Hüquqi şəxslərin dövlət reyestrinin aparılması, istifadəsi və mühafizəsi Qaydaları”nın, habelə hüquqi şəxslərin dövlət qeydiyyatı və dövlət reyestrinin aparılması ilə bağlı sənədlərin təsdiq edilməsi haqqında [1]

 

AZƏRBAYCAN RESPUBLİKASI NAZİRLƏR KABİNETİNİN QƏRARI

 

“Hüquqi şəxslərin dövlət qeydiyyatı və dövlət reyestri haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2004-cü il 12 aprel tarixli, 48 nömrəli Fərmanının 1.4-cü bəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alır:

1. “Hüquqi şəxslərin dövlət reyestrinin aparılması, istifadəsi və mühafizəsi Qaydaları”, “Qeyri-kommersiya hüquqi şəxslərinin dövlət qeydiyyatı haqqında şəhadətnamə”, “Qeyri-kommersiya hüquqi şəxsinin adında edilmiş dəyişikliyin dövlət qeydiyyatı haqqında şəhadətnamə”, “Xarici qeyri-kommersiya hüquqi şəxsinin nümayəndəliyinin dövlət qeydiyyatı haqqında şəhadətnamə”, “Xarici qeyri-kommersiya hüquqi şəxsinin filialının dövlət qeydiyyatı haqqında şəhadətnamə”, “Xarici qeyri-kommersiya hüquqi şəxsinin nümayəndəliyinin adında edilmiş dəyişikliyin dövlət qeydiyyatı haqqında şəhadətnamə”, “Xarici qeyri-kommersiya hüquqi şəxsinin filialının adında edilmiş dəyişikliyin dövlət qeydiyyatı haqqında şəhadətnamə”, “Qeyri-kommersiya qurumlarının dövlət reyestrindən çıxarışın forması və çıxarışda göstərilən məlumatların həcmi”, “Qeyri-kommersiya qurumlarının dövlət qeydiyyatına alınması barədə ərizənin forması”, “Kommersiya hüquqi şəxslərinin dövlət reyestr kitabı”, “Xarici kommersiya hüquqi şəxslərinin filial və nümayəndəliklərinin dövlət reyestr kitabı”, “Publik hüquqi şəxslərin dövlət reyestr kitabı”, “Qeyri-kommersiya hüquqi şəxslərinin dövlət reyestr kitabı” və “Xarici qeyri-kommersiya hüquqi şəxslərinin filial və nümayəndəliklərinin dövlət reyestr kitabı” təsdiq edilsin (əlavə olunur). [2]

1-1. Bu Qərarda dəyişiklik Azərbaycan Respublikası Prezidentinin 2002-ci il 24 avqust tarixli 772 nömrəli Fərmanı ilə təsdiq edilmiş “İcra hakimiyyəti orqanlarının normativ hüquqi aktlarının hazırlanması və qəbul edilməsi qaydası haqqında Əsasnamə”nin 2.6-1-ci bəndinə uyğun edilə bilər. [3]

2. Bu qərar dərc olunduğu gündən qüvvəyə minir.

 

Azərbaycan Respublikasının Baş naziri  A. RASİZADƏ

 

Bakı şəhəri, 13 aprel 2005-ci il

      № 70

 

 

 

 

Hüquqi şəxslərin dövlət reyestrinin aparılması, istifadəsi və mühafizəsi

 

QAYDALARI

 

1. Ümumi müddəalar

 

1.1. Bu Qaydalar “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2004-cü il 12 aprel tarixli, 48 nömrəli Fərmanına uyğun olaraq hazırlanmışdır və kommersiya, qeyri-kommersiya və publik hüquqi şəxslərin, dini qurumların, xarici hüquqi şəxslərin nümayəndəlik və filiallarının (bundan sonra - qurum), həmçinin Azərbaycan Respublikasının ərazisində dövlət qeydiyyatına alınmış hüquqi şəxsin nümayəndəliyi və ya filialı, habelə digər qurumların dövlət reyestrinin (bundan sonra - dövlət reyestri) aparılması, istifadəsi və mühafizəsi qaydalarını müəyyən edir. [4]

1.2. Azərbaycan Respublikasının ərazisində hüquqi şəxslərin dövlət qeydiyyatını həyata keçirən orqanlar qarşılıqlı əlaqədə və vəhdətdə fəaliyyət göstərirlər. [5]

1.3. Hüquqi şəxslərin dövlət reyestri "Hüquqi şəxslərin dövlət qeydiyyatı və dövlət reyestri haqqında" Azərbaycan Respublikasının Qanununa, Azərbaycan Respublikası Prezidentinin "Hüquqi şəxslərin dövlət qeydiyyatı və dövlət reyestri haqqında" Azərbaycan Respublikası Qanununun tətbiq edilməsi barədə" 2004-cü il 12 aprel tarixli 48 nömrəli, "Azərbaycan Respublikası Prezidentinin hüquqi şəxslərin dövlət qeydiyyatı ilə bağlı bəzi fərmanlarına dəyişikliklər edilməsi və bəzi fərmanlarının qüvvədən düşmüş hesab edilməsi barədə" 2004-cü il 2 dekabr tarixli 149 nömrəli və "Sahibkarlıq fəaliyyəti subyektlərinin dövlət qeydiyyatının "bir pəncərə" prinsipinə uyğun təşkili ilə əlaqədar Azərbaycan Respublikasının bəzi qanunvericilik aktlarına dəyişikliklər və əlavələr edilməsi barədə" Azərbaycan Respublikası Qanununun tətbiq edilməsi haqqında" 2008-ci il 20 fevral tarixli 713 nömrəli fərmanlarına, bu Qaydalara və digər normativ hüquqi aktlara uyğun olaraq aşağıdakı orqanlar tərəfindən aparılır:

1.3.1. qeyri-kommersiya hüquqi şəxslərinin, xarici qeyri-kommersiya hüquqi şəxslərinin filial və nümayəndəliklərinin, habelə təhsil müəssisələrinin dövlət reyestri Azərbaycan Respublikası Ədliyyə Nazirliyinin müəyyən etdiyi bölgü üzrə Azərbaycan Respublikasının Ədliyyə Nazirliyi, Azərbaycan Respublikası Ədliyyə Nazirliyinin rayon (şəhər) qeydiyyat şöbələri, Naxçıvan Muxtar Respublikasının ərazisində təsis edilən siyasi partiyalar, xarici ölkələrin qeyri-hökumət təşkilatlarının filial və nümayəndəlikləri istisna olmaqla, digər qeyri-kommersiya qurumlarının və təhsil müəssisələrinin dövlət reyestri Naxçıvan Muxtar Respublikasının Ədliyyə Nazirliyi tərəfindən aparılır; [6]

1.3.2. kommersiya hüquqi şəxslərinin, xarici kommersiya hüquqi şəxslərinin filial və nümayəndəliklərinin və publik hüquqi şəxslərin dövlət reyestri Azərbaycan Respublikasının İqtisadiyyat Nazirliyi yanında Dövlət Vergi Xidmətinin müəyyən etdiyi bölgü üzrə həmin Xidmətin strukturuna daxil olan qurumların, habelə Naxçıvan Muxtar Respublikası Dövlət Vergi Xidmətinin bu Qaydalara uyğun tərtib etdikləri reyestrlərin məlumatları əsasında Azərbaycan Respublikasının İqtisadiyyat Nazirliyi yanında Dövlət Vergi Xidmətinin informasiya sistemində elektron daşıyıcılarda mərkəzləşdirilmiş qaydada tərtib edilir; [7]

1.3.3. dini qurumların dövlət reyestri Azərbaycan Respublikasının Dini Qurumlarla İş üzrə Dövlət Komitəsi və Naxçıvan Muxtar Respublikasının Dini Qurumlarla İş üzrə İdarəsi tərəfindən aparılır. [8]

1.4. Qeyri-kommersiya hüquqi şəxslərinin, habelə təhsil müəssisələrinin dövlət reyestri (bundan sonra - qeyri-kommersiya hüquqi şəxslərinin dövlət reyestri) Azərbaycan Respublikasının Ədliyyə Nazirliyi və Azərbaycan Respublikası Ədliyyə Nazirliyinin rayon (şəhər) qeydiyyat şöbələri, Azərbaycan Respublikasının Dini Qurumlarla İş üzrə Dövlət Komitəsi və Naxçıvan Muxtar Respublikasının Ədliyyə Nazirliyi tərəfindən öz səlahiyyətləri daxilində aparılır. [9]

1.5. Kommersiya hüquqi şəxslərinin dövlət reyestri (bundan sonra — dövlət reyestri) dövlət qeydiyyatına alınmış şəxslər barəsində Azərbaycan Respublikasının Vergilər Nazirliyinə bilavasitə tabe olan vergi orqanlarının öz səlahiyyətləri daxilində bu Qaydalara uyğun tərtib etdikləri reyestrlərin məlumatları əsasında Azərbaycan Respublikasının Vergilər Nazirliyinin informasiya sistemində elektron daşıyıcılarda mərkəzləşdirilmiş qaydada tərtib edilir. [10]

1.6. Vahid dövlət reyestri Azərbaycan Respublikasının vahid informasiya ehtiyatıdır və qeydiyyat orqanları informasiya ehtiyatının mühafizəsini və qanunla müəyyən edilmiş qaydada istifadəsini təmin edirlər. [11]

1.7. Hüquqi şəxslərin dövlət reyestri Azərbaycan Respublikasının dövlət mülkiyyətindədir.

 

2. Dövlət reyestrinin əsas prinsipləri

 

2.1. “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikası Qanununun 12-ci maddəsinə uyğun olaraq dövlət reyestrinin əsas prinsipləri aşağıdakılardır:

2.1.1. dövlət reyestri vahiddir; [12]

2.1.2. dövlət reyestri vahid forma, metod və prinsiplər əsasında aparılır, kağız və elektron daşıyıcılarda tərtib edilir.

2.2. Dövlət reyestrinin elektron daşıyıcılarda tərtib edilməsi vahid təşkilati, metodoloji və texniki-proqram prinsiplərinin tətbiqinə əsaslanır və dövlətin digər informasiya sistemləri və şəbəkələri ilə onun qarşılıqlı əlaqədə və vəhdətdə fəaliyyət göstərməsi təmin edilir. [13]

2.3. Dövlət reyestri aşağıdakılardan ibarətdir:

2.3.1. qurumların təşkili, qeydiyyatı, yenidən təşkili, məhkəmənin yekun qərarı ilə cinayət-hüquqi tədbir qismində hüquqi şəxsin müəyyən fəaliyyətlə məşğul olma hüququndan məhrum edilməsi, ləğvetmə prosesində olması, ləğv edilməsi, eləcə də siyasi partiyaların, həmkarlar ittifaqlarının, qeyri-hökumət təşkilatlarının və xarici qeyri-hökumət təşkilatının filial və ya nümayəndəliyinin fəaliyyətinin dayandırılması və bərpası barədə məlumatlar; [14]

2.3.1-1. Azərbaycan Respublikasında xarici dövlətlərin qeyri-hökumət təşkilatlarının filial və ya nümayəndəliklərinin dövlət qeydiyyatı ilə əlaqədar bağlanmış sazişin (bundan sonra - Saziş) qüvvədə olma müddəti barədə məlumat; [15]

2.3.2. təsis sənədlərində dəyişikliklərin edilməsi və qeydə alınmış faktların hər bir sonrakı dəyişikliyi barədə məlumatlar; [16]

2.3.3. Azərbaycan Respublikasının ərazisində dövlət qeydiyyatına alınmış hüquqi şəxsin nümayəndəliyi və ya filialı, habelə digər qurumları barədə məlumatlar;

2.3.3-1. ləğv edilmiş qeyri-hökumət təşkilatlarının və xarici dövlətlərin qeyri-hökumət təşkilatlarının filial və nümayəndəliklərinin əmlak məsələlərinin Azərbaycan Respublikasının Mülki Məcəlləsində nəzərdə tutulmuş qaydada həll olunması, quruma edilmiş xəbərdarlıqlar, verilmiş göstərişlər və onların icrası barədə, habelə fəaliyyətinin dayandırılması və bərpası barədə məlumatlar; [17]

2.3.3-2. ləğv edilmiş dini qurumların əmlak məsələlərinin Azərbaycan Respublikasının Mülki Məcəlləsində nəzərdə tutulmuş qaydada həll olunması barədə məlumatlar (sənədlər); [18]

2.3.4. qanunvericiliklə müəyyən edilmiş və saxlanmaq üçün qeydiyyat orqanına təqdim edilmiş sənədlər toplusu.

2.3.5. elektron informasiya, habelə kommersiya və qeyri-kommersiya qurumlarına, publik hüquqi şəxslərə dair kağız daşıyıcılarda olan məlumatlar. [19]

2.4. Kommersiya, qeyri-kommersiya qurumlarının və publik hüquqi şəxslərin reyestr məlumatlarının daşıyıcıları olan dövlət reyestr kitabları, “Reyestrdə dəyişiklik edilməsi barədə müraciətlər” kitabları, “Arxiv sənədlərinin uçotu” kitabları və əvvəllər başqa orqanlarda qeydiyyata alınmış qurumların uçot kitabları da dövlət reyestrinin tərkibinə daxil edilir. [20]

2.5. Elektron informasiya daşıyıcıları dövlət reyestrinin tərkib hissəsidir.

2.6. Dövlət reyestri illər üzrə və Azərbaycan Respublikasının hər bir inzibati ərazi vahidi (rayon və ya şəhər) üzrə aparılır. Kommersiya və qeyri-kommersiya hüquqi şəxslərin reyestri ayrı-ayrılıqda aparılır.

Azərbaycan Respublikası Ədliyyə Nazirliyinin qərarı ilə qeyri-kommersiya hüquqi şəxslərinin və təhsil müəssisələrinin dövlət reyestri digər meyarlar üzrə də aparıla bilər. [21]

2.7. Dövlət qeydiyyatının ərazi aidiyyəti qurumun hüquqi ünvanı əsasında müəyyən edilir.

 

3. Dövlət reyestrinə daxil edilən məlumatlar

 

3.1. Azərbaycan Respublikası Mülki Məcəlləsinin 130.1-ci maddəsinə və “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikası Qanununun 14-cü maddəsinə əsasən dövlət reyestrində aparılan yazıda reyestrə daxil edilmiş qurumlar barədə aşağıdakı məlumatlar əks etdirilməlidir: [22]

3.1.1. qurumun adı (firma);

3.1.2. qurumun hüquqi ünvanı (daimi fəaliyyət göstərən orqanının, siyasi partiyada rəhbər orqanlarının qərargahının yerləşdiyi yerə dair məlumat); [23]

3.1.3. qurumun təşkilati-hüquqi forması;

3.1.4. maliyyə ili;

3.1.5. vergi ödəyicisinin eyniləşdirmə nömrəsi (kommersiya qurumları və publik hüquqi şəxslər üçün), qeyri-kommersiya qurumunun və təhsil müəssisəsinin qeydiyyat nömrəsi; [24]

3.1.6. qurumun hər bir təsisçisinin adı, soyadı, atasının adı, vətəndaşlığı və yaşayış yeri; təsisçi hüquqi şəxsdirsə, onun adı, hüquqi ünvanı və qeydiyyatı, təsisçi dövlətdirsə, təsisetmə səlahiyyəti verilmiş dövlət orqanının adı, hüquqi ünvanı, vergi ödəyicisinin eyniləşdirmə nömrəsi (olduğu halda), təsisçi bələdiyyədirsə, bələdiyyənin adı, hüquqi ünvanı, vergi ödəyicisinin eyniləşdirmə nömrəsi haqqında məlumatlar; [25]

3.1.7. qurumun hər bir qanuni təmsilçisinin adı, soyadı, atasının adı, vətəndaşlığı və yaşayış yeri;

3.1.8. hüquqi şəxsin Azərbaycan Respublikasının ərazisində və ya Azərbaycan Respublikasının hüdudlarından kənarda yaratdığı qurumların olduğu yer, təşkilati-hüquqi forması və qeydiyyatı haqqında məlumatlar;

3.1.8-1. qurum barəsində müəyyən fəaliyyətlə məşğul olma hüququndan məhrum etmə növündə cinayət-hüquqi tədbirin tətbiq edilməsi haqqında məhkəmənin yekun qərarına dair məlumat; [26]

3.1.9. hüquqi şəxsin əmlakının, təsisçilərin paylarının yüklülüyü;

3.1.10. qurumun ləğvetmə prosesində olması;

3.1.10-1. hüquqi şəxsin yenidən təşkil edilməsinin, yaxud ləğv olunmasının qadağan edilməsi, habelə hüquqi şəxsi müəyyən fəaliyyətlə məşğul olma hüququndan məhrum etmə növündə cinayət-hüquqi tədbirlərin tətbiq edilməsi ilə bağlı məlumatlar; [27]

3.1.11. ləğvetmə prosesinin ümumi müddətinin keçməsi ilə əlaqədar ləğvetmə prosesinə yenidən başlanılması; [28]

3.1.12. qurumun ləğv edilməsi; [29]

3.1.13. təsis sənədlərinə edilən hər bir dəyişiklik və qeydə alınmış faktların hər bir sonrakı dəyişikliyi. [30]

3.2. Dövlət reyestrində bu Qaydaların 3.1-ci bəndində və “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikası Qanununun 14.2-ci maddəsində nəzərdə tutulmuş məlumatlardan əlavə, hüquqi şəxsin təşkilati-hüquqi formasından asılı olaraq aşağıdakı məlumatlar göstərilməlidir:

3.2.1. kommandit ortaqlığında — hər bir kommanditçinin mayasının miqdarı;

3.2.2. məhdud məsuliyyətli cəmiyyətdə və ya səhmdar cəmiyyətində — nizamnamə kapitalının miqdarı, hər bir təsisçinin mayasının miqdarı, direktorlar şurası (müşahidə şurası) yaradıldığı halda, onun hər bir üzvünün adı, soyadı, atasının adı və yaşayış yeri; [31]

3.2.2-1. publik hüquqi şəxsdə - nizamnamə fondunun miqdarı, təsisçi (təsisçilər) tərəfindən verilmiş əmlakın miqdarı, direktorlar şurası (müşahidə şurası) yaradıldığı halda, onun hər bir üzvünün adı, soyadı, atasının adı və yaşayış yeri; [32]

3.2.3. qeyri-kommersiya təşkilatlarında - fəaliyyət predmeti və məqsədləri, fəaliyyət ərazisi, fəaliyyətinin dayandırılması və bərpa edilməsi qurumun əcnəbi və ya vətəndaşlığı olmayan şəxs olan təsisçisinin (təsisçilərinin) daimi yaşamaq üçün icazə müddətinin bitməsi tarixi; [33]

3.2.3-1. dini qurumların mənsub olduğu dini konfessiya haqqında məlumatlar, ləğv edilmiş dini qurumların əmlak məsələlərinin Azərbaycan Respublikasının Mülki Məcəlləsində nəzərdə tutulmuş qaydada həll olunması barədə məlumatlar (sənədlər); [34]

3.2.3-2. qeyri-hökumət təşkilatlarında - ictimai birliyin üzvlərinin sayı, icra orqanlarının tərkibi və səlahiyyət müddəti, qurumun əcnəbi və ya vətəndaşlığı olmayan şəxs olan qanuni təmsilçisinin (təmsilçilərinin) daimi yaşamaq üçün icazə müddətinin bitməsi tarixi ləğv edilmiş qurumun əmlak məsələlərinin Azərbaycan Respublikasının Mülki Məcəlləsində nəzərdə tutulmuş qaydada həll olunması, quruma edilmiş xəbərdarlıqlar, verilmiş göstərişlər və onların icrası barədə, habelə fəaliyyətinin dayandırılması və bərpası barədə məlumatlar; [35]

3.2.3-3. fondlarda - himayəçilər şurasının üzvləri, fondun nizamnamə kapitalının və təsisçilərin əmlak paylarının həcmi;

3.2.3-4. xarici qeyri-hökumət təşkilatlarının filial və ya nümayəndəliklərində - Azərbaycan Respublikasında filial və ya nümayəndəliyi olan xarici qeyri-hökumət təşkilatının təsisçiləri, habelə filial və ya nümayəndəliyin icra orqanlarının tərkibi və səlahiyyət müddəti, qurumun əcnəbi və ya vətəndaşlığı olmayan şəxs olan qanuni təmsilçisinin (təmsilçilərinin) daimi yaşamaq üçün icazə müddətinin bitməsi tarixi rəhbərinin müavininin adı, soyadı, atasının adı, vətəndaşlığı, yaşayış yeri, səlahiyyət müddəti, ləğv edilmiş qurumun əmlak məsələlərinin Azərbaycan Respublikasının Mülki Məcəlləsində nəzərdə tutulmuş qaydada həll olunması, quruma edilmiş xəbərdarlıqlar, verilmiş göstərişlər və onların icrası, habelə fəaliyyətinin dayandırılması (tarixi və müddəti) və bərpası (tarixi) barədə məlumatlar; [36]

3.2.4. təhsil müəssisələrində - mülkiyyət növü, ali idarəetmə orqanının üzvləri, kommersiya hüquqi şəxsi olan təhsil müəssisəsində nizamnamə kapitalı və təsisçilərin əmlak paylarının miqdarı haqqında məlumatlar; [37]

3.2.5. Sazişin qüvvədə olma müddəti barədə məlumat. [38]

 

4. Dövlət reyestrinin aparılması

 

4.1. Qurumlar barədə məlumatlar aşağıdakılar mövcud olduqda dövlət reyestrinə daxil edilir:

4.1.1. qurumlar qanunvericiliyə uyğun olaraq dövlət qeydiyyatına alındıqda;

4.1.2. qurumun dövlət qeydiyyatına alınması barədə məhkəmənin qərarı olduqda;

4.1.3. quruma qanunvericiliklə müəyyən edilmiş müddətdə dövlət qeydiyyatına alınmasından imtina barədə cavab verilmədikdə.

4.2. Qeyri-kommersiya qurumlarının və təhsil müəssisələrinin Qeydiyyat (reyestr) məlumatları qeyri-kommersiya qurumlarının dövlət reyestr kitablarında yazılır. Qeyri-kommersiya qurumlarının dövlət reyestr kitabları kağız və elektron variantda tərtib edilir. [39]

4.2-1. Kommersiya qurumlarının, publik hüquqi şəxslərin qeydiyyat (reyestr) məlumatları AVİS-ə işlənilməklə, məlumat bazasına daxil edilir. Məlumatlar elektron daşıyıcılardan emal edilir və sistem tərəfindən dövlət qeydiyyatı nömrəsi (vergi ödəyicisinin eyniləşdirmə nömrəsi) verilir. Kommersiya qurumlarının və publik hüquqi şəxslərin dövlət reyestr kitablarının kağız variantı qeydiyyat məlumatlarının elektron daşıyıcılardan kağız üzərinə çap edilərək, xüsusi kitablara tikilməklə aparılır. Kommersiya qurumlarının, publik hüquqi şəxslərin dövlət qeydiyyatı və qeydiyyat məlumatlarının dəyişdirilməsi zamanı dövlət reyestr kitabına həmin dəyişikliyi özündə əks etdirən yeni səhifə əlavə edilir. [40]

4.3. Qeyri-kommersiya qurumlarının və təhsil müəssisələrinin dövlət reyestr kitabları kağız daşıyıcısı üzərinə parça yapışdırılmış qalın karton üzlü, qalın və keyfiyyətli kağızda, möhkəm cildlənmiş vəziyyətdə 34x27 sm ölçüdə tərtib edilir, qaytanlanır və möhürlənir. [41]

4.4. Qeyri-kommersiya qurumlarının və təhsil müəssisələrinin Hər bir reyestr kitabı il tamam olduqda bağlanır və növbəti il üçün yeni kitab tərtib edilir. [42]

4.4-1. Kommersiya qurumları və publik hüquqi şəxslər üzrə hər reyestr kitabına sayı 50-dən az olmayan kommersiya qurumuna və publik hüquqi şəxsə aid məlumatlar yığılır. Qurumların sayı çox olduqda, informasiya sistemində verilmiş nömrəyə uyğun yeni kitab açılır. [43]

4.5. Kommersiya hüquqi şəxslərin Dövlət reyestr kitabı hər bir quruma dair və hər biri 4 səhifə olan 2 bölmədən ibarətdir (1-ci bölmə “Ümumi məlumatlar”, 2-ci bölmə “Təsisçilər, paylar, nizamnamə kapitalı” adlanır). qeyri-kommersiya qurumlarının və təhsil müəssisələrinin dövlət reyestr kitabları hər bir quruma dair hər biri 2 səhifədən ibarət olan 2 hissədən ibarətdir (1-ci hissə “Ümumi məlumatlar”, 2-ci hissə “Məqsədi, əmlak vəziyyəti” adlanır). Xarici qeyri-kommersiya hüquqi şəxslərinin filial və nümayəndəliklərinin dövlət reyestr kitablarında hər bir quruma 4 səhifə ayrılır. Reyestr kitablarının sonunda 4 səhifə xüsusi qeydlər üçün nəzərdə tutulur. [44]

4.6. Qeyri-kommersiya qurumlarının və təhsil müəssisələrinin dövlət reyestr kitablarının Hər səhifənin sağ yuxarı hissəsində qeydiyyat (reyestr) nömrəsi, qurumun dövlət qeydiyyatının tarixi və səhifənin sıra nömrəsi göstərilir. [45]

4.6-1. Kommersiya qurumlarının və publik hüquqi şəxslərin dövlət reyestr kitablarının hər səhifəsinin yuxarı sağ hissəsində “Qeydiyyat nömrəsi (VÖEN)”, “Kitab nömrəsi” və “Kitabdakı sıra nömrəsi” göstərilir. Bu məlumatlar informasiya sistemində müəyyən edilərək, kitabın müvafiq vərəqində çap edilir. [46]

4.7. Qeyri-kommersiya qurumlarının və təhsil müəssisələrinin dövlət reyestr kitablarının üstündə Dövlət reyestr kitabının kodu (nömrəsi), reyestrin aparıldığı il və reyestrin başlanğıc və son sayını göstərən rəqəmlər göstərilməlidir (misal üçün, C1, 2004, Reyestr № 1-50). [47]

4.8. Qeyri-kommersiya qurumlarının və təhsil müəssisələrinin dövlət reyestr kitablarında yol verilmiş səhvlər yeni qeyd etməklə aradan qaldırılır. Bu halda qüvvəsini itirməli olan qeydin üstündən xətt çəkilir və bu qaydalara uyğun yeni qeydlər edilir. Yeni qeyddə qüvvəsini itirmiş yazıya istinad edilməlidir. [48]

4.8-1. Kommersiya qurumlarının və publik hüquqi şəxslərin dövlət reyestr kitablarında yol verilmiş səhvlər informasiya sistemində düzəliş etməklə aradan qaldırılır. [49]

4.9. Dövlət reyestr kitablarının tətbiq edilməsi məsələləri ilə bağlı dövlət qeydiyyat orqanlarına metodiki rəhbərliyi qeyri-kommersiya qurumları və təhsil müəssisələri üzrə Azərbaycan Respublikasının Ədliyyə Nazirliyi, kommersiya qurumları və publik hüquqi şəxslər üzrə Azərbaycan Respublikasının İqtisadiyyat Nazirliyi yanında Dövlət Vergi Xidməti, dini qurumlar üzrə Azərbaycan Respublikasının Dini Qurumlarla İş üzrə Dövlət Komitəsi həyata keçirirlər. [50]

4.10. Qeyri-kommersiya qurumlarının və təhsil müəssisələrinin dövlət reyestr kitablarının hər sütununda qeydə alınmalı faktlar aşağıdakı qaydada kodlaşdırılır:

[51] A) adı; B) təşkilati-hüquqi forması; C) hüquqi ünvanı; M) maliyyə ili; R) fəaliyyət ərazisi; V) hüquqi varislik: F) hüquqi şəxsin təsisçiliyi ilə yaradılmış filial, nümayəndəliklər və digər qurumlar haqqında məlumatlar; L) ləğv edilməsi; CM) qurum barəsində müəyyən fəaliyyətlə məşğul olma hüququndan məhrum etmə növündə cinayət-hüquqi tədbirin tətbiq edilməsi haqqında məhkəmənin yekun qərarına dair məlumat; CQ) hüquqi şəxsin yenidən təşkil edilməsinin, yaxud ləğv olunmasının qadağan edilməsi, habelə hüquqi şəxsi müəyyən fəaliyyətlə məşğul olma hüququndan məhrum etmə növündə cinayət-hüquqi tədbirlərin tətbiq edilməsi ilə bağlı məlumatlar; FD) qeyri-kommersiya təşkilatlarında və xarici qeyri-hökumət təşkilatlarının filial və ya nümayəndəliklərində - fəaliyyətinin dayandırılması və bərpası haqqında məlumatlar; XG) qeyri-hökumət təşkilatlarında və xarici qeyri-hökumət təşkilatlarının filial və ya nümayəndəliklərində - quruma edilmiş xəbərdarlıqlar, verilmiş göstərişlər və onların icrası haqqında məlumatlar; ÜS) qeyri-hökumət təşkilatlarında - ictimai birliyin üzvlərinin sayı T) hər bir qanuni təmsilçinin adı, soyadı, atasının adı, vətəndaşlığı və yaşayış yeri haqqında məlumatlar; "RM) xarici qeyri-hökumət təşkilatlarının filial və ya nümayəndəliklərində - filial və ya nümayəndəliyin rəhbərinin müavininin adı, soyadı, atasının adı, vətəndaşlığı, yaşayış yeri, səlahiyyət müddəti barədə məlumatlar; N) fondlarda Himayəçilər Şurasının üzvlərinin hər birinin adı, soyadı, atasının adı, vətəndaşlığı və yaşayış yeri haqqında məlumatlar; S) hər bir təsisçinin adı, soyadı, atasının adı, vətəndaşlığı və yaşayış yeri, təsisçi hüquqi şəxsdirsə, onun adı, hüquqi ünvanı və qeydiyyatı haqqında məlumatlar; XT) xarici qeyri-hökumət təşkilatlarının filial və ya nümayəndəliklərində - Azərbaycan Respublikasında filial və ya nümayəndəliyi olan xarici qeyri-hökumət təşkilatının təsisçiləri barədə məlumatlar; İ) fəaliyyət predmeti və məqsədi (dini qurumlar üçün həm də mənsub olduğu dini konfessiya); K) fondlarda nizamnamə kapitalının miqdarı; P) fondlarda təsisçilərin əmlak payının miqdarı; İO) qeyri-hökumət təşkilatlarında və xarici qeyri-hökumət təşkilatlarının filial və ya nümayəndəliklərində - qurumun icra orqanlarının tərkibi və səlahiyyət müddəti qurumun əcnəbi və ya vətəndaşlığı olmayan şəxs olan qanuni təmsilçisinin (təmsilçilərinin) daimi yaşamaq üçün icazə müddətinin bitməsi tarixi haqqında məlumatlar; E) təhsil müəssisəsinin ali idarəetmə orqanının üzvləri haqqında məlumat; J) Kommersiya təhsil müəssisələrində nizamnamə kapitalı və təsisçilərin əmlak paylarının miqdarı; G) təhsil müəssisələrinin mülkiyyət növü; SZ) Sazişin qüvvədə olma müddəti barədə məlumat; SM) Sazişin qüvvədə olma müddətinin uzadılması müddəti haqqında məlumat; LP) qurumun ləğvetmə prosesində olması barədə məlumat; LY) ləğvetmə prosesinin ümumi müddətinin keçməsi ilə əlaqədar qurumun ləğvetmə prosesinə yenidən başlanılması barədə məlumat; Ə) qeyri-hökumət təşkilatlarında, xarici qeyrihökumət təşkilatlarının filial və ya nümayəndəliklərində və dini qurumlarda - ləğv edilmiş qurumun əmlak məsələlərinin Azərbaycan Respublikasının Mülki Məcəlləsində nəzərdə tutulmuş qaydada həll olunmasına dair məlumatlar (dini qurumlar üçün həmçinin sənədlər); Q) digər qeydlər. [52]  

4.11. Qeyri-kommersiya qurumlarının və təhsil müəssisələrinin Qeydə alınmış hər bir faktın sonrakı dəyişikliyində faktın koduna istinad edilməlidir. Hər bir faktın qeydiyyatı sıra ardıcıllığı ilə (misal üçün, A-1, A-2, A-3 və s.).

Faktların qeydə alınma tarixi sütununda qeydə alınmış faktların və dəyişikliyin sayına istinad edilməklə, onların qeydiyyat tarixi göstərilir (A-1 21.03.2003, A-2 10.01.2004, A-3 30.05.2004 və s.).

4.12. Qeyri-kommersiya qurumlarının və təhsil müəssisələrinin dövlət reyestr kitablarına daxil edilən məlumatlar bu məlumatların əks etdirilməsi üçün ayrılmış hissəyə yerləşmirsə, həmin hissəyə əlavə vərəqlər tikilməlidir. Əlavə edilmiş vərəqin yuxarı sağ hissəsində qurumun qeydiyyat nömrəsi və qeydiyyat tarixi və əsas səhifənin nömrəsi göstərilməklə hərflərlə sıralanmalıdır. Belə əlavələr edildikdə, reyestri aparan şəxs reyestr kitabının xüsusi qeydlər üçün ayrılmış hissəsində müvafiq əlavə barəsində qeyd yazmalıdır. [53]

4.13. Dövlət reyestr kitablarının elektron variantı forma və məzmun etibarilə kağız daşıyıcılardan fərqlənmir. Qeyri-kommersiya qurumlarının dövlət reyestr kitablarının elektron variantı vahid proqram texniki təminat əsasında tərtib edilir. Kommersiya qurumlarının və publik hüquqi şəxslərin dövlət reyestri məlumatları müasir informasiya və kommunikasiya texnologiyalarında istifadə edilməklə hazırlanmış xüsusi proqram təminatı vasitəsilə AVİS-də toplanır və müxtəlif aparat platformalarından istifadə edilməklə mühafizə edilir. [54]

4.14. Dövlət reyestr kitabı ali təhsili olan şəxs tərəfindən aparılır. [55]

4.15. Dövlət reyestr kitabı tərtib edildikdə aşağıdakılar təmin olunmalıdır:

4.15.1. qeyri-kommersiya qurumlarının və təhsil müəssisələrinin reyestrinin illər və inzibati-ərazi vahidləri (rayon, şəhər) üzrə tərtib edilməsi; [56]

4.15.2. qeyri-kommersiya qurumlarının və təhsil müəssisələrinin reyestr nömrələrinin say ardıcıllığına əməl edilməsi; kommersiya qurumlarının və publik hüquqi şəxslərin reyestr nömrələrinin xüsusi alqoritm əsasında hazırlanmış proqram tərəfindən verilməsinə əməl edilməsi; [57]

4.15.3. reyestrə daxil edilən qurumun adının və digər məlumatların təqdim edilmiş sənədlər əsasında düzgün yazılması;

4.15.4. reyestrdə əks etdirilən məlumatların bütöv verilməsi.

4.15.5. qurumların adlarının unikallığının gözlənilməsi. [58]

4.16. Dövlət reyestr kitabında qeydlər aydın və yığcam şəkildə yazılmalıdır.

4.17. Dövlət reyestr kitabı Azərbaycan Respublikasının bütün qeydiyyat orqanlarında Azərbaycan dilində tərtib edilir. Xarici adlar Azərbaycan dilinin tələffüz qaydalarına uyğun şəkildə Azərbaycan əlifbası ilə yazılmalıdır.

4.18. Kağız və elektron daşıyıcılardakı qeydlər arasında ziddiyyət olduqda, qanunvericilikdə digər qayda nəzərdə tutulmayıbsa, kağız daşıyıcılardakı qeydlər üstün qüvvəyə malik olur.

 

5. Qurumların qeydiyyat (reyestr) nömrəsi [59]

 

5.1. Dövlət qeydiyyatına alınan qurumlara vahid və təkrarolunmaz qeydiyyat nömrəsi verilir. [60]

5.2. Qeydiyyat nömrəsi:

5.2.1. dövlət reyestrində;

5.2.2. qurumun dövlət reyestrində qeydiyyata alınmasını təsdiq edən dövlət qeydiyyatı haqqında şəhadətnamədə, dövlət reyestrindən çıxarış və nizamnamədə (əsasnamədə);

5.2.3. qeyri-kommersiya qurumlarının və təhsil müəssisələrinin dövlət qeydiyyatı haqqında Azərbaycan Respublikasının Ədliyyə Nazirliyi tərəfindən buraxılan “Ədliyyə” qəzetində, dini qurumların dövlət qeydiyyatı haqqında Azərbaycan Respublikasının Dini Qurumlarla İş üzrə Dövlət Komitəsi tərəfindən buraxılan “Cəmiyyət və din” qəzetində, kommersiya qurumlarının və publik hüquqi şəxslərin dövlət qeydiyyatı haqqında Azərbaycan Respublikasının İqtisadiyyat Nazirliyi yanında Dövlət Vergi Xidməti tərəfindən buraxılan “Vergilər” qəzetində məlumat (kommersiya hüquqi şəxslərin təsisçiləri (iştirakçıları) və onların nizamnamə kapitalındakı payları barədə məlumatlar istisna olmaqla) dərc olunur. [61]

5.3. Qeyri-kommersiya qurumlarının Qeydiyyat nömrəsi hər bir inzibati-ərazi vahidi (rayon və şəhər) üzrə qeydiyyata alınmış (həmçinin, uçota alınmış) qurumların ümumi sayının ardıcıllığına uyğun olaraq başlayır və davam etdirilir. Dövlət reyestr kitabının dəyişməsi və ya növbəti ilin başlanması qeydiyyata alınan qurumlara verilən nömrə ardıcıllığını dəyişmir. [62]

5.3-1. Kommersiya qurumlarına və publik hüquqi şəxslərə Azərbaycan Respublikasının İqtisadiyyat Nazirliyi yanında Dövlət Vergi Xidməti tərəfindən 10 rəqəmdən ibarət qeydiyyat nömrəsi (VÖEN) verilir. Qeydiyyat nömrəsindəki birinci iki rəqəm ərazi inzibati vahidinin kodunu, sonrakı altı rəqəm sıra sayını göstərir. Doqquzuncu rəqəm xüsusi alqoritm tərəfindən verilir, onuncu rəqəm isə hüquqi statusa uyğun olaraq seçilir. İnformasiya sistemi qeydiyyat nömrələrinin unikallığını təmin edir. [63]

5.4. Qeyri-kommersiya qurumlarının və təhsil müəssisələrinin Dövlət qeydiyyat (reyestr) nömrəsində qeydiyyat orqanının kodu, dövlət qeydiyyatının ili, Dövlət reyestr kitabının kodu və qurumun reyestr kitabında sıra sayı göstərilir. Qeydiyyat orqanlarının kodu bu Qaydalara əlavədə müəyyən edilmişdir. [64]

5.5. Qeyri-kommersiya qurumlarının Qeydiyyat (reyestr) nömrəsindəki birinci dörd hərf və ya rəqəmlər inzibati ərazi vahidinin (rayon, şəhər) kodunu, ikinci iki rəqəm isə qeydiyyat ilini göstərir. Bu rəqəmlərdən sonra kitabın kodu göstərilir və tire işarəsi qoyulmaqla qurumların qeydiyyatının sıra sayını göstərən rəqəmlər yazılır. Dövlət reyestr kitablarının kodu hərf işarəsi ilə başlayır və ondan sonra sıra sayla rəqəm əlavə edilir (A1, A2 və s.). Dövlət reyestr kitabının kodu 999-a çatdıqda növbəti kod nömrəsi başqa hərf işarəsi altında yenidən 1-dən başlayır və 999-a qədər davam edir. Hər bir inzibati-ərazi vahidi üzrə qeydiyyat kitablarının kodu müvafiq inzibati-ərazi vahidinin adının baş hərfi ilə göstərilir (misal üçün, 0204-S11-2815). Əgər inzibati-ərazi vahidlərinin adı eyni hərflə başlayırsa, bu halda kodlar dəyişdirilə və ya inzibati-ərazi vahidinin adının birinci iki hərfindən istifadə edilə bilər. [65]

5.6. Qurum ləğv edildiyi halda ləğv edilmiş quruma mənsub qeydiyyat nömrəsi silinmir və başqasına verilmir və bu barədə reyestrdə qeyd aparılır.

5.7. Reyestrdə dəyişiklik edilərkən, o cümlədən qurumun adı, təşkilati-hüquqi forması dəyişildikdə, qeydiyyat nömrəsi dəyişilmir.

5.8. Başqa dövlət orqanlarında qeydiyyata alınmış qurumlar bu Qaydalara uyğun şəkildə reyestrə daxil edilirlər. Bu halda qurumun əvvəlki qeydiyyat məlumatları reyestr kitabının “hüquqi varislik” sütununda qeyd edilir və dövlət reyestrindən çıxarışda əks etdirilir. Bu qurumlar reyestrə daxil edilərkən, ilkin qeydiyyatdan sonra baş vermiş bütün dəyişikliklər reyestrdə yazılmalıdır.

 

6. Dövlət reyestrindən istifadə

 

6.1. “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikası Qanununun 15.2-ci maddəsinə əsasən dövlət qeydiyyatına alınmış və (və ya) dövlət reyestrinə daxil edilmiş hər bir quruma qeydiyyat orqanı tərəfindən onun dövlət qeydiyyatına alındığı və ya dövlət reyestrinə daxil edildiyi vaxt dövlət reyestrindən çıxarış göndərilməlidir (verilməlidir). [66]

6.1-1. “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikası Qanununun 13.3-1-ci maddəsinə uyğun olaraq kommersiya qurumları və publik hüquqi şəxslər Azərbaycan Respublikasının İqtisadiyyat Nazirliyi yanında Dövlət Vergi Xidmətində dövlət qeydiyyatına alındıqda və ya təsis sənədlərində edilmiş dəyişikliklərin və qeydə alınmış faktların sonrakı dəyişikliyi dövlət qeydiyyatına alındığı gün qeydiyyat sənədləri (dövlət qeydiyyatı haqqında şəhadətnamə, dövlət reyestrindən çıxarış, nizamnamə və ya nizamnaməyə dəyişiklik) hüquqi şəxsin elektron kabinetinə göndərilir. [67]

6.2. Dövlət reyestrindən çıxarış müəyyən edilmiş formada, qeydiyyat orqanının səlahiyyətli vəzifəli şəxsinin imzası ilə verilir və gerbli möhürlə təsdiqlənir.

6.3. Hər bir şəxs özü barəsində dövlət reyestrindəki yazılarla tanış olmaq, dövlət reyestrindən çıxarışı və qeydiyyat üçün təqdim olunmuş sənədlərin surətlərini tələb etmək hüququna malikdir. Müvafiq qeydiyyat orqanı istənilən maraqlı şəxsin tələbi ilə 15 gün müddətində qurumun dövlət qeydiyyatına alınması və ya alınmaması barədə məlumat verməlidir. [68]

6.4. Dövlət reyestrindən çıxarışlar sorğu əsasında üçüncü şəxslərə də verilir. Bu halda çıxarışda əks olunan məlumatlar (kommersiya hüquqi şəxslərin təsisçiləri (iştirakçıları) və onların nizamnamə kapitalındakı payları barədə məlumatlar istisna olmaqla) sorğuya uyğun verilir. [69]

6.5. Dövlət reyestrindən çıxarışlar (kommersiya hüquqi şəxslərin təsisçiləri (iştirakçıları) və onların nizamnamə kapitalındakı payları barədə məlumatlar istisna olmaqla) sənədlərin surəti şəklində də verilir. Sənədlərin surəti, dövlət orqanları və təsisçilər istisna olmaqla, digər şəxslərə rüsum ödənilməklə verilir. [70]

6.6. Qurumların dövlət qeydiyyatına alınması və dövlət reyestrinə daxil edilməsinə dair, habelə qurumların təşkili və fəaliyyəti ilə əlaqədar dərc edilməsi, qanunvericiliklə nəzərdə tutulmuş digər məlumatlar (kommersiya hüquqi şəxslərin təsisçiləri (iştirakçıları) və onların nizamnamə kapitalındakı payları barədə məlumatlar istisna olmaqla) ümumi tanışlıq üçün dövlət qəzetində dərc edilir. [71]

6.7. Qeyri-kommersiya qurumları (habelə dini qurumlar) və təhsil müəssisələri (kommersiya hüquqi şəxslərin təsisçiləri (iştirakçıları) və onların nizamnamə kapitalındakı payları barədə məlumatlar istisna olmaqla) dövlət qeydiyyatına alındıqdan və dövlət reyestrinə daxil edildikdən sonra hər ay müəyyən edilmiş formada Azərbaycan Respublikasının İqtisadiyyat Nazirliyi yanında Dövlət Vergi Xidmətinə, Azərbaycan Respublikasının Dövlət Statistika Komitəsinə və Əmək və Əhalinin Sosial Müdafiəsi Nazirliyinə məlumat verilir. [72]

6.8. Qanunvericiliklə müəyyən edilmiş hallarda dövlət qeydiyyatına alınmış qeyri-kommersiya qurumları (habelə dini qurumlar) və təhsil müəssisələri ləğv edildikdə və ya dövlət reyestrindəki yazılar ləğv edildikdə, habelə qeyri-kommersiya təşkilatları və xarici qeyri-hökumət təşkilatlarının filial və ya nümayəndəlikləri fəaliyyətini dayandırdıqda və bərpa etdikdə, bu barədə (kommersiya hüquqi şəxslərin təsisçiləri (iştirakçıları) və onların nizamnamə kapitalındakı payları barədə məlumatlar istisna olmaqla) Azərbaycan Respublikasının İqtisadiyyat Nazirliyi yanında Dövlət Vergi Xidmətinə, Azərbaycan Respublikasının Dövlət Statistika Komitəsinə və Əmək və Əhalinin Sosial Müdafiəsi Nazirliyinə məlumat verilir. Azərbaycan Respublikasının İqtisadiyyat Nazirliyi yanında Dövlət Vergi Xidməti Azərbaycan Respublikasının Vergi Məcəlləsi ilə nəzərdə tutulmuş qaydada fəaliyyətini dayandırmış vergi ödəyicisi olan qeyri-kommersiya təşkilatları və xarici qeyri-hökumət təşkilatlarının filial və ya nümayəndəlikləri barədə məlumatları hər il avqust ayının 10-dək və fevral ayının 10-dək Azərbaycan Respublikasının Ədliyyə Nazirliyinə təqdim edir. [73]

6.8-1. Kommersiya qurumlarının və publik hüquqi şəxslərin dövlət qeydiyyatını aparan orqan: [74]

hər gün dövlət qeydiyyatına aldığı və dövlət reyestrinə daxil etdiyi kommersiya qurumları və publik hüquqi şəxslər barədə məlumatları (kommersiya hüquqi şəxslərin təsisçiləri (iştirakçıları) və onların nizamnamə kapitalındakı payları barədə məlumatlar istisna olmaqla) aidiyyəti üzrə Azərbaycan Respublikasının Dövlət Gömrük Komitəsinə, Azərbaycan Respublikasının Dövlət Statistika Komitəsinə və Azərbaycan Respublikasının Əmək və Əhalinin Sosial Müdafiəsi Nazirliyinə elektron və (və ya) kağız daşıyıcı formasında göndərir; [75]

qanunvericiliklə müəyyən edilmiş hallarda dövlət qeydiyyatına alınmış kommersiya qurumları və publik hüquqi şəxslər ləğv edildikdə və ya dövlət reyestrindəki yazılar ləğv edildikdə, Azərbaycan Respublikasının Dövlət Gömrük Komitəsinə, Azərbaycan Respublikasının Dövlət Statistika Komitəsinə və Azərbaycan Respublikasının Əmək və Əhalinin Sosial Müdafiəsi Nazirliyinə bir gün müddətində bu barədə məlumat (kommersiya hüquqi şəxslərin təsisçiləri (iştirakçıları) və onların nizamnamə kapitalındakı payları barədə məlumatlar istisna olmaqla) verir. [76]

6.9. Elektron daşıyıcılarda tərtib edilən reyestr məlumatlarının saxlanılması və ötürülməsi zamanı dövlət statistika orqanlarında tətbiq edilən texniki-iqtisadi və sosial informasiyanın aşağıdakı təsnifatlarından istifadə edilir:

6.9.1. dövlət reyestrinə daxil edilmiş qurumların təşkilati-hüquqi formaları üzrə təsnifatı;

6.9.2. dünya ölkələrinin təsnifatı;

6.9.3. ölkə üzrə inzibati-ərazi vahidlərinin təsnifatı;

6.9.4. fəaliyyət növləri üzrə təsnifat.

 

7. Reyestrin mərkəzləşmiş qaydada aparılmasının təmin edilməsi [77]

 

7.1. Qeydiyyat orqanları reyestr məlumatlarının mühafizəsini təmin etmək, həmçinin istifadəçilərin imkanlarını genişləndirmək məqsədi ilə həmin məlumatları Azərbaycan Respublikası Ədliyyə Nazirliyinin Hüquqi şəxslərin mərkəzi reyestr şöbəsinə 30 gün müddətində təqdim edirlər.

7.2. Azərbaycan Respublikası Ədliyyə Nazirliyinin Mərkəzi reyestr şöbəsi həmin məlumatların elektron daşıyıcılara köçürülməsini, mühafizəsini, daim yeniləşməsini və informasiya mübadiləsini təmin edir.

 

8. Dövlət qeydiyyatı orqanlarında saxlanmaq üçün verilmiş sənədlərin mühafizəsi

 

8.1. Dövlət qeydiyyatına alınmış hər bir qurum, habelə Azərbaycan Respublikasının ərazisində qeydiyyata alınmış hüquqi şəxsin yaratdığı qurumlar barədə məlumatlar reyestrə daxil edildikdən sonra onların qeydiyyata alınması və reyestrə daxil edilməsi üçün təqdim edilmiş sənədlər saxlanılmaq üçün arxivə verilir.

8.2. Dövlət reyestr məlumatlarını əks etdirən və qeydiyyat üçün təqdim edilən sənədlər toplusu, o cümlədən dövlət qeydiyyatı haqqında şəhadətnamə və dövlət reyestrindən çıxarış arxivdə müvafiq qurumun qeydiyyat nömrəsi altında saxlanılır.

8.3. Arxiv işinə məsul şəxs dövlət qeydiyyatına alınmış qeyri-kommersiya qurumun və təhsil müəssisəsinin arxiv sənədlərinin qeydiyyat nömrələrinin ardıcıllığı üzrə arxivdə saxlanılmasını təşkil edir. Arxiv sənədlərinin itməsi, korlanması və məhv olmasının qarşısının alınması təmin edilir. Arxiv havası dəyişdirilən, quru, kənar şəxslərin daxil olmasına qadağa qoyulan, yanğından təhlükəsizliyi təmin edilən yerdə təşkil edilir. [78]

8.4. qeyri-kommersiya qurumlarının və təhsil müəssisələrinin Arxiv sənədlərinin hərəkəti xüsusi kitabda əks etdirilir. Qeydiyyat orqanında “Arxiv sənədlərinin hərəkəti” kitabı tətbiq edilir. Həmin kitabda arxivə təhvil verilmiş qeydiyyat sənədləri haqqında qısa məlumatlar əks etdirilir. Arxiv işinə məsul şəxs arxiv sənədini qeydiyyat orqanının əməkdaşlarına kitabda imza etdirməklə təhvil verir və təhvil alır. Dövlət qeydiyyatına alınmış kommersiya qurumlarının, publik hüquqi şəxslərin arxiv sənədlərinin saxlanılması qaydaları Azərbaycan Respublikasının İqtisadiyyat Nazirliyi tərəfindən müəyyən edilir. [79]

8.5. Qeydiyyata alınmış hər bir qurumun qeydiyyata və saxlanmağa verilmiş bütün sənədləri xüsusi qovluqda saxlanılır. Qovluğun üzərində qurumun adı və qeydiyyat nömrəsi (vergi ödəyicisinin eyniləşdirmə nömrəsi) yazılır. Sənədlər bir qovluğa yerləşmədikdə, tələb olunan sayda qovluqlarda yerləşdirilir. Bu halda hər bir qovluğun üzərində qurumun adı və qeydiyyat nömrəsi (vergi ödəyicisinin eyniləşdirmə nömrəsi) ilə yanaşı, qovluqlar da sıra ardıcıllığı ilə rəqəmlərlə nömrələnir (Qovluq № 1, № 2 və s.). [80]

8.6. Qeyri-kommersiya qurumlarının və təhsil müəssisələrinin “Hüquqi şəxslərin qeydiyyatı barədə müraciətlər” kitabı, dövlət reyestr kitabları, “Reyestrdə dəyişiklik edilməsi barədə müraciətlər” kitabı, “Arxiv sənədlərinin uçotu” kitabı və əvvəllər başqa orqanlarda qeydiyyata alınmış qurumların uçota alınması barədə tərtib edilmiş “Uçot kitabı” xüsusi müddət təyin edilənədək saxlanılır və mühafizə edilir. Dövlət reyestr kitablarında qeydiyyata alınmış bütün qurumlar ləğv edildiyi halda, həmin kitab sonuncu ləğvetmədən sonra 75 il saxlanılır. [81]

8.6.1. “Hüquqi şəxslərin qeydiyyatı barədə müraciətlər” kitabında ərizənin daxil olma nömrəsi və tarixi, hüquqi şəxsin adı və təşkilati-hüquqi forması, müraciət etmiş şəxs (ərizəçi) haqqında məlumat, sənədin icra vəziyyəti və təhvil verilməsi (göndərilməsi) haqqında qeydlər göstərilir.

8.6.2. “Reyestrdə dəyişiklik edilməsi barədə müraciətlər” kitabında müraciətin daxil olma nömrəsi və tarixi, qurumun adı, təşkilati-hüquqi forması, qeydiyyat nömrəsi və tarixi, müraciətin qısa məzmunu, sənədin icra vəziyyəti və təhvil verilməsi (göndərilməsi) haqqında qeydlər göstərilir.

8.6.3. “Arxiv sənədlərinin uçotu” kitabında qurumun adı, qeydiyyat nömrəsi və tarixi, təşkilati-hüquqi forması, saxlanılan sənədlər haqqında məlumatlar göstərilir.

8.7. Qeydiyyatda olan qurumun arxiv sənədləri müddətsiz saxlanılır. Ləğv edilmiş qurumların arxiv sənədlərinin saxlanma müddəti qurumun dövlət reyestrindən çıxarıldığı gündən sayılmaqla 75 ildir.

8.8. Ləğv edilmiş qurumların qeydiyyat sənədləri ləğvetmə ilə əlaqədar təqdim edilmiş bütün sənədlərlə birlikdə arxivdə saxlanılır. Həmin qurumların ayrıca siyahısı tutulur. [82]

8.9. Qeydiyyatından imtina edilmiş qurumların, həmçinin reyestrdə qeydə alınmalı faktların dəyişikliyinin qeydiyyatından imtina sənədlərinin 3 il müddətinə saxlanılması təmin edilir.

8.10. Saxlanılma müddəti bitmiş sənədlər məhv edilir və bu barədə akt tərtib edilir.

8.11. Qurumun arxiv sənədləri tapılmadıqda və ya itmiş olduqda, həmin sənədlərin bərpası üçün tədbirlər görülür. Bu məqsədlə təsisçilərdə olan hüquqi şəxsin qeydiyyata alınmış nizamnaməsinin, şəhadətnaməsinin, statistika orqanının verdiyi şəhadətnamənin və s. təsis sənədlərinin notariat qaydada təsdiq edilmiş surəti alınır. [83]

 

9. Dövlət reyestr məlumatlarının mühafizəsi

 

Dövlət reyestrinin mühafizəsi Azərbaycan Respublikasının qanunvericiliyinə uyğun həyata keçirilir.

 

Qeyd. Bu Qaydalarda dəyişikliklər Azərbaycan Respublikası Prezidentinin 2002-ci il 24 avqust tarixli 772 nömrəli Fərmanı ilə təsdiq edilmiş “İcra hakimiyyəti orqanlarının normativ hüquqi aktlarının hazırlanması və qəbul edilməsi qaydası haqqında Əsasnamə”nin 2.6-1-ci bəndinə uyğun edilə bilər. [84]

 

 

 

Hüquqi şəxslərin dövlət reyestrinin aparılması,

istifadəsi və mühafizəsi Qaydalarına

ƏLAVƏ [85]

 

Hüquqi şəxslərin dövlət qeydiyyatı orqanlarının kodları

 

 

 

 

 

Qeyd. Təsisçi, qanuni təmsilçi fiziki şəxs (şəxslər) olduqda, ərizədə onun (onların) soyadı, adı, atasının adı, yaşadığı yer, şəxsiyyətini təsdiq edən sənədin nömrəsi və verilmə tarixi, qurumun əcnəbi və ya vətəndaşlığı olmayan şəxs olan təsisçisinin (təsisçilərinin), qanuni təmsilçinin (qanuni təmsilçilərin) daimi yaşamaq üçün icazə müddətinin bitməsi tarixi göstərilməlidir. [90]

Təsisçi hüquqi şəxs olduqda, ərizədə onun (onların) adı, olduğu yer və qeydiyyat nömrəsi göstərilməlidir.

Ərizə səlahiyyətli şəxs tərəfindən imzalandıqda, ərizədə onun soyadı, adı, atasının adı, yaşadığı yer, şəxsiyyətini təsdiq edən sənədin nömrəsi, verilmə tarixi, vəkalətnamə haqqında məlumatlar göstərilməlidir.

Ərizə notariat qaydasında təsdiq edilməlidir.

Qoşulan sənədlər barədə məlumatlar ayrı-ayrı sətirlərdə qeyd olunur.

 

Azərbaycan Respublikası Nazirlər Kabinetinin

2005-ci il 13 aprel tarixli 70 nömrəli qərarı ilə

TƏSDİQ EDİLMİŞDİR

 

Qeyri-kommersiya qurumlarının və təhsil müəssisələrinin dövlət reyestrindən çıxarışın forması və çıxarışda göstərilən məlumatların həcmi [91]

 

1. Qeyri-kommersiya qurumlarının və təhsil müəssisələrinin dövlət reyestrindən çıxarışın forması və çıxarışda göstərilən məlumatların həcmi “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikası Qanununa və “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2004-cü il 12 aprel tarixli, 48 nömrəli Fərmanına uyğun olaraq hazırlanmışdır. [92]

2. Dövlət reyestrindən çıxarış qeyri-kommersiya qurumlarının və təhsil müəssisələrinin dövlət qeydiyyatını həyata keçirən orqanlar tərəfindən verilən, qurumun dövlət qeydiyyatına alınmasını təsdiq edən, qeydiyyata alınmış faktları, o cümlədən təsis sənədlərində edilmiş dəyişikliyi və qeydiyyata alınmış faktların sonrakı dəyişikliyini özündə əks etdirən hüquqi sənəddir. [93]

3. Dövlət reyestrindən çıxarış xüsusi blank formasında tərtib olunur. Çıxarış “İşləmək üçün kağız formatları” — 9327- 60 dövlətlərarası standartlar üzrə A4(210x297mm) formatda hazırlanır, üstündə Dövlət gerbi təsvir edilir və qeydiyyat orqanının adı, dövlət reyestrinin kateqoriyası (kommersiya, qeyri-kommersiya və s.) göstərilir. [94]

4. Dövlət reyestrindən çıxarışda “Hüquqi şəxslərin dövlət reyestrinin aparılması, istifadəsi və mühafizəsi Qaydaları”nın 3.1-ci bəndində göstərilən ümumi məlumatlarla yanaşı, təşkilati-hüquqi formasından asılı olaraq həmin Qaydaların 3.2.3-cü yarımbəndində göstərilən digər məlumatlar da əks etdirilir (1 nömrəli əlavə). [95]

5. Dövlət reyestrindən çıxarış dəyişikliklərin dövlət qeydiyyatına alınması ilə bağlı olduqda, dövlət qeydiyyatına alınmış qurumun adı, qeydiyyat nömrəsi və tarixi, təşkilati-hüquqi forması, mülkiyyət növü, hüquqi ünvanı, eyniləşdirmə kodu, dəyişikliyin məzmunu və hüquqi əsasları (dəyişikliyin qeydə alınmasına əsas verən sənədlər) və dəyişikliyin qeydiyyat tarixi mütləq qaydada göstərilməlidir. [96]

6. Reyestrdə bir neçə fakt üzrə dəyişiklik edilməsi barədə eyni vaxtda müraciət edildiyi halda, baş vermiş bütün dəyişikliklər çıxarışda qeyd edilir (2 nömrəli əlavə). [97]

7. Hüquqi şəxslərin yenidən təşkili zamanı digər məlumatlarla yanaşı, hüquqi varislik faktı da çıxarışda qeyd edilməlidir.

8. Başqa dövlət orqanlarında qeydiyyata alınmış qurumların reyestrə daxil edilməsi zamanı çıxarışda həm də onların ilkin qeydiyyat tarixi və nömrəsi, əvvəlki qeydiyyat orqanı və hüquqi varislik faktları qeyd edilməlidir. [98]

9. Dövlət reyestrindən çıxarış Dövlət reyestr kitabında yazılmış və qüvvədə olan bütün məlumatları, həmçinin hüquqi qüvvəsini itirmiş sonuncu faktı əks etdirir.

10. Dövlət reyestrindən çıxarışda hüquqi şəxslərin təşkilati-hüquqi formasından və növündən asılı olan məlumatlar öz əksini tapır. [99]

 

 

 

KOMMERSİYA TƏŞKİLATLARININ

DÖVLƏT REYESTRİNDƏN ÇIXARIŞ

 

 

 

 

 

QEYRİ-KOMMERSİYA QURUMLARININ VƏ TƏHSİL MÜƏSSİSƏLƏRİNİN

DÖVLƏT REYESTRİNDƏN ÇIXARIŞ [102]

 

 

 

 

 

KOMMERSİYA TƏŞKİLATLARININ DÖVLƏT

REYESTRİNDƏN ÇIXARIŞ

 

 

 

 

 

QEYRİ-KOMMERSİYA QURUMLARININ VƏ TƏHSİL MÜƏSSİSƏLƏRİNİN

DÖVLƏT REYESTRİNDƏN ÇIXARIŞ [106]

 

 

 

 

Azərbaycan Respublikası Nazirlər Kabinetinin

2005-ci il 13 aprel tarixli, 70 nömrəli qərarı ilə

TƏSDİQ EDİLMİŞDİR

 

_______________________________ qanuni təmsilçisinin hüquqi şəxslərin dövlət qeydiyyatı orqanında saxlanmaq üçün təqdim etdiyi imza nümunələri

 

 

 

 

 

Qeyri-kommersiya hüquqi şəxsinin adında edilmiş dəyişikliyin dövlət qeydiyyatı haqqında

 

ŞƏHADƏTNAMƏ

 

Qeydiyyat № _________

 

 

Qeyd. “Qeyri-kommersiya hüquqi şəxsinin adında edilmiş dəyişikliyin dövlət qeydiyyatı haqqında şəhadətnamə” “İşləmək üçün kağız formatları” — 9327-60 dövlətlərarası standartlar üzrə A4(297x210mm) formatda hazırlanmalıdır.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Xarici qeyri-kommersiya hüquqi şəxsinin nümayəndəlik və ya filialının dövlət qeydiyyatı haqqında

 

ŞƏHADƏTNAMƏ

 

Qeydiyyat № _________

 

 

Qeyd. “xarici qeyri-kommersiya hüquqi şəxsinin nümayəndəlik və ya filialının dövlət qeydiyyatı haqqında şəhadətnamə” “İşləmək üçün kağız formatları” — 9327-60 dövlətlərarası standartlar üzrə A4(297x210mm) formatda hazırlanmalıdır.

 

 

 

Xarici qeyri-kommersiya hüquqi şəxsinin nümayəndəlik və ya filialının adında edilmiş dəyişikliyin dövlət qeydiyyatı haqqında

 

ŞƏHADƏTNAMƏ

 

Qeydiyyat № _________

 

 

Qeyd. “xarici qeyri-kommersiya hüquqi şəxsinin adında edilmiş dəyişikliyin dövlət qeydiyyatı haqqında şəhadətnamə” “İşləmək üçün kağız formatları” — 9327-60 dövlətlərarası standartlar üzrə A4(297x210mm) formatda hazırlanmalıdır. [113]

 

 

 

 

 

 

 

 

 

 

 

 

 

Xarici qeyri-kommersiya hüquqi şəxslərinin filial və nümayəndəliklərinin dövlət reyestr kitabı

 

I hissə

Ümumi məlumatlar

 

 

 

 

 

II hissə

 

Məqsədi, əmlak vəziyyəti

 

 

 

 

 

 

 

 

 

 

 

 

 

 

Qeyri-kommersiya hüquqi şəxslərinin dövlət reyestr kitabı

 

I hissə

Ümumi məlumatlar

 

 

 

 

 

II hissə

 

Məqsədi, əmlak vəziyyəti 

 

 

 

 

 

 

 

 

 

İSTİFADƏ OLUNMUŞ MƏNBƏ SƏNƏDLƏRİNİN SİYAHISI

 

1.       26 sentyabr 2005-ci tarixli 177 nömrəli Azərbaycan Respublikası Nazirlər Kabinetinin Qərarı

2.       14 dekabr 2005-ci il tarixli 228 nömrəli Azərbaycan Respublikası Nazirlər Kabinetinin Qərarı (Azərbaycan  Respublikasının Qanunvericilik Toplusu, 2005-ci il, №12, maddə 1228)

3.       14 oktyabr 2006-cı il tarixli 224 nömrəli Azərbaycan Respublikası Nazirlər Kabinetinin Qərarı (Azərbaycan Respublikasının Qanunvericilik Toplusu, 2006-cı il, № 10, maddə 903)

4.       4 sentyabr 2008-ci il tarixli 202 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2008-ci il, № 9, maddə 853)

5.       3 dekabr 2008-ci il tarixli 265 nömrəli Azərbaycan Respublikası Nazirlər Kabinetinin Qərarı (Azərbaycan Respublikasının Qanunvericilik Toplusu, 2008-ci il, № 12, maddə 1104)

6.       3 iyun 2010-cu il tarixli 102 nömrəli Azərbaycan Respublikası Nazirlər Kabinetinin Qərarı (Azərbaycan Respublikasının Qanunvericilik Toplusu, 2010-cu il, № 6, maddə 548)

7.       16 iyul 2010-cu il tarixli 140 nömrəli Azərbaycan Respublikası Nazirlər Kabinetinin Qərarı (Azərbaycan Respublikasının Qanunvericilik Toplusu, 2010-cu il, № 7, maddə 705)

8.       10 may 2011-ci il tarixli 72 nömrəli Azərbaycan Respublikası Nazirlər Kabinetinin Qərarı (Azərbaycan Respublikasının Qanunvericilik Toplusu, 2011-ci il, № 5, maddə 445)

9.       08 dekabr 2011-ci il tarixli 200 nömrəli Azərbaycan Respublikası Nazirlər Kabinetinin Qərarı (Azərbaycan Respublikasının Qanunvericilik Toplusu, 2011-ci il, № 12, maddə 1248)

10.    9 aprel 2012-ci il tarixli 79 nömrəli Azərbaycan Respublikası Nazirlər Kabinetinin Qərarı ( Azərbaycan Respublikasının Qanunvericilik Toplusu, 2012-ci il, № 04, maddə 391)

11.    22 may 2012-ci il tarixli 118 nömrəli Azərbaycan Respublikası Nazirlər Kabinetinin Qərarı (“Azərbaycan” qəzeti, 23 may 2012-ci il, № 112, Azərbaycan Respublikasının Qanunvericilik Toplusu, 2012-ci il, № 05, maddə 491)

12.    16 noyabr 2012-ci il tarixli 261 nömrəli Azərbaycan Respublikası Nazirlər Kabinetinin Qərarı (“Azərbaycan” qəzeti, 20 noyabr 2012-ci il, № 258, Azərbaycan Respublikasının Qanunvericilik Toplusu, 2012-ci il, № 11, maddə 1200)

13.    5 may 2014-cü il tarixli 119 nömrəli Azərbaycan Respublikası Nazirlər Kabinetinin Qərarı (“Azərbaycan” qəzeti, 14 may 2014-cü il, № 99; Azərbaycan Respublikasının Qanunvericilik Toplusu, 2014-cü il, № 05, maddə 548)

14.    13 iyun 2014-cü il tarixli 195 nömrəli Azərbaycan Respublikası Nazirlər Kabinetinin Qərarı (“Azərbaycan” qəzeti, 6 iyul 2014-cü il, № 142, Azərbaycan Respublikasının Qanunvericilik Toplusu, 2014-cü il, № 6, maddə 748)

15.    2 sentyabr 2014-cü il tarixli 296 nömrəli Azərbaycan Respublikası Nazirlər Kabinetinin Qərarı (“Azərbaycan” qəzeti, 9 sentyabr 2014-cü il, № 195; Azərbaycan Respublikasının Qanunvericilik Toplusu, 2014-cü il, № 09, maddə 1121)

16.    5 sentyabr 2014-cü il tarixli 298 nömrəli Azərbaycan Respublikası Nazirlər Kabinetinin Qərarı (“Azərbaycan” qəzeti, 18 sentyabr 2014-cü il, № 203; Azərbaycan Respublikasının Qanunvericilik Toplusu, 2014-cü il, № 09, maddə 1122)

17.    2 fevral 2015-ci il tarixli 22 nömrəli Azərbaycan Respublikası Nazirlər Kabinetinin Qərarı (“Azərbaycan” qəzeti, 12 fevral 2015-ci il, № 33, Azərbaycan Respublikasının Qanunvericilik Toplusu, 2015-ci il, № 2, maddə 212)

18.    21 sentyabr 2016-cı il tarixli 354 nömrəli Azərbaycan Respublikası Nazirlər Kabinetinin Qərarı (“Azərbaycan” qəzeti, 24 sentyabr 2016-cı il, № 209, Azərbaycan Respublikasının Qanunvericilik Toplusu, 2016-cı il, № 9, maddə 1581)

19.    9 iyun 2017-ci il tarixli 255 nömrəli Azərbaycan Respublikası Nazirlər Kabinetinin Qərarı (“Xalq” qəzeti, 13 iyun 2017-ci il, № 126, Azərbaycan Respublikasının Qanunvericilik Toplusu, 2017-ci il, №6 , maddə 1230)

20.    6 oktyabr 2017-ci il tarixli 414 nömrəli Azərbaycan Respublikası Nazirlər Kabinetinin Qərarı (“Xalq” qəzeti, 7 oktyabr 2017-ci il, № 219, Azərbaycan Respublikasının Qanunvericilik Toplusu, 2017-ci il, №10 , maddə 1879)

21.    27 iyul 2018-ci il tarixli 330 nömrəli Azərbaycan Respublikası Nazirlər Kabinetinin Qərarı (“Xalq” qəzeti, 31 iyul 2018-ci il, № 168, Azərbaycan Respublikasının Qanunvericilik Toplusu, 2018-ci il, №7, II kitab, maddə 1663)

22.    15 aprel 2019-cu il tarixli 171 nömrəli Azərbaycan Respublikası Nazirlər Kabinetinin Qərarı (“Xalq” qəzeti, 18 aprel 2019-cu il, № 83, Azərbaycan Respublikasının Qanunvericilik Toplusu, 2019-cu il, № 4, maddə 764)

23.    13 iyun 2019-cu il tarixli 272 nömrəli Azərbaycan Respublikası Nazirlər Kabinetinin Qərarı (“Xalq” qəzeti, 20 iyun 2019-cu il, № 131, Azərbaycan Respublikasının Qanunvericilik Toplusu, 2019-cu il, №6, maddə 1161)

24.    25 dekabr 2019-cu il tarixli 497 nömrəli Azərbaycan Respublikası Nazirlər Kabinetinin Qərarı (“Xalq” qəzeti, 27 dekabr 2019-cu il, № 289, Azərbaycan Respublikasının Qanunvericilik Toplusu, 2019-cı il, № 12, maddə 2078)

25.    16 fevral 2022-ci il tarixli 45 nömrəli Azərbaycan Respublikası Nazirlər Kabinetinin Qərarı (“Xalq” qəzeti, 19 fevral 2022-ci il, № 38, Azərbaycan Respublikasının Qanunvericilik Toplusu, 2022-ci il, № 2, maddə 169)

26.    26 fevral 2022-ci il tarixli 64 nömrəli Azərbaycan Respublikası Nazirlər Kabinetinin Qərarı (“Xalq” qəzeti, 4 mart 2022-ci il, № 49, Azərbaycan Respublikasının Qanunvericilik Toplusu, 2022-ci il, № 2, maddə 188)

27.    20 may 2022-ci il tarixli 203 nömrəli Azərbaycan Respublikası Nazirlər Kabinetinin Qərarı (“Xalq” qəzeti, 24 may 2022-ci il, № 108, Azərbaycan Respublikasının Qanunvericilik Toplusu, 2022-ci il, № 5, maddə 565)

 

QƏRARA EDİLMİŞ DƏYİŞİKLİK VƏ ƏLAVƏLƏRİN SİYAHISI