Bitki karantini sahəsində əməkdaşlıq haqqında Sazişə Azərbaycan Respublikasının qoşulması barədə

 Azərbaycan RESPUBLİKASININ Qanunu

 Azərbaycan Respublikasının Milli Məclisi qərara alır:

 1. Azərbaycan Respublikası Müstəqil Dövlətlər Birliyi iştirakçısı olan dövlətlərin Hökumət Başçıları Şurasının 1992-ci il noyabrın 13-də  Moskva şəhərində keçirilmiş iclasında imzalanmış «Bitki karantini sahəsində əməkdaşlıq haqqında» Sazişə aşağıdakı qeyd-şərtlə qoşulsun:

 «Azərbaycan Respublikası «Bitki karantini sahəsində əməkdaşlıq haqqında» Sazişi onun 4-cü maddəsində «Elmi-metodik rəhbərlik» sözləri  istisna və «Ümumrusiya bitki karantini elmi-tədqiqat institutu» sözlərindən sonra «müvafiq Tərəfin Hökuməti ilə razılaşdırmaqla» sözləri əlavə  olunmaqla tətbiq edəcəkdir».

 2. Bu Qanun dərc edildiyi gündən qüvvəyə minir.

Azərbaycan Respublikasının Prezidenti  Heydər ƏLİYEV

 Bakı şəhəri, 17 fevral 1998-ci il

                № 441-IQ