“Təhsil haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2018-ci il 12 iyun tarixli 1189-VQD nömrəli Qanununun tətbiqi haqqında” Azərbaycan Respublikası Prezidentinin 2018-ci il 5 iyul tarixli 164 nömrəli Fərmanının 1.3-cü bəndinin icrasını təmin etmək məqsədi ilə “Azərbaycan Respublikasının Təhsil Nazirliyi haqqında Əsasnamə”nin 16-cı hissəsini rəhbər tutaraq Azərbaycan Respublikasının Təhsil Nazirliyinin Kollegiyası QƏRARA ALIR:

1. “Ali təhsil müəssisələrinin bakalavriat və magistratura səviyyələrində, tibb təhsilinin əsas tibb təhsili üzrə təhsilalanların köçürülməsi, xaric edilməsi, bərpa olunması və akademik məzuniyyət götürülməsinə dair Qaydalar”ın təsdiq edilməsi barədə” Azərbaycan Respublikası Təhsil Nazirliyinin Kollegiyasının 2017-ci il 15 noyabr tarixli 5/2 nömrəli qərarında aşağıdakı dəyişikliklər edilsin:

1.1. adında və 1-ci hissəsində “tibb təhsilinin əsas tibb təhsili üzrə” sözləri “əsas (baza ali) tibb təhsilində” sözləri ilə əvəz edilsin;

1.2. həmin qərarla təsdiq edilmiş “Ali təhsil müəssisələrinin bakalavriat və magistratura səviyyələrində, tibb təhsilinin əsas tibb təhsili üzrə təhsilalanların köçürülməsi, xaric edilməsi, bərpa olunması və akademik məzuniyyət götürülməsinə dair Qaydalar” üzrə:

1.2.1. adında, 1.1-ci, 1.4-cü, 2.3-cü bəndlərdə “tibb təhsilinin əsas tibb təhsili üzrə” sözləri “əsas (baza ali) tibb təhsilində” sözləri ilə əvəz edilsin;

1.2.2. 2.4-cü bənddə “baza ali” sözləri “əsas (baza ali)” sözləri ilə əvəz edilsin;

1.2.3. 4.1-ci bənddə “tibb təhsilinin əsas tibb təhsilində” sözləri “əsas (baza ali) tibb təhsilində” sözləri ilə əvəz edilsin.

2. Nazirliyin Hüquq şöbəsinə (A.Cəfərov) tapşırılsın ki, bu qərarın 3 gün müddətində Azərbaycan Respublikasının Hüquqi Aktların Dövlət Reyestrinə daxil edilməsi üçün Azərbaycan Respublikasının Ədliyyə Nazirliyinə göndərilməsini təmin etsin.

3. Qərarın icrasına nəzarət nazir müavini İdris İsayevə həvalə edilsin.