporativ idarəetma standartları və şəffaflıq tədbirləri

7.1. Müvafiq monitorinq subyektlərində korporativ idarəetmə standartlarının tətbiqi üzrə tədbirlər görülməsi

Müvafiq monitorinq subyektlərində korporativ idarəetmə mədəniyyətinin təşviq edilməsi

İcraçılar: Maliyyə Monitorinqi Xidməti Maliyyə Bazarlarına Nəzarət Palatası, Vergilər Nazirliyi

2017-2019

 

Banklarda korporativ idarəetmənin tətbiqini gücləndirmək məqsədilə davamlı nəzarət tədbirlərinin həyata keçirilməsi

İcraçı: Maliyyə Bazarlarına Nəzarət Palatası

2017-2019

7.2. Ölkədə nağdsız hesablaşmaların stimullaşdırılması üzrə tədbirlərin effektivliyinin artırılması

Nağd pul dövriyyəsinin azaldılması məqsədilə nağdsız hesablaşma və ödənişlərin stimullaşdırılması və ictimaiyyətin maarifləndirilməsi sahəsində tədbirlər görülməsi

İcraçılar: Maliyyə Bazarlarına Nəzarət Palatası, Vergilər Nazirliyi

Tövsiyə edilir: Mərkəzi Bank

2017-2019

8. Şübhəli əməliyyatlara dair məlumatların təhlili

8.1. Maliyyə Bazarlarına Nəzarət Palatasının dövlət orqanları ilə effektiv məlumat mübadiləsi sisteminin qurulması

Maliyyə Bazarlarına Nəzarət Palatasının aidiyyəti dövlət orqanlarının məlumat bazasına sorğu əsaslı çıxışının təmin edilməsi ilə bağlı təkliflərin hazırlanması

İcraçılar: Nazirlər Kabineti, Maliyyə Bazarlarına Nəzarət Palatası, Vergilər Nazirliyi, Daxili İşlər Nazirliyi, Əmək və Əhalinin Sosial Müdafiəsi Nazirliyi

2017-2018

8.2. Maliyyə Monitorinqi Xidmətinin analitik informasiya sisteminin müasirləşdirilməsi üzrə tədbirlər görülməsi

Şübhəli əməliyyatların təhlilinin keyfiyyətini yüksəltmək məqsədilə Maliyyə Monitorinqi Xidmətində məlumatların effektiv qəbulu, emalı və təhlili üzrə proqram təminatının təkmilləşdirilməsi

İcraçı: Maliyyə Monitorinqi Xidməti

2017-2019

 

Maliyyə Monitorinqi Xidmətində analitik təhlil prosesində risk əsaslı yanaşmanın tətbiq olunması

İcraçı: Maliyyə Monitorinqi Xidməti

2017-2019

8.3. Maliyyə Monitorinqi Xidmətində şübhəli əməliyyatların təhlili prosesinin effektivliyinin yüksəldilməsi

Maliyyə Monitorinqi Xidmətinin taktiki və strateji təhlil funksiyası üzrə potensialının gücləndirilməsi üçün tədbirlər görülməsi

İcraçı: Maliyyə Monitorinqi Xidməti

2017-2019

 

Maliyyə Bazarlarına Nəzarət Palatasına monitorinq subyektlərindən daxil olan şübhəli əməliyyatlar barədə məlumatların keyfiyyətinə nəzarət və geriyə məlumatlandırma sisteminin qurulması üzrə tədbirlər görülməsi

İcraçılar: Maliyyə Bazarlarına Nəzarət Palatası, Maliyyə Nazirliyi, Ədliyyə Nazirliyi, Vergilər Nazirliyi

Tövsiyə edilir: Auditorlar Palatası, Vəkillər Kollegiyası

2017-2018

 

Maliyyə Bazarlarına Nəzarət Palatası tərəfindən hüquq mühafizə orqanlarına göndərilmiş məlumatların keyfiyyətinə nəzarət və geriyə məlumatlandırma sisteminin qurulması üzrə tədbirlər görülməsi

İcraçılar: Maliyyə Bazarlarına Nəzarət Palatası, Dövlət Təhlükəsizliyi Xidməti, Daxili İşlər Nazirliyi, Vergilər Nazirliyi, Dövlət Gömrük Komitəsi

Tövsiyə edilir: Baş Prokurorluq

2017-2018

8.4. Monitorinq rejimi üzrə əməliyyatların əhatə dairəsinin genişləndirilməsi və mərkəzləşdirilməsi üçün tədbirlər görülməsi

Azərbaycan Respublikasının banklarında açılmış hesablar üzrə mərkəzləşdirilmiş məlumat bazasının yaradılması üzrə tədbirlər görülməsi

İcraçı: Maliyyə Bazarlarına Nəzarət Palatası

Tövsiyə edilir: Mərkəzi Bank

2017-2018

 

Monitorinq subyektlərinin Maliyyə Monitorinqi Xidmətinin məlumat bazasına qoşulmasının təşviq edilməsi

İcraçılar: Maliyyə Monitorinqi Xidməti Maliyyə Bazarlarına Nəzarət Palatası, Maliyyə Nazirliyi, Ədliyyə Nazirliyi, Vergilər Nazirliyi

Tövsiyə edilir: Auditorlar Palatası, Vəkillər Kollegiyası

2017-2019

9. Cinayət statistikası bazasının təkmilləşdirilməsi

Cinayət işləri üzrə əhatəli və mərkəzləşdirilmiş statistik bazanın təkmilləşdirilməsi

Cinayət statistikası üzrə metodologiyanın təkmilləşdirilməsi ilə bağlı təkliflərin hazırlanması

İcraçılar: Maliyyə Bazarlarına Nəzarət Palatası, Dövlət Təhlükəsizliyi Xidməti, Daxili İşlər Nazirliyi, Vergilər Nazirliyi, Dövlət Gömrük Komitəsi, Ədliyyə Nazirliyi

Tövsiyə edilir: Baş Prokurorluq

2017

 

Cinayət işlərinin statistikası üzrə avtomatlaşdırılmış və mərkəzləşdirilmiş sistemin fəaliyyətinin təkmilləşdirilməsi üçün təkliflərin hazırlanması

İcraçılar: Nazirlər Kabineti, Daxili İşlər Nazirliyi, Dövlət Təhlükəsizliyi Xidməti, Vergilər Nazirliyi, Dövlət Gömrük Komitəsi, Dövlət Sərhəd Xidməti, Ədliyyə Nazirliyi, Maliyyə Bazarlarına Nəzarət Palatası

Tövsiyə edilir: Baş Prokurorluq, Ali Məhkəmə

2017-2018

 

Mərkəzləşmiş statistik bazadan istifadə qaydalarının müəyyənləşdirilməsi ilə bağlı təkliflərin hazırlanması

İcraçı: Nazirlər Kabineti

2018

10. PL/TM üzrə risklərin davamlı qiymətləndirilməsi

10.1. PL/TMM sahəsində risklərin davamlı risk qiymətləndirilməsi üçün tədbirlər görülməsi

PL/TM-ə qarşı mübarizə üzrə risk qiymətləndirilməsi üçün standart statistik formaların və göstəricilər sisteminin hazırlanması

İcraçı: Maliyyə Bazarlarına Nəzarət Palatası

2017-2018

 

PL/TM-ə qarşı mübarizə üzrə risk qiymətləndirmələrinin həyata keçirilməsi üzrə tədbirlər görülməsi

İcraçılar: Dövlət Təhlükəsizliyi Xidməti, Daxili İşlər Nazirliyi, Vergilər Nazirliyi, Dövlət Gömrük Komitəsi, Ədliyyə Nazirliyi, Maliyyə Nazirliyi, Vergilər Nazirliyi

Tövsiyə edilir: Baş Prokurorluq, Vəkillər Kollegiyası, Auditorlar Palatası

2017-2019

10.2. Maliyyə sektorunda PL/TM-ə qarşı mübarizə sahəsində nəzarət tədbirlərinin effektivliyinin gücləndirilməsi

Maliyyə sektorunda PL/TM-ə qarşı mübarizə üzrə risk əsaslı yoxlama planlarının hazırlanması və icrası

İcraçılar: Maliyyə Monitorinqi Xidməti Maliyyə Bazarlarına Nəzarət Palatası, Maliyyə Nazirliyi

2017-2019

 

PL/TM-ə qarşı mübarizə üzrə yoxlamaların effektivliyinin artırılması üzrə tədbirlər görülməsi

İcraçılar: Maliyyə Monitorinqi Xidməti Maliyyə Bazarlarına Nəzarət Palatası, Maliyyə Nazirliyi

2017-2019

 


İSTİFADƏ OLUNMUŞ MƏNBƏ SƏNƏDLƏRİNİN SİYAHISI

 

  1. 7 may 2018-ci il tarixli 57 nömrəli Azərbaycan Respublikası Prezidentinin Sərəncamı (“Xalq” qəzeti, 8 may 2018-ci il, № 103, Azərbaycan Respublikasının Qanunvericilik Toplusu, 2018-ci il, №5, maddə 996)
  2. 4 fevral 2019-cu il tarixli 926 nömrəli Azərbaycan Respublikası Prezidentinin Sərəncamı (“Xalq” qəzeti, 5 fevral 2019-cu il, № 28, Azərbaycan Respublikasının Qanunvericilik Toplusu, 2019-cu il, №2, maddə 257)

 

 

SƏRƏNCAMA EDİLMİŞ DƏYİŞİKLİK VƏ ƏLAVƏLƏRİN SİYAHISI

 



[1] 4 fevral 2019-cu il tarixli 926 nömrəli Azərbaycan Respublikası Prezidentinin Sərəncamı (“Xalq” qəzeti, 5 fevral 2019-cu il, № 28, Azərbaycan Respublikasının Qanunvericilik Toplusu, 2019-cu il, №2, maddə 257) ilə 2-ci hissədə “Maliyyə Bazarlarına Nəzarət Palatasına” sözləri “Maliyyə Monitorinqi Xidmətinə” sözləri ilə əvəz edilmişdir.

 

[2] 4 fevral 2019-cu il tarixli 926 nömrəli Azərbaycan Respublikası Prezidentinin Sərəncamı (“Xalq” qəzeti, 5 fevral 2019-cu il, № 28, Azərbaycan Respublikasının Qanunvericilik Toplusu, 2019-cu il, №2, maddə 257) ilə “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizəyə dair 2017–2019-cu illər üçün Milli Fəaliyyət Planı”nın 1.1-ci (üçüncü halda) və 2.8-ci bəndlərdə, 3-cü hissədə, 8.2-ci, 8.3-cü (birinci–üçüncü hallarda) və 8.4-cü bəndlərdə (ikinci halda) ismin müvafiq hallarında “Maliyyə Bazarlarına Nəzarət Palatası” sözləri ismin müvafiq hallarında “Maliyyə Monitorinqi Xidməti” sözləri ilə əvəz edilmişdir.

 

[3] 4 fevral 2019-cu il tarixli 926 nömrəli Azərbaycan Respublikası Prezidentinin Sərəncamı (“Xalq” qəzeti, 5 fevral 2019-cu il, № 28, Azərbaycan Respublikasının Qanunvericilik Toplusu, 2019-cu il, №2, maddə 257) ilə “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizəyə dair 2017–2019-cu illər üçün Milli Fəaliyyət Planı”nın 5-ci, 6-cı hissələrə, 7.1-ci (birinci halda), 8.4-cü (üçüncü halda) və 10.2-ci bəndlərə “Maliyyə Bazarlarına Nəzarət Palatası” sözlərindən əvvəl “Maliyyə Monitorinqi Xidməti” sözləri əlavə edilmişdir.

 

[4] 7 may 2018-ci il tarixli 57 nömrəli Azərbaycan Respublikası Prezidentinin Sərəncamı (“Xalq” qəzeti, 8 may 2018-ci il, № 103, Azərbaycan Respublikasının Qanunvericilik Toplusu, 2018-ci il, №5, maddə 996) ilə “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizəyə dair 2017–2019-cu illər üçün Milli Fəaliyyət Planı”nın 5.2-ci və 5.5-ci bəndlərində “Hüquqi şəxs olan monitorinq iştirakçılarına və monitorinqdə iştirak edən digər şəxslərə” sözləri “Monitorinq subyektlərinə” sözü ilə əvəz edilmişdir.

 

Müqayisə beta versiyadadır. Üzərində işlənilir.

Tarix
Versiyalar
Müqayisə
Növü
Sənədin adı
Nömrəsi
Əlaqə
Reyestr nömrəsi
Qəbul
edilmə tarixi
Status