2005-ci ildə Rusiya Federasiyasında Azərbaycan Respublikası İlinin və 2006-cı ildə Azərbaycan Respublikasında Rusiya Federasiyası İlinin keçirilməsi haqqında

AZƏRBAYCAN RESPUBLİKASI PREZİDENTİNİN SƏRƏNCAMI

Azərbaycan Respublikası Prezidentinin 2004-cü il fevralın 6-7-də Rusiya Federasiyasına rəsmi səfəri zamanı 2005-ci ildə Rusiya Federasiyasında Azərbaycan Respublikası İlinin və 2006-cı ildə Azərbaycan Respublikasında Rusiya Federasiyası İlinin keçirilməsi haqqında əldə edilmiş razılaşmanın təmin olunması məqsədilə qərara alıram:

1. 2006-cı ildə Azərbaycan Respublikasında Rusiya Federasiyası İli keçirilsin.

2. 2005-ci ildə Rusiya Federasiyasında Azərbaycan Respublikası İlinin və 2006-cı ildə Azərbaycan Respublikasında Rusiya Federasiyası İlinin keçirilməsi üzrə aşağıdakı tərkibdə təşkilat komitəsi yaradılsın:

Artur Rasizadə                - Azərbaycan Respublikasının Baş naziri, sədr

Abbas Abbasov               - Azərbaycan Respublikası Baş nazirinin birinci müavini

Hacıbala Abutalıbov       - Bakı Şəhəri İcra Hakimiyyətinin başçısı

Elmar Məmmədyarov     - Azərbaycan Respublikasının xarici işlər naziri

Fərhad Əliyev                  - Azərbaycan Respublikasının iqtisadi inkişaf naziri

Misir Mərdanov              - Azərbaycan Respublikasının təhsil naziri

Polad Bülbüloğlu            - Azərbaycan Respublikasının mədəniyyət naziri

Əbülfəz Qarayev             - Azərbaycan Respublikasının gənclər, idman və turizm naziri

Kəmaləddin Heydərov    - Azərbaycan Respublikası Dövlət Gömrük Komitəsinin sədri

Nazim İbrahimov           - Azərbaycan Respublikası Xarici Ölkələrdə Yaşayan Azərbaycanlılarla İş üzrə Dövlət Komitəsinin sədri

Nizami Xudiyev              - Azərbaycan Respublikası Dövlət Televiziya və Radio Verilişləri Şirkətinin sədri

Ramiz Rizayev                - Azərbaycan Respublikasının Rusiya Federasiyasında fövqəladə və səlahiyyətli səfiri

Anar Rzayev                    - Azərbaycan Yazıçılar Birliyinin sədri

3. Təşkilat komitəsi iki ay müddətində 2005-ci ildə Rusiya Federasiyasında Azərbaycan Respublikası İlinin və 2006-cı ildə Azərbaycan Respublikasında Rusiya Federasiyası İlinin keçirilməsi ilə əlaqədar təklifləri Azərbaycan Respublikasının Prezidentinə təqdim etsin və Rusiya tərəfi ilə birgə keçiriləcək tədbirləri müvafiq qaydada razılaşdırsın.

İlham ƏLİYEV,
Azərbaycan Respublikasının Prezidenti

Bakı şəhəri, 11 avqust 2004-cü il
№ 352