Azərbaycan Respublikasının bəzi qanunlarında dəyişikliklər edilməsi barədə

AZƏRBAYCAN RESPUBLİKASININ QANUNU

Azərbaycan Respublikasının Milli Məclisi qərara alır:

I. Azərbaycan Respublikasının 1997-ci il 4 noyabr tarixli 390-IQ nömrəli Qanunu ilə təsdiq edilmiş "Azərbaycan Respublikası Silahlı Qüvvələri Hərbi hissəsinin Döyüş Bayrağı haqqında Əsasnamə"nin (Azərbaycan Respublikasının Qanunvericilik Toplusu, 1998-ci il, № 2, maddə 61) 2-ci bəndində "Fərmana" sözü "təqdimata" sözü ilə əvəz edilsin.

II.  Azərbaycan Respublikasının 1994-cü il 23 sentyabr tarixli 887 nömrəli Qanunu ilə təsdiq edilmiş Azərbaycan Respublikası Silahlı Qüvvələrinin Daxili Xidmət Nizamnaməsinin (Azərbaycan Respublikası Ali Sovetinin Məlumatı, 1995-ci il, N? 22, maddə 364) 16 nömrəli əlavəsində "Fərman" sözü ismin müvafiq hallarında "təqdimat" sözü ilə əvəz edilsin.

III. Azərbaycan Respublikasının Təhsil Qanununun (Azərbaycan Respublikası Ali Sovetinin Məlumatı, 1992-ci il, № 24, maddə 1031; 1994-cü il, № 16, maddə 216; 1995-ci il, № 7, maddə 123; Azərbaycan Respublikasının Qanunvericilik Toplusu, 1997-ci il, № 3, maddə 226, № 4, maddələr 287, 294, № 6, maddə 450; 1998-ci il, № 1, maddə 16; 1999-cu il, № 5, maddələr 285, 286; 2001-ci il, № 3, maddə 138, N2 11, maddə 672, № 12, maddələr 731, 736; 2003-cü il, № 1, maddə 1; Azərbaycan Respublikasının 2004-cü il 9 mart tarixli 603-IIQD nömrəli Qanunu) 21-ci maddəsində aşağıdakı dəyişikliklər edilsin:

1)   dördüncü hissə aşağıdakı redaksiyada verilsin:

"Ali və orta ixtisas təhsili müəssisələrinə tələbə qəbulu müvafiq icra hakimiyyəti orqanı tərəfindən müəyyən edilən qaydada həyata keçirilir.".

2)   altıncı hissə aşağıdakı redaksiyada verilsin:

"Ali və orta ixtisas təhsili müəssisələrinə qəbul olunmaq üçün minimal keçid balı müvafiq icra hakimiyyəti orqanı tərəfindən müəyyən edilir.".

IV. Azərbaycan Respublikasının Mülki Məcəlləsinin (Azərbaycan Respublikasının Qanunvericilik Toplusu, 2000-ci il, № 4 (I kitab), maddə 250, № 5, maddə 323; 2002-ci il, № 12, maddə 709; 2003-cü il, № 8, maddə 420; Azərbaycan Respublikasının 2003-cü il 23 dekabr tarixli 566-IIQD nömrəli Qanunu) 157.9-cu maddəsinə "hallarda" sözündən sonra "yolların və digər kommunikasiya xətlərinin çəkilməsi, sərhəd zolağının müəyyən edilməsi və ya müdafiə əhəmiyyətli obyektlərin tikilməsi məqsədilə müvafiq dövlət orqanı tərəfindən" sözləri əlavə edilsin.

V.  Azərbaycan Respublikasının Torpaq Məcəlləsinin (Azərbaycan Respublikasının Qanunvericilik Toplusu, 1999-cu il, № 8, maddə 478, 2001-ci il, № 12, maddə 736; 2002-ci il, № 5, maddələr 237, 241; 2003-cü il, № 1, maddə 11, № 6, maddə 256, № 8, maddə 423; Azərbaycan Respublikasının 2004-cü il 13 yanvar tarixli 587-IIQD nömrəli Qanunu) 73-cü maddəsinin 1-ci bəndinin on birinci abzasında "məhkəmə tərəfindən" sözləri "qanunla" sözü ilə əvəz edilsin, 84-cü maddəsinin 5-ci bəndinə "şəxsə" sözündən sonra "istifadəyə" sözü və həmin bəndə aşağıdakı məzmunda ikinci cümlə əlavə edilsin:

"Hüquqi və ya fiziki şəxslərin mülkiyyətində olan və onlara icarəyə verilmiş torpaq sahələrinin dövlət və ictimai ehtiyaclar üçün özgəninkiləşdirilməsi şərtləri və hallan Azərbaycan Respublikasının Mülki Məcəlləsi ilə tənzimlənir".

İlham ƏLİYEV,

 Azərbaycan Respublikasının prezidenti

Bakı şəhəri, 1 iyun 2004-cü il

№ 677-IIQD